بعد التحيه لكاتبة الموضوع monancy نشارككم الاحزان ونسأل الله أن يتغمد الضحايا برحمته وأن يدخلهم فسيح جناته ثم أما بعد /
أما عن حكومتنا المبهجه فلها عدة مواصفات الا وهى :
- يشيب لها شعر الولدان
-تقطع الخميرة من البيت
-بتطفش الشعب مش فاهم حيكوموا مين لو طفشونا
-الناس تسيب لهم البلد ويطلعوا أى بلد تانيه يتهانوا ويتشتموا بالالفاظ الاتيه ( يللى الحكومة بتاعتكم كرشتكم من بلدكم - يامصرى أصبحت الان للأسف شتيمه بره وغيرها الكثير )
-القائمون بالمهام الحكوميه موجودون فى أماكن لا يصلحوا لها تماما من حيث المجال والخبره
-الحكومه أمينه جدا لدرجة أن لو سرق أحد أفراد الشعب 10 جنيه ممكن يدخل السجن وما الى 5000 جنيه ثم الى المليون حسب الوسطه وما أعلى من المليون يسألوه عملتها ازاى يالك من بارع ويهربوه بره
يعنى بصراحه حاجه لا تطاق والادهى والامر هذا الموضوع الذى نحن بصدده معجزة القرن الحادى والعشرون واحد يتهم فى قضيه كبرى ويسافر الى بلاد الخارج دون وقف عن السفر ثم يستأجر بعض البلطجيه من المحامين اللى لما يتكلموا على الشاشات يبقوا شيوخ ويتكلموا عن القضاء والقدر و الالتزام والمشيخه خلاص بقوا علماء...!!!
لا حول ولا قوة الا بالله العلى العظيم ... يالها من دوله ...
واللى يغيظ أيضا نجد فى الاخبار قام مش عارف مين بالاتصال مع محمود عباس أبو مازن لمتابعة القضيه الفلسطينيه قال يعنى عارف يحل القضيه المصريه ...
هو بجد أعتقد إن فى حل لهذه العصابه أى حاجه فى الدنيا لها حل برده . بس إيه هو الحل هو دا السؤال -(هنا فى ملحوظه مهمه أحب أن أنوه اليها حل الاستعانه بالجن مرفوض لأنه حرام )-أصل الفساد كل يوم شغال يبقى لازم نخلينا إيجابيين ونلاقى حل من داخل الشعب مش عصابه زى ثورة 23 يوليو يقوموا بثورة والنتيجه ما توصلنا اليه .
تحياتى البالغه لكاتبة الموضوع الهادف .
اه على فكره سمعت ان البدرى فرغلى قال إنه فى طريقه لتأليف كتاب يسميه القتل بالحصانه عن العباره سيذكر فيه من هم شركاء ممدوح اسماعيل فى هذه العبارات من المسؤولين وسيجيب فيه عن كل التساؤلات التى لا يستطيع الكلام عنها فى البرامج التليفزيونيه أو الصحف .
__________________ 
قول مادام الحـــــــق ضايــــــع
والغرض بيــــــــع البضـــــــايــع
الحرام ســــــاتر وســــــــــايـــع
ولا نمـــــــشى عريانــــــــــــين
التعديل الأخير تم بواسطة : عاميهforever بتاريخ 07-08-2008 الساعة 06:38 pm.
|