الموضوع: شعر عن الثورة المصرية تأليف طلاب في الابتدائية

بحب مصر

بقلم : عمر عيد بلبع

أنا بحب البلد دي.... لازم ناخدها ونعدي
لبر الأمان نعديها.... ولازم كمان نبنيها
لأن شعب مصر أصيل .... وشارب من ميةالنيل
ولو تراهني على هذا الجيل .... أنا ممكن أمضي على ال Deal
لأن شعب مصر أصيل.... وبيفصلو الحضارة تفصيل
قالوا عليه جيل فيس بوك.... ومابيعرفش يسوق توك توك
كان الرئيس حاكمنا بالإستبداد .... لكن إحنا بشر مش جماد
عرفنا حقنا إن حاكمنا يضمنا.... وبلدنا تلمنا ومفيش شرطي يغمنا
شعب مصر هيبقى حر ....والظابط في القسم مش هيجر
وخلاص الإنتخابات مش هتتزور .... لأن في مراقب هيدور
هيكون في عدالة إجتماعية .... والناس هتعيش مية المية
مش شعبك شحات يا مصر .... وحكومتك عايشة في القصر
مفيش مبنى هيتخرم ....ولا حتى طوبة من الهرم
وياريت تقبل العرض .... وإوعى ترمي فضلات على الأرض
عشان مانضربش السياحة .... ونخلي مصر مرتاحة
أنا بفتخر بمصريتي.... مش بفلوسي وعربيتي
عشان بنحب البلد دي .... لازم ناخدها ونعدي



دى يا جماعة أغنية شعبية مننا احنا عيال مصرية
مش سيس ولا ملوخية قالوا علينا شباب سيس و احنا اللى خلعنا الرئيس
يا جمعة اللى عملناها دى ثورة شعبية مش ثورة هبل ولا محسوبية
دى ثورة من أبطال شعبية عملناها ضد الرشوة و المحسوبية
و علشان نخلع المباركية و البلطجية و العصبجية
عاملين مجموعة وطنية وهمة أصلا حرامية
اذا كان انت حتة طيار تيجى و تاخد 70 مليار
وشفت عز و جرانة اللى بيسرقوا من ورانة
و برده سكت و ماتكلمتش قولنالك برده و مافهمتش
و شفت برده حبيب العادلى اللى بياخد من غير مايدى
عاملنا فيها بيه و هو أصلا لزمته ايه
المهم ان مصر بقت حرة و كل رموز الفساد طلعوا برة



أغنية شعبية تأليف /عمر عيد بلبع
محمد سمير الحوفي
الصف السادس مدرسة الريادة

يا روح قلبى يا عمر
ربنا يحميك يا بطل
الى الأمام يا همام
اكتب وقول وسمعنا كلامك الحلو ده علطول
..
اشكرك اخى الفاضل على النقل الجميل
ربنا يحميكم

أبنائي الأعزاء عمر ومحمد
تحتاج موهبتكم الشعرية إلى مزيد من الثقل بالاطاع وحفظ بعض أعمال المشاهير من شعراء العامية .. ولكن الدراسة والتفوق أولا وفي المقام الأول ثم تأتي بعدها الهواية
مع تحياتي وتمنياتي لكما بالنجاح والتفوق في الدراسة