مأساتي مع النكت..

سحابة · 14-10-2005, 08:12 am

مش عارفة ازاي تبقى نكت ومأساة.. بس هوده الحاصل للأسف..
أنا بتعذب كل ماحد يحكيلي نكتة.. إيه السبب؟؟ لأني بكون عارفاها قبل كدة وبحاول طبعًا أبين إني منفعلة وأدحك.. وأنا حافظاها أكتر منه.. طبعًا مش من كتر الي بيحكولي نكت يعني.. بس بجد كل مايتكرر الوضع ده بتأزم..

نفسي يا جماعة ألاقي نكت جديدة.. مش ممكن كل ما أسمع نكتة ألاقيني عارفاها.. مع إني بعيدة عن الساحة التنكيتية من كام سنة بس أفكار النكت مبتتجددش.. وأفتكر إني أول مادخلت النت زمان نفضته على كل مواقع النكت وشلتها عندي في ملفات كنت بارجعلها كل مابتدايق..
الوقتي مبقتش بتضحكني بس مش مشكلة.. لأني الحمد لله مبقتش بضايق أصلا..

خلاصة الأمر إني عايزة نكتة جديدة..
وليكو عليا الي يديني نكتة جديدة أديله اتنين..
ولو اداني خمسة جداد يطلب الي هو عاوزه
أكتبله قصيدة هجاء في أي حد بيحبه
هههههههههههههه

أنا مستنياكم

سحابة · 27-12-2005, 05:24 pm

عجبني أوي العرض ده

وقولت أشارك بصراحة لأني محتاجة قصايد هجاء كتيرة اليومين دول

خدي عندك:
ـــــــــــــــــــــ

*محشش بالمطار لقوا معاه بودرة قالوا له : الجمرة الخبيثة قال: صلوا عاانبي (مخدرات)

*في زول سالوه اول ماتصحى من النوم اول شي تسويه شنو قال اخذ قسطا من الراحه

*في مرة واحد عصبي تزوج عصبية الاب يقول لابنه:قول اغه قال الولد بلا اغه بلا هم

*نذل فتح بقاله كتب على علبة الكلوركس :مرطب لليدين وللوجه

*دكتور أتقطعت جزمته خيطها/ بعد أسبوع فك الخياطة

*اتنين مساطيل راكبين سيارة صدموا واحد.. السواق بيقول للى جنبة:انزل شوفو مات ولا لسة..؟؟ نزل المسطول التانى وقال: تعال يمين شوية.. ايووه.. شمال شوية.. بس..اطلع قدام ... اوكى.. كده مات

*مرة واحد صعيدى كان راكب الاتوبيس شاف واحدة واقفة وتعبانة نداها وقال لها اقعدى مكانى فقعدت فقالها بدل انتى تعبانة ليه ماجتيش تقعدى مكانى فقات له اصل كنت خايفة لحسن احرجك فقال لها تحرجينى.... الله يحرجك ويحرج اللى

*مره واحد بيقول لصاحبه مش انا شوفت مراتك داخلة شقةالكهربائى اللى جنبكم.. فرد عليه التانى و قاللو ده حمار .. و لا بيفهم فى الكهرباء

*واحد بيحكي لعياله عن أيامه في الجيش وبيقولهم : لما كنت في الحرب مسكتنا قوات العدو وقالوا لنا كل واحد يلحس رجل زميله وإلا يقتلونا . وسكت شويه . أولادة قالولة : وبعدين يابابا عملتوا إية. قال : أدحنا عايشين

*في واحد اسمه علي داهيه و راح لمغير الاسماء لانه يريد يبدل اسمه
و لما راح لمبدل
الاسماء قال له انا اريد ابدل اسمي فقال له ايش اسمك قال له علي داهيه
قال مبدل الاسماء ايش تحب تسمي نفسك قال
ابراهيم داهيه ههههههههههه

*واحد بخيل قال لابنو هات لنا شاكوش من عند الجيران رجع الولد وقال لابوه لفيت الحارة كلها مفيش حد ادانى قاله ابوه طب هات الشاكوش بتعنا

*اشتهرت منطقه من مناطق الصعيد بحفره الى يوقع فيها يموت على بال ما يوصل للمستشفى البعيده .
فقرر الصعايده عقد اجتماع لمناقشة موضوع الحفره .فقام صعيدى وقال :ايه رايكم نبنى مستشفى جمب الحفره .رد عليه العمده وقال له :ليه كل المصاريف ده احنا اسهللنا نردم الحفره ده ونروح نحفر حفره جمب المستشفى.

*صعيدي1: جمال عبد الناصر مات ... يكرر الجملة وهو يبكي
صعيدي2: وايه يعني مهو النبي مات ...
صعيدي1: هو النبي كمان مات ؟؟؟ يقولها وهو يبكي

*واحد عايز يورى مراته العين الحمره حط فى عينه شطه

*مرة واحد صعيدى ركب القطار واخذ تذكرتين فساله واحد امامه ليه اتنين
قال له علشان لو واحدة ضاعت قال له افرض التانية كمان ضاعت قال له اطلع الكارنيه

*مره واحد صعيدي كان مستعجل فنزل من البيت ونسي الساعه والمنديل بيتوعه فرجع ونادى على مراته وقالها إرمي لي الساعه والمنديل فرمت الساعه فأنكسرت فقال لها إستني أنا طالع أخد المنديل

*مره واحد صعيدي راح امريكا رجع لابس جلابيه جينز

*المريض للدكتور: يا دكتور زوجتي تهملني ، ابني يهملني ، أخي يهملني ، جميع الناس يهملونني ، ساعدني يا دكتور الدكتور: اعطوني المريض الثاني!!!!!

*واحد راح لدكتور عيون علشان يعمله عملية .بعد ما فكله الرباط قال للدكتور مش شايف يا دكتور,الدكتورقاله دول كام قله مش شايف,قله طب دول كام قله مش شايف مش شايف, راح الدكتور مسك ودنة و قله طب دى أية قله دي ودنى الدكتور قله يااخى خضيتنى عليك

*مرة واحدة ست بتقول لجارتها: الحقيني يا أم محمد بعت جوزي يجيبلي ملوخية راح مخبوط بأتوبيس... يالهوي وعملتي إية .. عملت بامية وامري لله

*قرية اهلها اشتكوا ان الامام يلقي خطب طويلة جدا جدا في الصلاة فاشتكوا الي الاوقاف التي ارسلت لهم اماما جديدا ولكنه كرر نفس المشكلة فاعادوا الشكوى فارسلت لهم الاوقاف شيخا آخر وحذرته من الاطالة وصل الامام الجديد فدخل المسجد وصعد المنبر وحيّا المصلين وسأل : اتعرفون قصة سيدنا يوسف عليه السلام؟ فرد المصلون كلهم: نعم فنظر الامام الى المؤذن وقال: اقم الصلاة ولما فرغ من صلاته استوقف الناس وسألهم: اتعرفون قصة سيدنا موسى عليه السلام؟ فرد المصلون : نعم
فقال لهم : ماتجوش الجمعة الجايـــة

*صعيدي راجع من الحج سألوه عن الخدمات في السعوديه // الصعيدي : واللهي كل حاجه تمام التمام ..ويعطيهم العافيه الحكومه السعوديه ونا انصح أي واحد عاوز يحج مايروحش غير السعوديه

أمة الله · 29-12-2005, 12:07 am

عزيزتى سحابه لك منى تحيه طيبه .
للاسف انا ما عنديش نكت اقولها لك, بس عندى سؤال نفسى حد يجاوبنى عليه لعل الاقى اجابته عندك.
اشمعنى الصعايده بالذات هما اللى بتقال عليهم النكت مع ان الصعايده من رايى الشخصى انهم اجدع ناس و الشهامه فى دمهم؟؟؟؟؟؟
ياريت الاقى عندك اجابه.
تسلمى ولك تحياتى.

سحابة · 29-12-2005, 05:23 am

يا بنتي انتي بتنكشيني ولا ايه؟؟
الصعايدة ولا أجدع ناس ولا الشهامة في دمهم..
إمشي من قدامي السعادي

أهلا بيكي "أمة الله" سعيدة بمعرفتك بس متجبليش سيرة الصعايدة
عندي حساسية شنيعة منهم..

SeaButterfly · 29-12-2005, 05:38 am

سحابة هانم...
ممكن أعرف هم الصعايدة عملوا فيكي إيه ؟؟؟
دي مش أول مرة تتكلمي عليهم كده؟؟!!!
وواضح كده إنك مش هتجيبيها لبر....
وشكلي هتضطر أنده الرجالة من على القهوة....

سحابة · 29-12-2005, 06:00 am

ههههههههههههههههه
والله أنا لما شوفت مشاركة "أمة الله" افتكرتك
ههههههههههههههه
وقلت ألم معاها الموضوع قبل الصوت ما يوصل لك..
بس انتي ماشاء الله عليكي، مفيش حاجة بتعدي عليكي كدة.
عمومًا عادي الصفحة دي ممكن نستعملها في الخناقة وبعدها نغطي الكلام بشوية نكت.

وبعدين تعالي هنا....
بتدافعي عنهم ليه؟

SeaButterfly · 29-12-2005, 06:15 am

توء توء توء..
كنت فاكراكي بتلمحيها وهي طايرة يا هدهود..
خيبتي ظني فيكي...
ماهو أكيد يعني مش بدافع عنهم لله وللوطن...
أكيد بدافع عنهم لأنهم من بقية أهلي...!!!!
عندك اعتراض..؟؟؟!!
سمعيني صوتك كده ...

سحابة · 29-12-2005, 06:24 am

مفيش حاجة اسمها كدة؟؟
يعني ايه بقية أهلك؟؟
جد جد عمة خال بنت عمة جارة خالت بابا صحبتك؟؟
متنفعش معايا الحوارات دي

قال بقيت عليلتك قال..

انزلي بالتقيل وقولي انتي معانا ولا مع التانيين؟