 |  |  |
| آخر 10 مشاركات |
Navigation
| |||||||
| مصر المحروسة وكم ذا بمصر من المضحكات.. كما قال فيها "أبو الطيبِ"..!(حافظ ابراهيم) |
 |
| | LinkBack | أدوات الموضوع | طرق مشاهدة الموضوع |
22-04-2009, 01:32 am
| #1 (permalink) |
| عضو نشط تاريخ التسجيل: Apr 2009 الدولة: egypt
المشاركات: 175
 |  الفاجومي.... شيوعي بس دماغه عليا نشر بجريدة الدستور يوم 20 إبريل 2009 في مقالة لأحمد فؤاد نجم قصيدة جميلة جدا أول مرة أفرأها له تحكي عن الوضع الحالي والماضي والمستقبلي بيننا و بين الطبقة ( اللا راقية ) يا ريت يعجبكم و بقى قولوا رأيكم فيها............ هما مين وإحنا مين .. ؟ هما الأمرا والسلاطين .. هما المال والحكم معاهم .. وإحنا الفقرا المحرومين حزر فزر شغل مُخك شوف مين فينا بيحكم مين ؟ .......................... إحنا مين وهما مين .. ؟ إحنا الفُعلا البنايين إحنا السنة وإحنا الفرض إحنا الناس بالطول والعرض من عافيتنا تقوم الأرض .. وعرقنا يخضّر بساتين حرز فزر شغّل مُخك شوف مين فينا بيخدم مين .. ؟ .......................... هما مين وإحنا مين .. ؟ هما الأمرا والسلاطين .. هما الفيلا والعربية والنساوين المتنقية حيوانات استهلاكية شغلتهم حشو المصارين حزر فزر شغل مُخك شوف مين فينا بياكل مين .. ؟ .......................... إحنا مين وهما مين .. ؟ إحنا قرنفل على ياسمين إحنا الحرب : حطبها ونارها وإحنا الجيش اللي حرّرها وإحنا الشهدا بكل مدارها منكسرين أو منتصرين حزر فزر شغل مُخك شوف مين فينا بيقتل مين .. ؟ .......................... هما مين وإحنا مين .. ؟ هما الأمرا والسلاطين .. هما مناظر بالمزيكا والزفة وشغل البوليتيكا ودماغهم طبعاً أستيكا بس البركة بالميادين حزر فزر شغل مُخك شوف مين فينا بيخدع مين .. ؟ .......................... هما مين وإحنا مين .. ؟ هما الأمرا والسلاطين .. هما بيلبسوا آخر موضة وإحنا بنسكن سبعة في أوضة هما بياكلوا حمام وفراخ وإحنا الفول دوخنا وداخ هما بيمشوا بطيارات وإحنا نموت بالأوتوبيسات هما حياتهم بامبي جميلة هما فصيلة وإحنا فصيلة حادي بادي يا عبدالهادي ياللي عليك قصد الغنوا دي لما الشعب يقوم وينادي يا إحنا يا هما في الدنيا دي حزر فزر .. شغل مُخك شوف مين فينا حيغلب مين ؟؟؟؟؟؟ .gif "(252)") التعديل الأخير تم بواسطة : أحمد مرعي بتاريخ 11-02-2010 الساعة 02:52 pm. |
| Offline |  |
| مساحة اعلانية | |||||
|
|
07-02-2010, 10:35 pm
| #2 (permalink) |
| عضو نشط  تاريخ التسجيل: Jul 2005 الدولة: Cairo, Egypt
المشاركات: 3,556
| اتمنى نقل هذا الموضوع العبقري والقصيدة الرائعة هذه لمكانه الصحيح في منتدى أشعار العامية وبالنسبة لشيوعية الخال أحمد فؤاد نجم فهو بيحكي انه مره قابله العظيم صلاح جاهين في اسانسير روزاليوسف وسأله: انت يا واد يا احمد كاتب جيفارا مات حلوه قوي بمنتهى الحرقة انت شيوعي ياض؟ الفاجومي رد عليه: انا مسلم وموحد بالله رد صلاح جاهين: قاله ايوه يعني بس انت شيوعي؟ الفاجومي كرر نفس الرد وهو متنح .gif "(299)") قام عم صلاح قاله: ههههههههههههههوالله مانت فاهم حاجه والمفروض تخش النار بتهمة الغباء لكن ربنا هايدخلك الجنه عشان قلبك الابيض ان شاء الله .gif "(298)") شكرا يا ابو حميد
__________________ [عزيزي الزائر يتوجب عليك التسجيل للمشاهدة الرابط للتسجيل اضغط هنا] [عزيزي الزائر يتوجب عليك التسجيل للمشاهدة الرابط للتسجيل اضغط هنا] [عزيزي الزائر يتوجب عليك التسجيل للمشاهدة الرابط للتسجيل اضغط هنا] وعـــايــزينـّي أكسبها...! ــــــــــــــــــ  ــــــــــــــــــــ  |
| Offline | |
|
11-02-2010, 02:56 pm
| #3 (permalink) | |
| عضو نشط تاريخ التسجيل: Apr 2009 الدولة: egypt
المشاركات: 175
| اقتباس:
__________________ ولست أُبالي حين أُقتل مسلماً ** على أي جنبٍ كان في الله مصرعي | |
| Offline | |
|
04-03-2010, 03:35 am
| #4 (permalink) |
| عضو غير نشط تاريخ التسجيل: Mar 2010
المشاركات: 1
| قصيده رائعه أخرى لعمنا أحمد فؤاد نجم يعيش أهل بلدي وبينهم ما فيش تعارف يخلي التحالف يعيش تعيش كل طايفه من التانيه خايفه وتنزل ستاير بداير وشيش لكن فى الموالد يا شعبي يا خالد بنتلم صحبه ونهتف .. يعيش يعيش أهل بلدي يعيش المثقف على مقهى ريش يعيش يعيش يعيش محفلط مزفلط كتير كلام عديم الممارسه عدو الزحام بكام كلمة فاضيه وكام اصطلاح يفبرك حلول المشاكل قوام يعيش المثقف يعيش يعيش يعيش يعيش أهل بلدي يعيش التنابله فى حي الزمالك وحى الزمالك مسالك مسالك تحاول تفكر تهوب هنالك تودر حياتك بلاش المهالك لذلك إذا عزت توصف حياتهم تقول الحياة عندنا مش كذلك وممكن تشوفهم فى وسط المدينه اذا مر جنبك أتومبيل سفينه قفاهم عجينه كروشهم سمينه جلودهم بتضوي دماغهم تخينه سنانهم مبادر تفوت فى الجليد ما فيش سخن بارد بياكلوا الحديد ما دام نهر وارد وجاي م الصعيد تزيد الموارد كروشهم تزيد وتسمع وتسلم بأن التنابله أو الأكالين حيسمح كبيرهم ويعمل مقابله مع الفلاحين ويحصل تحالف ما بين الجميع ونملا المصارف بدم القطيع أطيع الخليفه أطيع والديك أطيع التنابله دا مفروض عليك وتزرع وتبعت لحي الزمالك وحي الزمالك مسالك مسالك تحاول تفكر تهوب هنالك تودر حياتك بلاش المهالك لذلك إذا حد جاب لك سيرتهم تبسمل تكبر وتهتف كذلك يعيش التنابله يعيش يعيش يعيش يعيش أهل بلدي يعيش الغلابه فى طي النجوع نهارهم سحابه وليلهم دموع سواعد هزيله لكن فيها حيله تبدر تخضر جفاف الربوع مكن شغل كايرو ما يتعبش دايره لا ياكل ولا حتى يقدر يجوع يا غلبان بلدنا يا فلاح يا صانع يا شحم السواقي يا فحم المصانع يا منتج يا مبهج يا آخر حلاوه يا هادي يا راضي يا عاقل يا قانع ما تتعبش عقلك فى شغل السياسه وشوف انت شغلك بهمه وحماسه وعود عيالك فضيله الرضا لأن إحنا طبعا عبيد القضا ورزقك ورزقي ورزق الكلاب دا موضوع مؤجل ليوم الحساب كمان الصحافه حتكتب فى حالتك وتنشر مناظر لخالك وخالتك وتتطلع يا مسعد عليك الغناوي وتسمع باسمك فى قلب القهاوي تحبك مشيره وبنات الجزيره وقصه غرامك تشيع فى الرداوي يعيش عم مسعد يعيش يعيش يعيش يعيش أهل بلدي التعديل الأخير تم بواسطة : المستهتر1 بتاريخ 04-03-2010 الساعة 03:39 am. السبب: تنسيق الرد |
| Offline | |
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
العرض العادي
| |
 | الأعلى - منتديات عبدالرحمن يوسف-منتديات أدبية شعر أدب ثقافة تعليم سياسة اخبار | الاتصال بنا - الأرشيف - الأعلى | |
