الأول كل سنة وانت طيب يا عماد .. ثانيا .. بيعملوا اعلانات كثير عن كتب تعليمية ويقولك فيها تعلم الكمبيوتر في 21 يوم .. تعلم الانجليزية في 21 يوم .. هو أيه حكاية الـ 21 يوم أو الـ 3 أسابيع . عندك تفسير لها يا عمدة .. أنا بيتهألي ان لها ارتباط بالبيض والفراخ وان الواحد لما يتعلم يبقى طلع من البيضة وشاف الدنيا زي الكتاكيت الصغنونة  ما علينا خلينا في موضوعنا ... طبعا وزي ما اتعودنا اختلافك عن أقرانك يا عمدة من أيام برج الحمام ولحد دلوقتي "مش عارف ايه حكاية الفراخ والحمام المسيطرة على كلامي يمكن الجوع عامل عمايله" المهم مش عاوزين نخرج برة الموضوع .. حضرتك حطيت شرطين هما توفر الرغبة وتوفر الذكاء .. دا غير الـ 21 يوم طبعا .. انا بقولك ايه يا عماد .. انت تبدأ على بركة الله وسيبك من الشروط والاشتراطات لان اللي حيوافق عليها اصلا مش حيبقى محتاج درس في النحو .. اعمل اللي عليك والباقي على ربنا .. وإذا وافقت على التنازل عن شرط الذكاء بالتحديد اعتبرني أول تلميذ في فصلك وأحجر مكاني في الصف الأول ..
__________________ فَاصْبِرْ صَبْراً جَمِيلاً |