يا زمن مادى وعصر جبان..قصيدة عامية ..محمد الخطيرى

[محمد الخطيرى]

يا زمن مادى

يا زمن مادى وعصر جبانِ
فيه الإنسان مبقاش إنسان
ولا فيه رحمه يا ناس وحنان
ضاع الحب كأن ما كان
والإنسان أصبح حيوان
ميهموش غير بس المادة
عمَّال يكنز مال أو فضة
فجأة يلاقى العمر أهو عدى
والموت جاى ياخده فى أحضانه
قولى هتعمل وقتها إيه
لما تكون فى القبر لوحدك
واما يحاسبك فيه ملكين
يسألوا فيك هتقول مين ربك؟
مش هتلاقى إجابة ساعتها
أصل حياتك انت فنتها
فى الشهوات وفى حب الدنيا
مع إنها غدارة وفنية
بتبيع وبتتخلى فى ثانية
دنيا غرورة ما ليها أمان
يا زمن مادى وعصر جبان
****
اصحى وفوق بقى م الغيبوبة
الحق نفسك وانوى التوبة
سيبك م الدنيا المعيوبة
وارجع لله الرحمن
هوَّ لوحده هيصلح أمرك
يسعد قلبك فى بقية عمرك
واما تموت والقبر يضمك
هتكون من أهل الإحسان
حافظ دايما على عباداتك
واخشع فى سجودك وصلاتك
واوعى تضيع فى اللهو حياتك
وتكون من أهل الخسران
إخلص عملك واعبد ربك
وكمان حق الحق بقلبك
تلقى الجنة أهه بتندهلك
وتكون من أهل الإيمان
وآخر كلمة حقولها عشان
الإنسان يرجع إنسان
حكمة عظيمة من القرآن
قال سبحانه عالى الشأن
{ اعلموا أنما الحياة الدنيا لعب ولهو وزينة وتفاخر بينكم كمثل غيث أعجب الكفار نباته ثم يهيج فتراه مصفرا ثم يكون حطاما وفى الآخرة عذاب شديد ومغفرة من الله ورضوان وما الحياة الدنيا إلا متاع الغرور } الحديد

a.ads,a.ads:link,a.ads:visited,a.ads:active { text-decoration:none;} a.ads:hover { text-decoration:underline;}.cT {color:#006699;} .cB {color:#000000;} .cU {color:#4C4C4C;} .bg {background-color:#FFFFFF;} .b {border-color:#006699;} .bg2 {background-color:#006699;}