نكت جامدة.. جامدة . جامدة

أوسكار · 03-10-2005, 07:06 pm

مرة واحد مربى كتكوت مفترس كل ميدخلوا فى عشة ياكل الى فيها راح رماه فى الصحرا وبعد يومين الراجل حس بالذنب راحلو لقيه مرمى على الارض والنسور والصقور بتحوم حوليه راح الراجل قله :حبيبى انت مت ولا ايه راح الكتكوت قله : الله يخرب بيتك بوظت الكمين

___________________________________

مرة واحد بيقول لمراته "اعملى محشى" فقالت له "ما بعرفش" قلها "ماليش دعوة" فراح الشغل ورجع لقى السفرة مليانة محشى قلها "مين اللى عمله؟" فقالت "معرفش" فأشتكى للبواب، البواب رد وقاله "الشقة ديه مسكونة" فقله "لاياعم أنا هروح شقة حلوان" فطلع الشقة لقى العفش محلول وهو نازل لقى أربع عفاريت بيغنوا "هنروح حلوان هنروح حلوان"

__________________________

مرة دبانة سقطت فى كاس خمرة طلعت تقول وسع للنسر

___________________________________

فريق نمل بيلعب ومن ضمنهم صرصار لية...؟ لاعب اجنبى

________________________

واحده سودانيه شافت اسد قالتلو لا وحياتك متاكلنيش قلها لا انا ممنوع من اكل المشويات

________________________________

سحليه اتجوزت فيل تفتكروا يخلفوا ايه ؟؟؟؟ خلفوا فيل يمشى على الحيطه

_________________________

مره حرامى ندل طب على بيت واحده عجوزه مالقاش حاجه يسرقها لقى العجوزه بردانه قام مشغل التكييف

_____________________________

الصعيدى لما بيخرج بره البلد بيبقى ذكى لييييييييه؟؟؟؟ علشان خارج التغطيه

___________________________

مرة أتنين ألمان حبو يقلدو الصعايدة في غبائهم امو جابو سنارتين وراحو الصحرا وقعدو يصتادو بيبصو لقو الصعايدة معدين وراهم بلنش

_____________________

اتنين بيحششو قدام مراية فواحد بيبص وبيقول لصحبة اية دة تصدق ان فى اتنين هناك بيحششو بص التانى وقالو اة عندك حق فقالو يلا نروح نقعد معاهم فاول ما قامو رد علية التانى وقالة خليك هما جايين

______________________________

واحد هجاص قاعد مع جماعة اصحابه بيقول لهم عارفين مين اللى كان معايا انبارح قالو مين قال بوش وشارون قالو ياراجل؟ قال واد يابلية مين اللى كان معايا انبارح بلية قال بوش وشارون يامعلم

تانى يوم قال لاصحابه عارفين مين اللى كان معايا الاسبوع اللى فات قالولو مين قال مبارك وعبيد قالو ياراجل؟ قال واد يابلية مين اللى كان هنا الاسبوع اللى فات؟ قال مبارك وعبيد يامعلم
تالت يوم بيقول لاصحابه عارفين مين اللى كان معايا الشهر اللى فات قالو مين؟ قال ابو جهل وابو لهب قالو ياراجل؟ قال واد يابلية مين اللى كان هنا الشهر اللى فات ؟. قال بلية مش عارف يامعلم بس انا كنت فى مشوار جيت لقيت عربية مكتوب عليها ملاكى قريش

________________________________

مره واحد بخيل مزيعه بتساله لو الدنيا برد هاتعمل ايه قالها هاقعد جنب الدفايه قالتله لو برد اوي قالها هالزق في الدفايه قالتله لو برد اوي اوي اوي قالها امري لله هاشغل الدفايه

_____________________________

قالك مرة 5 صعايدة بيلعبوا على الطريق السريع واللى تخبطوا

عربية مرتين يطلع برة

________________________

مرة واحد عايز ينتحر من الدور العاشر وجده مغلق راح انتحر من الخامس مرتين

____________________________

[عزيزي الزائر يتوجب عليك التسجيل للمشاهدة الرابط للتسجيل اضغط هنا] [عزيزي الزائر يتوجب عليك التسجيل للمشاهدة الرابط للتسجيل اضغط هنا] [عزيزي الزائر يتوجب عليك التسجيل للمشاهدة الرابط للتسجيل اضغط هنا]

نزهة · 03-10-2005, 07:37 pm

نكت رائعة جدا يا اوسكار

ملاكي قريش هي رقم 1

أوسكار · 03-10-2005, 07:41 pm

فعلا ياست الكل هى الوحيدة اللى قرأتها وضحكت عليها أكثر من

أى واحدة تانى

الغريب · 10-10-2005, 06:16 am

والله فعلا بس كلهم جمال لوتعرفى تجبلنة شواية نكت كتير عن الصعيدة ابقا مشكور جدا جدا ههههههههههه

أوسكار · 10-10-2005, 03:37 pm

شكراً بس برضو ولد مش بنت

arahman · 10-10-2005, 04:06 pm

مرة واحد بلدياتنا ، راح اشتغل سواق تاكسي في الصين . . .
كل ما واحد يوقفه . . . يقول له : أنا مش لسه منزلـّك !

أوسكار · 10-10-2005, 04:09 pm

حلوة بجد يا أستاذنا مش مجاملة والله جميلة فعلاً

وكمان أول مرة أشوف حضرتك بتكتب نكت يعنى هى حلوة عشان بضحكنا

وبصراحة محتاجين للضحك

ZeFT_awy · 10-10-2005, 05:23 pm

نكت حلوة اوي يا باشا
صدق اللي قالوا

ما تعرفش قيمة امك غير لما تشوف مرات ابوك

مينا عبد الله · 10-10-2005, 11:56 pm

حلوة وايد النكت واحلاها فعلا بتاع ملاكي قريش بتضحك موت

طيب انا حقول نكت يارب تضحكو

ليه الصعيدي الصغير اذكى من الصعيدي الكبير ؟؟؟

ها ليه ؟؟

عشان هو مش صعيدي من زمان