مـــــجــد العـــروبـــة !!
لبنان جريح فى فرشته نايم طريح
والغرب قايل كلمته واضح صريح
مجد العروبة بـِرُمته جوا الضريح
*****
م القبر بيفوح العَـفـَن طعم الكلام
والسِلم حـَطوه فى الكـَفـَن لا للسلام
مجد العروبة بيندفن زي النعام
*****
ليه القلوب إتحـَجـَّرِت والحب فين ؟
ليه القنابل فـَجـَّرِت قبر الحـُسين ؟
مهما الأعادى بـَرَّرِت هتغش مين ؟
*****
أمريكا قالِت شرقـِنا أوسط كبير
.دخلـِت علينا أرضنا زي الحرير
حتى استباحِت عرضِنا ياريت نِغير
*****
يسلم يمينك يا ولد بتموت شهيد
رافِع جِبينك للأبد حـُر وعنيد
بالصبر ماضى و بالجـَلـَد عزمك شديد
*****
رِجعوا الأعادى يا (حسن) زي الكلاب
ودا فِعل عادى يا (حسن)عَزم الشباب
حـَرَّر بلادى يا (حسن) عِـيب فى اللي عاب
***
فـَكـَّر معايا ياأخى إيه الحلول ؟
قبل الستارة ما ترتِخى و الليل يطول ..
بالحب نقدر يا أخى نِحلم ننول
*******
النصرممكن ياعرب من غير حروب
لازِم نكف عن الهـَرَب نعمل جروب
كل الأراضى هتنضرَب بعد الهروب
تحية إجلال وتقدير لكل الأبطال الذين شاركوا فى رفع هامات العرب
الطبيـــب الشـــــاعــــر