:: بحب بلادى جدا :: " أول مشاركة " - منتديات عبدالرحمن يوسف-منتديات أدبية شعر أدب ثقافة تعليم سياسة اخبار

أبو عامر · 03-06-2008, 03:43 am

السلام عليكم ورحمة الله وبركاته
اخوانى الأعزاء أهل المنتدى وأحبابه يسرنى ويسعدنى أن أقدم لكم أول ما كتب قلمى " و ليس معنى ذلك ان أنا أول مرة أمسك قلم ياعنى " ما علينا ....
يهمنى جدا رأيكم ونقدكم وخصوصا الأستاذ محمد محمود مرسى والأستاذ حامل اللواء وده على
سبيل المثال لا الحصر .

بحب بلادى جدا وده شئ أبا عن جدا
دى عليتنا كمان معروفة بتحب تاكل جرجير
حبيت فى يوم أعبر عن رأى جميل مسكر
قعدت ساعة أفكر فى حكاية التغيير
تغيير ياعم كبر ده يبقى نهارك أخبر
ويومك كمان مش فايت دي مصر كلها خير
ومعايا كمان نماذج لشباب هج للخارج
من كتر حبه لبلده وغيره لسه كتير
******************************
ده لو شعبوله ولى وعمر دياب تخلى
وفؤش جتله شله لسه فى سعد الصغير
ولوحتى نانسى ماتت وهيفا وهبى فاتت
والست أصالة زاطت روبى لسه بخير
وعادل امام الغالى أبو نجم عالى عالى
ده يا شيخ فنان مثالى ومافيش زيه كتير
عملنا الارهابى والوزير على بابى
والتجربة الشقية وخد لقب سفير
ما شفتش الطهارة والعفة والشطارة
فى الفيلم بتاع العمارة والواد بتاع الوزير
*****************************
وده كله فن هايل وزوقه بقه مش قايل
دى بلادنا فيها مواهب أكتر من اسرائيل
وقلب فى الدفاتر هاتشوف كتير كوادر
مش فاكر جمال وأنور بتوع تحديد المصير
وسين و صاد وعين وته وفه وغين
وقاف وكاف وشين بتوع الحديد والقمح والتصدير
******************************
وخش بقه ع الكورة الحلوة . المدورة . الامورة
ماشفتش البطولة دى مصر خدتها كتير
وزيدان وحسنى ومتعب وشوقى
طب ميدو والحضري وأبوتريكة الخطير
شكلك بقه مش عايش ومقفول وكاشش
وعايشلى دور أمينه ف فيلم الجميلة والشرير
******************************
ده أنا رحت يوم الجامعة لقيت صحابنا قالعة
قلت يانهار ابيض ده أكيد حرامى غسيل
قالولى بقه مش عارف يا متخلف ياهايف
ده يوم الحب يا أهبل ياعديم الضمير
وواد بيحب واحدة كان شافها ع المحطة
كان قاعد يسبل وقال كلام كتير
ياحبيبتى بلاش تتكسفى انك ف يوم تتكشفى
دى حاجة عادية جدا وماتزعلش ياجميل
و الا.... ممكن أفطس أو ع الأقل هاعطس
وآخد دور زكام وأرقد ف السرير
****************************
والبت بنت جارنا دى طول نهارها بره
لكن أبوها ......عادى معلش ده راجل كبير
****************************
شفت الحلاوة ديه من الاقصر لسكندريه
هو ده شويه وجاى تقول تغيير
وهو ده الى ماشى أوعاك ماتقولش ماشى
قول سمعا وطاعة وماتلكش كتير
ويوم بيجر أخوه وزيه زى ابوه
ده حتى ابن عمه شبه جده الكبير
*********************************
خلصت خلاص كلامى ومافيش تانى ادامى
قولى بقه بالله مش ده كلام خطير
ولا أنا بليد وخيبه وخيبتى كمان بنويبه
وعايش وهم كبير
وبحب بلادى جدا
فى انتظار رأيكم .....