 أزمه من غير لازمه بين الرباط والجزمه
الرباط اِتخانق مع الجزمه
وقالتله اِنت مالكش لازمه
قالها ليه ياجزمة
ده اِنتى اللى ليه
وانا بحبك وبربطك بحنيه
قالتله أنا مش عاوزه الحنيه
اناعاوزه الحريه
وأشوف بقه نفسى
بدل ما اِنت خانقنى وكاتم على نفسى
قالها ده آخر كلام
قالتله أيوه آخر كلام
الرباط فك نفسه وقالها سلام
الجزمه من غير الرباط بقت مفشوله
لسانها وجنابها بقت مدلدله
وشكلها بقى آخر بهدله
الرباط كان صالب طولها وناصبها
وهو كان قسمتها وناصيبها
والجزمه بقت خايفه من اللى حيصيبها
وحست بغلطها
وقالت عاوزه رباطها
ونادت اِرجع يا رباط
مش عشانى
عشان خاطر الشرابات
اللى مقطعه روحها عليك عياط
قالها آآه الشرابات
وحشتنى الشرابات
لكن أنا حرجع بسبب
عشان اعلمك الأدب
ورجع وربط
وشد وقرط
وعمل الفيونكه
على شكل شنب
|