 |  |  |
| آخر 10 مشاركات |
Navigation
| |||||||
| المجتمع والأسرة حياتك وحياتنا مواضيع لمناقشاتنا..! |
مساحة اعلانية
 | |
 |
| | LinkBack | أدوات الموضوع | إبحث في الموضوع | طرق مشاهدة الموضوع |
15-01-2008, 03:49 pm
| #1 (permalink) |
| Moderator تاريخ التسجيل: Dec 2005 الدولة: egypt المشاركات: 4,214 |  أنا صاحبت السلام عليكم ورحمة الله وبركاته هى أصغر أبناء أحد أصدقاء زوجي , ولنا بأسرتها علاقة قوية , ونظرا لفرق السن الشاسع بينها وبين والدتها الذى يبلغ أربعون عاما إتخذت منّي أما روحية , ذلك أن الفرق فى العمر بيني وبينها فقط أربعة عشر عام فهى الأن فى العشرين من عمرها . جعلتني حافظة أسرارها التى لا تستطيع البوح بها لأمها أو لأبيها ولله حمد استطعت كسب ثقتها ومعاونتها على اجتياز بعض الصعائب والمواقف التى كانت تقصها عليّ . لا أزكي نفسي ولكن أحسبني قد فعلت . الخميس الماضي جائتني تُهرول , تسبق السعادة خطواتها , تهلل , تكاد تزغرد من شدة الفرح . قالت : إيمو " هكذا تُناديني دائما " أحضنيني جامد وبوسيني وباركيلي , باركيلي . هللت بدوري واحتضنتها فى قوة وقبّلت خدّيها قائلة : خير يا " .... " خير ياقلبي فرّحيني . قالت : أنا إرتبطت هللت أكثروضممتها مرة أُخرى أقوى من سابقتها قائلة :بجد بجد يا " .... " مبروك يا قلبي , مبروك يا قمري , مين قوليلي إحكيلي بسرعة ....؟؟؟ قالت : " ... " اللى معايِ فى الجامعة م أنا حكيتلك عليه قبل كده . قلت وقد بدأت سعادتي فى التناقص : " ... " آه آه فاكراه , لكن إزاي يا " .... " ده معاكي فى نفس السنة قدّك يعني ....؟؟؟ قالت : وفيها أيه عادى ....؟؟؟ قلت ومازالت سعادتي تزداد نُقصان : عادى إزاى بقى ده على ما يتخرّج ويخلص جيش ويجهّز نفسه تكوني خللتي , إنتي ناسية إنكم لسه فى سنة تانية ...؟؟؟ قالت وهى تداري عنّي خجلها : عادى برضوا . قلت : برضوا بتقولي عادى ,بابا وافق على الإرتباط ده إزاى ...؟؟؟ قالت فى جرأة : بابا , بابا ميعرفش حاجه عن الموضوع ده , إوعى تقوليله لا هو ولا ماما . قلت فى دهشة : بابا ميعرفش , وأوعى أقوله , ليه مش بتقولي إرتبطتم , يعنى جه خطبك من بابا وطالما إرتبطتم يبقى بابا وماما موافقين , فهميني يا " .... " أيه الحكاية ...؟؟؟ قالت فى جرأة تفوق سابقتها : خطبني ... خطوبة أيه يا إيمو , أيه مسلسل 7 وربع اللى إنتي واقعة فيه ده ...؟؟؟ قلت وقد تلاشت معالم السعادة عن وجهي تماما : مسلسل 7 وربع , طب فهميني يا بتاعة مسلسل الساعة 9 . قالت : إرتبطنا , يعنى إتصاحبنا ,, مش خطوبة وجه البيت وكده . قلت : إتصاحبتوا يعنى أيه دى , معلش تعليم مجّاني إستحمليني وفهميني تاني ...؟؟؟ قالت : يعنى هو بقى أنتيمي وأنا أنتيمته , نخرج مع بعض , نحب بعض , يعنى كده من غير خطوبة ولا جواز , ويمكن يمكن يمكن تقلب بخطوبة فى يوم من الأيام . قلت : يمكن يمكن , يعنى الموضوع مش فى النية تماما ...؟؟؟ قالت : على الأقل مش فى النية دلوقتي . قلت : وطبعا مطلوب منّي دلوقتي إني أبارك وأفرح وأزغرد , وفوق ده وده مأقولش لباباكي ولا مامتك ...؟؟؟ قالت : بالظبط يا إيمو , برافو عليكِ , ثم تلت ردها بقبلة وعناق واسترسلت بليز متعقديهاش قوى كده , سيبيني أعيش شوية . أبعدتها ومسحت قبلتها من على خدّي قائلة : تعيشيلك شوية !! يا شيخه إلهي لا تعيشي ولا يكونلك وجود بعد ما نكدتي عليا بالشكل ده , بقى أنا فرحانة وفاكراكي إتخطبتي وهاقوم أزغرد وأرقص ترجعي تقوليلي أنا صاحِبت , ثم أيه أنا صاحِبت دى , المُصطلح ده جايباه منين , عمري ما سمعته قبل كده حتى فى التليفزيون ...؟؟؟؟ قالت فى ضحكة ساخرة : عندك حق ما إنتي لسه عايشه فى البلالا . قلت : كمان البلالا , قومي يا بت من هنا , غوري روّحي مش عاوزة أشوف خلقتك تاني . ثم استرسلت " .... " حبيبة قلبي , إنتي عارفة إنك زى منة وأحمد بالنسبة لي , صح ...؟؟؟ قالت : صح . قلت : اللى إنتي بتقوليه ده وبتعمليه غلط , مفيش دين ولا أعراف ولا حد يقبله , مفيش حاجة إسمها أنا صاحِبت , ونحب بعض شوية ونخرج ونتفسح وخلاص , راعي ربنا يا " .... " فى نفسك أولا , أنا عارفة إنك مُتدينة يمكن مش مُحجبة لكن إنتي قلبك طاهر ونقي , يا بت دا أنا اللى مربياكي وعارفاكي أكتر من أمك , راعي ربنا فى باباكِ ومامتك لو عرفوا حاجة زى دى هاتسقط صورتك من عنيهم وإنتي مش ناقصة علاقتك تسوء معاهم أكتر من كده " ثم ضممتها إلى صدري " يا حبيبة قلبي أنا مش ضد الإرتباط ده ولو إني باسجّل بعض تحفظات عليه وإنتي فاهماني كويس , أنا ضد ان العلاقة تبقى بالشكل ده تبقى صحوبية زى ما بتقولي , فيها أيه لو " ... " جه خطبك وبقت علاقة رسمية قدام الناس كلها . إنتزعت نفسها من صدري قائلة : يخطبني أيه ده لسه قدامه سنين على ما يقدر يتجوّز مينفعش وبعدين أنا لسه محبيتهوش لدرجة خطوبة وجواز والحاجات دى. ضممتها مرة أُخرى قائلة :يبقى تاهت ولقيناها , طالما مفيش حب أو حب قوى يستاهل الإرتباط نفك الإرتباط ده وهو لسه فى أوله كده وندوّر على اللى أحق بالإرتباط الرسمي أو نستنى لحدّ ما ربنا يبعتهولنا لحد عندنا . قالت وهى مازالت على صدري وقد عَلت صوتها بوادر الإقتناع : يعنى إنتي رأيك كده ....؟؟؟ قلت : ده مش رأيي , ده رأي العقل والتفكير , مش العبط اللى إنتي عايشه فيه والعشوائية دى . قالت : خلاص يا إيمو أنا هافكّر وأرد عليكي . قلت : ولو ان الموضوع مش محتاج تفكير لكن هاسيبك تفكري براحتك , هاروح أعملك كوباية نسكافيه وعلى ما أرجع تكوني فكرتي وترسيني دلوقتي على برّ , 5 دقايق وراجعالك , الموضوع ميحتملش أكتر من كده , غمزت لها بعيني اليُمنى وقبّلتها واتجهت إلى المطبخ . بعد تقريبا ثلاث دقائق وجدتها بجواري فى المطبخ وفى يده جهاز الموبايل خاصتها وقد كتبت من خلاله رسالة نصُها " ... " fokak mn mwdo3na bta3 el ertebat da ana fakart kwaes we l2et enna menf3ch nkon mtsa7been 5lena asdka2 zae ma e7na zmael fe elgam3a a7san سأترجمها لكم " ... " فكك من موضوعنا بتاع الإرتباط ده أنا فكرت كويس ولقيت إننا مينفعش نكون متصاحبين خلينا زى ما إحنا زمايل فى الجامعة أحسن . أعطتني الموبايل لأقرأ الرسالة , وبعد ما قرأتها سألتني : أبعتها واللا عندك كلام تاني ...؟؟؟ قلت : إبعتيها وصدقيني مش هاتخسري . وبين اقتناع غير تام ودمعة كادت أن تفرّ من عينيها ثم تراجعت ضغطت " .... " على مفتاح send وماهى إلا دقائق قليلة حتى وجدنا جهاز الموبايل يدق إنه " ... " قالت : أنا مش هارد قلت : بوركتِ يا حبيبتي وتابعت مداعبة لها good girl ظل جهاز الموبايل يدق قرابة النصف ساعة حتى وصلت المكالمات المفقودة إلى 13 مكالمة كلها من " ... " و 9 رسائل تتفاوت صيغتها بين rody ya " .... " ردّي يا " .... " plz rody 3alya بليز ردّي عليا ana 3amltlek aih , argoky rody أنا عملتلك أيه , أرجوكي ردّي rody ردّي بينما نحن نحتسي أكواب النسكافيه ونتضاحك , توقّف الجهاز عن رنينه , ورسائله . قالت : أيه ده , يأس بالسرعة دى , ده مفيش نص ساعة . قلت : هو ده مقدار علاقتكم , نص ساعة وتنتهي. قالت وقد بدت على قناعة تامة بحديثي وتفهّما : صح يا إيمو , إنتي صح . غادرتني فى الساعة الرابعة عصرا تقريبا , على عهد بعدم مواصلة تلك العلاقة حتى ولو على رقبتها . ودّعتها بضمة قوية قائلة : يا بت إستني أجوّزك الواد أحمد إبني , دا أنا هاكونلك حماة ولا أجمل ولا أحن . قالت : لاء أنا عاوزة أتجوزه من دلوقتي , علشان آجي أقعد معاكِ على طول . قلت : دلوقتي مفيش غير عمو , ينفع ...؟؟؟ قالت : ينفع طبعا أى حاجة منك حلوة يا إيمو , إنشالله يكون عمو . فى ضوء هذا الموقف أتسائل ما سر هذه المفردات الجديدة , والعلاقات الجديدة التى بدأت تظهر فى مجتمعاتنا العربية ...؟؟؟ من أين جاءت ...؟؟؟ من الذى سمح لها بهذا الإنتشار والتوغّل ...؟؟؟ إلى أين ستصل بنا ...؟؟؟؟؟؟؟؟ هل اقتنعت " .... " بماقلتُ حقا أم أنها قد عاودت العلاقة من ورائي حين وجدتني أُعارضها ..؟؟؟ وألف علامة إستفهام
__________________ ربِ لا تجعلنى من الذين ضل سعيهم فى الحياة الدُنيا وهُم يَحسبوُن انّهم يُحسنون صُنعا [عزيزي الزائر يتوجب عليك التسجيل للمشاهدة الرابط للتسجيل اضغط هنا]  |
| Offline |  |
| مساحة اعلانية | |||||
|
|
15-01-2008, 08:33 pm
| #2 (permalink) | |
| عضو نشط  تاريخ التسجيل: Aug 2005 الدولة: Where I Want To... المشاركات: 2,695 |  اقتباس:
إيمان ..بجد عمرك ما سمعتيها ؟؟؟؟؟؟؟ دي بقت منتشرة بلا حياء في البلد كلها ... أنا فاكرة زمان .. في أول الكلية كانوا لما اتنين يرتبطوا يقولوا احنا مرتبطين على استحياء .. شوية شوية ظهر مصطلح المصاحبة... وبرضه كان على استحياء شوية ... وإذ فجأة ... بقى مصطلح منطقي جدا ً وعادي ... واكتشفت الكارثة التي تحدثت عنها صديقتك الصغيرة ... عندما أخبرتني فتاة أعرفها متحدثة عن شخص تعرفه .. قائلة ده صاحبي ..( ولمعرفتي بأن الأمر قد يحتمل التأويلين الصداقة والارتباط ..) سألتها : أصدقاء ؟ = : لأ متصاحبين يا حاجة .. - : مرتبطين يعني .. آه فهمت .. = : ياحاجة متصاحبين مش مرتبطين .. اكتشفت حينها أن الأمر تطور .. وأن حتى الارتباط اللي كان على ايامي في الجامعة يا دوبك من 4 سنين .. بقى موضة قديمة ... وأن هنالك علاقة جديدة كل مضمونها هو ملء فراغ .. كم يزعجني هذا الأمر ... ويؤلمني ... بالنسبة لأسئلتك ..من أين جاءت .. ربنا يبارك في التليفزيون والدش ووسائل الإعلام .. هؤلاء هم قبلة الشباب الأولى .. شخصيا ً أرى أن الفيديو كليب بالذات .. له دور محوري .. والله يصعب علي هؤلاء الشباب .. يوجعون قلبي ... وعند محاولة الاقناع بالمنطق .. من تراه الغالب .. مايرونه في وسائل الإعلام من وردية احلام الحب والمصاحبة ... بعضهم يعتقد أنه أمر حتمي أن يكون له علاقة خاصة بالجنس الآخر.. ليس بالضرورة ان تكون حبا ً ..ولكن فقط لملء الفراغ الذي يتزايد ويستفحل .. أم .. الكلام المكلكع المعقد بتاع الثلاثينات ( كما قيل لي ) عن أن الحب مسؤولية قبل اي شئ .. وعن أن ما لا يرضي الله لا يسعد الروح النقية أبدا ً .. وأن نور الحب ليس مجرد لحظة سعادة سطحية جوفاء ده ناخده ونقعد بيه على جنب ! السؤال الآخر الخاص بصديقتك الصغيرة .. والله هذا يعتمد على شخصيتها .. وذكائها .. شخصيا ً لا أظن ان من تفكر بتلك الطريقة سيسهل إقناعها بهذه السرعة .. أغلب ظني ..أنها عندما رأت استنكارك الشديد وجزعك .. وأخذك للموضوع من جانب ديني .. خافت من ردة فعلك .. فارتأت أن تشتري دماغها .. ربنا يستر .. حاولي يا ايمان متابعتها من بعيد لبعيد .. وبث محاوة بث الطمأنينة في نفسها ... على الأقل لو فرضنا على أسوأ الظروف أن العلاقة مازالت مستمرة وأتك لست قادرة على انهائها .. فأضعف الايمان أن تحاولي إنقاذ ما يمكن إنقاذه .. !
__________________ _____________ قـالـت الـقــوة ُ لـلـعـالـَــم ... أنــتَ مـلـــكـي ... فـسـجـنَـــها الـعـالـَــمُ عـلــى عـرشِـــهَـا....! ! ! وقـالَ الـحُـــبُ لـلـعـالـَـــم.... إِنـِّي لـَــك.... فـوهـَــبَ لـَـهُ الـعـالـَــــمُ الـحـريـــة َفــي دارِه....! ! ! _طــاغـــــــور_ _____________ | |
| Offline | |
|
16-01-2008, 06:27 am
| #3 (permalink) |
| عضو نشط  تاريخ التسجيل: Sep 2005 الدولة: فى الدور الرابع ... المشاركات: 1,237   | أتفق مع كل كلمة قالتها ياسمين ... وتحية لها هى حالات فراغ عاطفى ، و أغلبها يقع تحت ستار الحب .. مدام : إيمان ... احييك على حكمتك فى طريقة اقناعها على التصرف الصحيح ... ويارب تكون عملت بالنصيحة الغالية التى قدمتيها لها ...
__________________  فضلت أفكر فى النسيان .. لما بقى النسيان همى |
| Offline | |
|
16-01-2008, 12:58 pm
| #4 (permalink) | ||||||
| Moderator تاريخ التسجيل: Dec 2005 الدولة: egypt المشاركات: 4,214 | السلام عليكم ورحمة الله وبركاته اقتباس:
تصدقى آه عمرى ما سمعتها يا ياسمين حتى فى التليفزيون , لأني ولله الحمد من حوالي 4 سنوات تقريبا مش متابعة التليفزيون غير قلييييييييييل جدا , وبتقتصر متابعتي على الأخبار وبعض أفلام قديمة من اللى أنا حافظاهم ولم ترد في اى واحد منهم هذه اللفظة . أفتكر إني سمعت مصطلح " علاقة خاصة " فقط فى فيلم الباشا , وهو فيلم من أوائل التسعينات لمنى عبدالغني وأحمد زكي , كانت مني بتطلقها على علاقتها بشخص داخل الفيلم تقريبا كان رئيسها فى الشغل وكان بيمثل دوره محمود حميدة . " علاقة خاصة " هو آخر المصطلحات اللى أعرفها فى عالم العلاقة بين الشباب والفتيات بعد كده إنسي . اقتباس:
اقتباس:
هو أمر غريزيّ , فالشباب فى هذه المرحة يميلون بطبيعتهم إلى الجنس الآخر , ولا أقصد بالغريزة الإحتياج إلى الجنس تحديدا ولكن هو الإحتياج لأن يكن للشاب أو الفتاة شريك من الجنس الآخر فى أمور الحياة عموما , ولضيق ذات اليد يتحايل كل منهم على شكل العلاقة فتظهر تلك المصطلحات الجديدة . اقتباس:
نفس الخوف ينتابني من أن تكن استعملت ذكائها فيما يضرها , فقررت تمثيل هذه التمثيلية عليَّ وفى نيتها الإستمرار فى العلاقة من ورائي . كما قُلتِ يا فراشة " ربنا يُستر " أسأله الستر عليها وعلى إبنتي وعلى بنات المسلمين أجمعين . اقتباس:
اقتباس: والله المُستعان فراشتي الجميلة شكرا لمروركِ وتحليلكِ الواعي
__________________ ربِ لا تجعلنى من الذين ضل سعيهم فى الحياة الدُنيا وهُم يَحسبوُن انّهم يُحسنون صُنعا [عزيزي الزائر يتوجب عليك التسجيل للمشاهدة الرابط للتسجيل اضغط هنا] | ||||||
| Offline | |
|
16-01-2008, 01:10 pm
| #5 (permalink) | |
| Moderator تاريخ التسجيل: Dec 2005 الدولة: egypt المشاركات: 4,214 | السلام عليكم ورحمة الله وبركاته اقتباس:
يارب يا سامح أكون وفّقت فى إقناعها , ولو أنني أشك فى ذلك . أسأل الله أن تكن قد عملت بالنصيحة وبكلماتي .... ثم أسأله الستر . تحياتي لك ولمرورك لا حرمني الله منك يا عزيزي
__________________ ربِ لا تجعلنى من الذين ضل سعيهم فى الحياة الدُنيا وهُم يَحسبوُن انّهم يُحسنون صُنعا [عزيزي الزائر يتوجب عليك التسجيل للمشاهدة الرابط للتسجيل اضغط هنا] | |
| Offline | |
|
17-01-2008, 02:22 pm
| #7 (permalink) | |
| Moderator تاريخ التسجيل: Dec 2005 الدولة: egypt المشاركات: 4,214 |  السلام عليكم ورحمة الله وبركاته اقتباس:
Eb2a Ta3ala Kol Yom .gif "(245)") .gif "(300)")
__________________ ربِ لا تجعلنى من الذين ضل سعيهم فى الحياة الدُنيا وهُم يَحسبوُن انّهم يُحسنون صُنعا [عزيزي الزائر يتوجب عليك التسجيل للمشاهدة الرابط للتسجيل اضغط هنا] | |
| Offline | |
|
17-01-2008, 03:39 pm
| #8 (permalink) |
| عضو غير نشط تاريخ التسجيل: Aug 2007 المشاركات: 25 | الموضوع شيق يا ذات الارقام ....بارك الله فيك لهذه النصيحة لهذه الانسانه التى ليس لها خبرة فى الحياة بل التقليد الاعمى دون مشاورة من الاكبر سنا ...لكن السبب الاصلى فى تدهور الالفاظ الى هذه الدرجة اسبابه كثيرة منها عدم متابعة الاباء والامهات لبناتهم واولادهم وكثرة مشغولياتهم فيجد الشاب او الشابة الاختلاط مع اقرانهم والذين ليست لهم او لهن دراية بالحياة او السلوكيات السليمة .....كما ان الافلام والاقمار والانترنت والفيديو والمجلات اصبحت تتكلم بصورة ابعد ما تكون عن اللغة العربية الفصحى وهذا سبب اخر...ولما اعتبرتى نفسك اما روحية لها فاكملى جميلك عليها وتابعيها .....وياليت لو اهديت اليها بعض الكتب الدينية التى تناقش مثل تلك الامور وتعرفها امور دينها الحنيف فسوف يكافئك الله على فعلك هذا .......وشكرا لكم جميعا...................pyramid2007 |
| Offline | |
|
18-01-2008, 03:44 pm
| #10 (permalink) | |
| عضو نشط  تاريخ التسجيل: Jul 2007 المشاركات: 157 | اقتباس:
__________________ أنت ومخالفك كلٌّ منكما يرى ما لديه هوالمنطق، كلٌّ منكما يرى شيطانه هوالقديس، كلٌّ منكما يرى الله معه وحده. | |
| Offline | |
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | إبحث في الموضوع |
| طرق مشاهدة الموضوع | |
العرض العادي
|
|
 | الأعلى - منتديات عبدالرحمن يوسف-منتديات أدبية شعر أدب ثقافة تعليم سياسة اخبار | الاتصال بنا - الأرشيف - الأعلى | |
