بسم الله الرحمن الرحيم
أعتذر لأني على عجالة من أمري ،، ولكن ماصدقت إني وصلت من السفر وقولت أقولكم الفكرة بتاعتي عشان مش باقي وقت كتير...
طبعا كلنا عارفين حرب لبنان 16 تموز 2006،، قد إيه كان موقف ابن الجنوب مشرف لكل العرب على الرغم من الأهوال والمجازر إلي شافوها أهل وأطفال لبنان،،،
بعد 12 يوم من النهاردة هاتكون الذكرى الثانية للحرب ،، وأتمنى إننا نعمل حاجة مفيدة نحيي بيها أمجاد أبطال الجنوب ،، خسارة ذكرى زي كدة تمر من غير ما نحييها وتفضل في ذاكرتنا ،، وذاكرة التاريخ ،، طبعا فيه ناس كتير هاتقول إزاي؟؟
أغلب الناس هنا في المنتدى عندهم مواهب فنية كتيرة.. رسم .. شعر فصحى .. شعر عامية .. قصة .. .. صوت حلو..مواهب كتيرة.. ليه طيب كل إلي في المنتدى ده يبدأ يفكر يقدم إيه يوم 16/7 الجاي وتكون فكرته هي حرب تموز ،، يعني مثلا الرسام ،، يرسم لوحة يصور فيها الحرب من وجهة نظره ،، الشاعر يكتب قصيدة ، أيا كانت بالعامية أو بالفصحى ،، الي بيعرف يكتب قصة قصيرة بتحكي عن الحرب ياريت ،، أو حد يكون صوته حلو يغني أغنية ،،، وفي الاخر نعرض كل ده على المنتدى ، ويكون أفضل كمان لو نقدر نعرض كل ده في معرض مثلا ونعمل ندوه بحيث كل إلي كتب شعر كويس أو عنده كلمة كويسة ،، يقولها ،، وأتمنى إن السيد عبدالرحمن لو يشاركنا الموضوع ده،، ياترى فكرتي تستاهل إن الناس تبدأ تجهزلها من دلوقتي .. ولا إيه؟؟؟
.gif "(280)")
MoNancy