 '.(هذا أنا)
سحابت صيف..وبتعدّى
وحر الصيف مبيعدّيش!
أكون وللا..
يدوم الحال!
وضيق الحال
مبيكفيش.
2
(هذا أنا)
وانت زيك.. متلاقيش!
يبقى انا لازمك ف ايه؟!
3
ياآه..يالأ
ياتكسر فيها أنيابك..
ياتطلع منها بحسابك!
ولو قولك وقف ف العين
مابين لتنين..
يموت الحق!
4
أهو كل اللى معاك..يكفيك
لما الحظ يرحب بيك!
بس الديك ان باضلك مرّة..
حد بياكل بيض الديك؟!
5
السكة أقصر ما فيها(حقولك ايه/.. وجميل)!
ومابينهم السكة تضيق..والحوار بيطول
الفرق لو قسمتك قلبت نهارك ليل..
هتخاف على كلمتك؛تكسرها..مش هتقول.!
6
انت مقنع
عند قولك..
كل حاجة افتراض.
واعتراض المستحيل؛
شىء جميل!
لما كف الحلم تقطع
حد شق المستحيل..
حيمل م الصمت ال..جميل!
جرح مقنع.!
7
روح عدّ أحلامك وزاحم ف الطابور
شامم عرق؟ ميهمش.. العيب ع الغيار!
همك معاندك؟ افترس شوك السطور..
واتطمن..العيب ع اللى شاف الموز/ خيار!
8
مجناش..وعاش وسطنا ف سكات ومات وحدانى!
ونسينا لما اندفن جوانا واحد تانى..
أهو عاش ومره ف سره؛صبر عند برىء
جرىء ينام ف القصور لو حب دور الجانى!
9
يارب كل ماضم حد يفوت؟
هو القريب م القلب مش غالى؟!
طب ليه يموت ف الرق عرق التوت؟
مش كان امان ع الشجر؟
وللا الشجر عالى؟! |