 وصفـــــــــــة حــــب
ياللي وصفتوا الحب كفاية
ظلمتوا الحب كتير
دانتوا بوصفه يا دوبك شفتوا
بدايه لمعنى كبير
كل كلامهم كان شيء تاني
مايعرفهوش الحب
يوم يهواني ويوم ينساني
ما يبقاش حب بقلب
اسمع مني وصفة حب
وخلّي السر في بير
ياللي وصفتوا الحب كفايه
ظلمتوا الحب كتير
لو محتاج للحب حقيقي
لازم تبقى صبور
عمر الحب ما ييجي ف لحظة
كده هايموت مكسور
حب النظرة دا أًصله ضعيف
عامل زي سحابة صيف
إوعى تصدق وتقع فيه
أصل دا جرحه بيبقى خطير
ياللي وصفتوا الحب كفايه
ظلمتوا الحب كتير
ياللي قسيتي يوم على قلبك
إنسي القسوة وقربي مني
بصّي وشوفي أعز حبايبك
عايش طول عمره مستني
طب ليه قسوة قلبك ليه
ليه بالظلم حكمتي عليه
لو كان جرحك واحد غيره
إنسي وما تسيبيلوش تفكير
ياللي وصفتوا الحب كفايه
ظلمتوا الحب كتير
قرب ياللي وقفت بعيد
قرب واسمع جالك دورك
خلّي مقابلة حبك عيد
علشان تضمن إنه يزورك
حتى إن زارك في السنة مرة
تبقى عرفت سعادتك فين
فرّح قلبك وانسى المرة
تلقى حبيبك طاير طير
ياللي وصفتوا الحب كفايه
ظلمتوا الحب كتير |