 |  |  |
| آخر 10 مشاركات |
Navigation
| |||||||
| نكت . . . نكت . . . اضحك يا شيخ ع الحياة بلا هم بلا تقفيل وشد كُبس الهموم.. ده الفرح شمعه جميل..!! |
 |
| | LinkBack | أدوات الموضوع | طرق مشاهدة الموضوع |
27-02-2009, 02:48 am
| #1 (permalink) |
| عضو نشط  تاريخ التسجيل: Dec 2008 الدولة: egypt
المشاركات: 7,196
|  أجمل النكت المصريه مرة واحد واقف قدام التلاجة بيفتح الباب بتاعها براحة ويقفلة تانى جة صاحبة وقالة لية كدة قالة اموت واعرف مين بيطفى النور من جوة *************************************** وحدة وحشة بتقول لزوجها انا نفسى ابقى عصفورة فقال الزوج وانا نفسى ابقى بندقية *************************************** مرة واحد بخيل اوي اوي عايز يدهن بيتو ... راح دهن حيطة لون اصفر والحيطة التانية كتب عليها ..نفس اللون *************************************** واحد ومراته متخانقين فبطلوا يكلموا بعض فكتب ورقة صحيني الساعه 6:30 علشان عندي شغل ، وحط الورق على السرير ونام صحي الساعة 10:00 فلقى ورقه مكتوب عليها الساعه 6:30 يلا إصحى *************************************** واحد قال لخطبتة لما ازمرلك تبقي انزلي قالتله انت جبت عربية قال لها لا جبت زمارة *************************************** واحد راح الى للدكتور وقلة يا دكتور انا عندى برد قلة انت بتسيب الشباك مفتوح ولا مقفول قلة مقفول قلة سيبة مفتوح وتعالى رحلة تانى يوم الكتور بيقولة اية الاخبار راح البرد قلة راح البرد والتلاجة والغسالة والبوتجاز والتليفزيون *********************************** امراه بخيله قالت لولدها يامحمد روح اشتري ثلاثه رغيف واحد لي وواحد لوالدك وواحد ليك وبعد ما راح الولد لشراء الرغيف طلعت الام من البلكونه وقالت يامحمد رجع الرغيف الثالث ابوك مات. ********************************** بخيل اخذ ولده الى السوبر ماركت، اخذ الولد بسكوت وشوكلاته قال يابابا احبه قال الاب بوسه ورجعه. ********************************** اسد وكلب اتفقوا ان كل واحد يضرب الثاني علي قفاه بدأ الكلب وضرب الاسد ولما جاء الدور علي الاسد الكلب جري والاسد بيجري وراءه الاسد سال قرد بيقرا الجريده مشفتش كلب جري من هنا رد القرد وقال الكلب الي ضرب الاسد علي قفاه غضب الاسد و قال الله يخرب بيوتهم هي لحقت تنزل في الجرايد. ********************************** مجانين حط لهم الدكتور أغنيه ... قامو يرقصون الا واحد !! قال له الدكتوور ليه ما ترقص قال اصل انا العروسة ********************************** كلب شوارع مر من جنب مخفر شرطة شاف كلب بوليسي قال آخ لو كملت تعليمي ************************************ مرة واحد بيحلم كل يوم بماتشات كتاكيت... راح للدكتور... فقاله هديلك حقنة دلوقتي ومش هاتحلم بيهم تاني خالص... قاله خليها بكرة يا دكتور علشان النهاردة ماتش النهائي ************************************ مرة واحدة ست بتقول لجارتها الحقيني يا أم محمد بعت جوزي يجيبلي ملوخية راح مخبوط بأتوبيس ... يالهوي وعملتي إية .. عملت بامية وامري لله ************************************ -خبيث دخل أحد المطاعم وطلب صحن فول، وبعدما أنتهي من آكله سأل الجرسون: كم تريد ثمناً للفول، اجابه: 13 قرشاً..مد الخبيث يده في جيبه وأخرج ال13 قرش ورماها على الارض.. وتكرر المشهد 3 أيام متتالية. وفي اليوم الرابع دخل المطعم وما معاه صرافة فاعطى الجرسون ربع جنيه(25) قرش وقال له واحد فول، طبعا الجرسون حب ينتقم منه فاحضر الباقي(12)قرش ورماهم على الارض وقال له خذ الباقي، فاخرج الخبيث قرش من جيبه ورماه فوق ال( 12) قرش وقال للجرسون كمان واحد فول. *********************************** طفل صغير سال امة ازاى انا جيت الدنيا قالت له حطيت شوية سكر تحت السجادة لاقيتك جيت ... راح الطفل حاطط شوية سكر تحت السجادة... يومين و لاقى صرصار فقال له لو مكنتش ابنى كنت قتلتك ********************************** غبى شاف مقهى انترنت مكتوب عليه الساعه بــ 3 جنيه .... دخل يسأل هي ضد الماية ؟؟ ********************************** اتنين سكرانين ماشيين...فواحد قال للتاني:لما أموت ابقى اشرب لي الكاس بتاعي ....فصاحبنا مات ، وبعد كام يوم التاني راح البار وطلب كاسين... قاله: ايوه بس انت لوحدك.... فحكى له على الموضوع .....وبقى كل يوم يشرب كاسين...لحد ما فى يوم طلب كاس واحد ........الراجل قالوه اشمعنى...قاله: اصل انا بطلت اشرب ************************************ مرة اربعه داخلين امتحان فاجلهم سؤال فى الامتحان وهو كام عددارجل المعزة فكلهم سألو صاحبهم حسنين ووما كنش بيرد عليهم فالما خلص الامتحان قالولو انتا ما قولتيلناش لية قالهم المراقب كان جنبى ومعرفتيش اطلع المعزة هههههههه *********************************** مرة تلاتة راحوا محطه القطار لقوا القطر ماشى اتنين منهم طلعوا يجروا ورا القطر و التالت واقف يضحك عليهم . الناس ساءلوه بتضحك ليه قالهم اصل انا اللى مسافر والاتنين التانين جايين يودعونى ********************************* مرة اثنين ساكنين فى ناطحات سحاب لكن المصعد كان معطل فطلعوا على رجليهم فوصلوا الى الدور 99 فقال واحد للاخر عندى خبرين الاول حلو والثانى وحش الحلو ان احنا وصلنا الى الدور 99 والوحش ان العمارة مش بتاعتنا ********************************* واحد عندو أرق مش قادر ينام صحبو قالو عد لغاية 500 بدأ يعد ولمن نعس راح غسل وشة وجا يكمل للـــ 500 ********************************* تلاته اندال اتفقوا يشوفوا مين اكتر نداله الاول شاف راجل عجوز عايز يعدي الشارع مسك ايده و سابه في نصف الشارع واتاني عداه وضربه التالت ضحك وقال انا اكتر نداله الراجل ده يبقي ابويه ********************************** مره واحد فتح التلاجه شاف الجيلي بيرتعش قال له متخافش حشرب ميه *********************************** مرة واحد راح يكشف على ابنة الدكتور غاب نصف ساعة و رجع قال لة البقية فى حياتك رجع الولد لابوة لآلآلآ يا با ه انا ممتش قال له اتنيل على عينك هتفهم احسن من الدكتور ************************************ مرة واحد عداه العيب خد اللي بعده. *********************************** مرة واحد دماغه لفت قابلها من الشارع التاني. ********************************** واحد اتجوز واحدة اسمها نعمة باسها وش و ضهر. ************************************ مدير مدرسة عمل فرح وزع على المعازيم أرقام جلوس. ************************************* واحد شحات راح لواحد عجلاتي قال له أعطيني مما أعطاك الله، قال له العجلاتي خد لك لفة. ************************************* واحد بلدياتنا نزل محطة مصر لقى بتاع الأنابيب بيخبط عليها، قال له افتحلي واحدة ساقعة لو سمحت. ************************************* مرة اتنين مساطيل قاعدين بيحششوا قدام نشرة الأخبار في التليفزيون فنشرة الأخبار طولت، راح الأول قال للثاني: هيه ليه نشرة الأخبار طولت النهاردة كدة؟ رد عليه الثاني و قال: معلش أصل شكلها كدة النهاردة آخر حلقة. *********************************** -دكتور عيون قاعد مع خطيبته في حديقه الاسماك معاه ورده قالها شايفه الورده دي يا حبيبتي قالت له ايوه فرجع ايده لورا شويه وقالها طب وكده ************************************ في المدرسه استاذ الحساب بيسال التلميذ بتاعه: لو باباك استلف الف جنيه من البنك والف جنيه تانيه من جاركم يبقى هيرجع كام الف التلميذ: مش هيرجع حاجه يا استاذ الاستاذ: ياابني استلف الف وبعديها الف تانيه التلميذ : مش هيرجع حاجه يا استاذ الاستاذ: اعد يا ابني انت متعرفش حاجه في الحساب التلميذ: انت اللي متعرفش ابويا ************************************* مرة واحد متجوز عنده دولاب قافلة 20 سنة والمفتاح معاه هوه بس, مراته هتجنن وفي يوم راح الشغل ونسي المفتاح. مراته فتحت الدولاب لقت 20 الف جنيه وبيضتين. لما رجع سالته ايه حكاية البيضتين قالها بصراحه كنت كل ماخونك أحط بيض في الدولاب الست قالت عشرين سنه جواز ومرتين بس مش مهم وسالته طب والعشرين الف جنيه قالها كنت كل ماجمع كرتونه ابيعها ************************************ واحد سنانه كلها طايرة ما عدا الانياب... قدم علي وظيفة عينوه خرامة ************************************** واحد ركب اوتوبيس شاف واحده قاعده راح بصلها فبصتله , ضحكلها ضحكتلو غمزلها غمزتلو راح شاورلها على المحطه , فنزلت ....راح قعد مكانها ************************************** مرة واحدة ست ماشية في جنازة جوزها عمالة تنوح عليه اتنين كانوا ماشيين في الجنازة واحد بيقول للتاني تراهني إن الستات دول ما يصدقوا ازواجهم تموت و ينسوهم قالوا ازاي ام راح ماشي وراها و عمال يقول اه يا حلو يا مسمسم لو الواحد يعرف عنوانك بس ما كانش يسيبك راحت الست ماشية في الجنازة تنوح و تقول اه يا جوزي يا اللي كنت مستتني و مجوزني في شقة برحة في 3 شارع النسيان الدور الثالث شقة 5 اه يا جوزززززززززززززززززي **************************************** في واحد دلوع اوي, دخلوه اهله الجيش , سأله القائد : تعمل ايه لو قابلت العدو ... قال : ارمي السلاح في وشه و اقولوا اكرهك اكرهك اكرهك **************************************** تلاته عمالين بيحششوا فى مزرعه فراخ طب عليهم البوليس استخبوا فى تلات شوله جه الظابط شاط الشوال الاول برجله قام الحشاش الاول عمل نفسه بط و قعد يكاكى راح الظابط سابه و راح عالشوال التانى و شاطه قام الحشاش اللى جوه قعد يدن و يقلد صوت الديك الظابط سابه و راح عالشوال التالت برضه شاطه برجله الحشاش التالت متكلمشى..شاطه تانى بس بالجامد برضه متكلمش قعد الظابط يخبط فيه طلعله الحشاش يقوله بطاطس بطاطس انت مبتفهمش **************************************** مره واحد تاجر كتاكيت ماشي بالعربيه وفيها كتاكيت وقفته لجنه تموين وقال له المفتش: الكتاكيت دي بتأكلهم ايه؟ رد عليه وقال له : درة يا بيه..... فقال له المفتش انتو ما بتفهموش حاجة الكتاكيت دي بتاكل علف........ وراح عمله غرامة 1000 جنيه.... راح مشي التاجر بالعربيه وهو في الطريق وقفته لجنه تموين تاني وقال له المفتش انت بتأكل الكتاكيت دي ايه قال له بأكلهم علف يا بيه فقال له المفتش انت ايه يا أخي انت ما بتفهمش دي بتاكل درة وعمل له غرامه 1000 جنيه وبعد شويه وهو ماشي وقفته لجنه تموين تاني وقال له المفتش انت بتأكل الكتاكيت دي ايه قال له يا بيه انا كل يوم الصبح ادي كل كتكوت جنيه وهو ياكل اللي هو عايزه *************************************** فرختين مشيين الاولى معلقة بيضة على رقبتها .. فالتانية بتسالها اية البيضة دى؟ قالت دى صورتى و انا صغيرة *************************************** - مرة اتنين ماشيين ف الصحرا... طلع عليهم اسد... راح واحد منهم رمي عليه طوبة وطلع يجرىىىىىى... وبص وراه لقي صاحبه واقف ما بيجريش... قال له مش بتجري ليه؟ قال له واجري ليه؟ هو انا اللي ضربته؟؟؟؟؟
__________________  |
| Offline |  |
| مساحة اعلانية |
|
10-03-2009, 05:53 pm
| #3 (permalink) | |
| عضو نشط تاريخ التسجيل: Dec 2008 الدولة: egypt
المشاركات: 7,196
| اقتباس:
تحياتى.
__________________ | |
| Offline | |
|
16-03-2009, 08:21 pm
| #5 (permalink) | |
| عضو نشط تاريخ التسجيل: Dec 2008 الدولة: egypt
المشاركات: 7,196
| اقتباس:
وسعيده كثيرآ لأنى أستطعت أضحاكك. تحياتى لكِ.
__________________ | |
| Offline | |
|
06-04-2009, 05:42 am
| #7 (permalink) | |
| عضو نشط تاريخ التسجيل: Dec 2008 الدولة: egypt
المشاركات: 7,196
| اقتباس:
تحياتى لكِ.
__________________ | |
| Offline | |
|
16-08-2009, 11:10 pm
| #8 (permalink) |
| عضو نشط  تاريخ التسجيل: Aug 2009 الدولة: السعوديه
المشاركات: 745
|  أضحك الله سنك كما أضحكتينا عزيزتي دوووودي نكت جميله شكرا لك وأعتقد عزيزتي أنك سألتني عن معنى توقيعي وهل أنا مقتنعة بإنجازات الحكومه أم أنه مجرد تهكم هل تعتقدين عزيزتي أن للحكومة المصرية أية إنجازات انه مجرد تهكم لا غير مع أني مقيمه خارج جمهورية مصر العربية إلا أني متابعة جيدة لأخبارها الغير سعيدة ومع ذلك أحبها وأتمنى أن أعود اليها على أحر من الجمر
__________________ الارتفاع عن مطامع الدنيا يحتاج الى جناحى نسر لا إلى جناحى فراشة..!! |
| Offline | |
|
16-08-2009, 11:47 pm
| #9 (permalink) | |
| عضو نشط تاريخ التسجيل: Dec 2008 الدولة: egypt
المشاركات: 7,196
| اقتباس:
شكراً جزيلاً أختى الغالية على مرورك الذى شرفنى كثيراً و سعيدة جداً إن النكت عجبتك و أضحكتك و أدعوا الله أن ترجعى إلى مصر قريباً يارب والحمد لله إن توقيعك طلع تهكم و سخرية لأنه مينفعش يكون غير كده وبصراحة أنا قلت فى بالى يمكن تكون الحكومة ليها إنجازات و مخبياها علينا و عملهالنا مفاجأه .gif "(298)") ولكِ منى أجمل تحية و تقدير
__________________ | |
| Offline | |
|
23-08-2009, 08:49 pm
| #10 (permalink) | |
| عضو نشط  تاريخ التسجيل: Jul 2009 الدولة: في قلب السعوديه
المشاركات: 630
|  اقتباس:
حلوووووووووين اوي تسلم إيديكي | |
| Offline | |
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
العرض العادي
| |
 | الأعلى - منتديات عبدالرحمن يوسف-منتديات أدبية شعر أدب ثقافة تعليم سياسة اخبار | الاتصال بنا - الأرشيف - الأعلى | |
