يع يع يع نكت رخمه اوي ...اوعوا تخشوا

dragon007 · 27-02-2006, 02:59 am

أقرع حب واحدة، معرفش يعبر لها عن شعوره.

-شيطان يوسوس لصعيدي جاب معاه 4 شياطين هو يوسوس والباقي يفهموا الصعيدي.

-صعيدي حب واحدة، اتجوز اختها علشان يشوفها كل يوم.

-صعيدي عرف الموضة جلد، مشي عريان.

-صعيدي عمل عملية، نجحت، عملها تاني.

-صعيدي في الشرطة قبض على خروف، بياكل حشيش.

-صعيدي كبر دماغه، معرفش يخلع الجلابية.

-صيدلاني تزوج صيدلانية خلفوا تركيبة.

-عفريت دخل في واحد صومالي مات من الجوع.

-كلب شوارع شاف كلب بوليسي، قال آه لو كملت تعليمي.

-مأذون مش لاقي شغلانة طلق مراته.

-المدرس: يعيش السمك في الماء، الطلاب: يعيش يعيش يعيش.

-موظف أرصاد جوية عنده بنتين الكبرى 23 والصغرى 5.

-ميكانيكي اشترى سرير نام تحته.

واحدة بتخون جوزها مع واحد فاجئاة باب الشقة خبط قالت يالهوى ياخرابى جوزى جوزى استخبى فى الدولاب بسرعة ..فتحت لقت واحد تانى غير جوزها المهم دخلتوة وكدة وشوية الباب راح مخبط قالت يالهوى ياخرابى جوزى جوزى وراحت مخبياة تحت السرير ..المهم فتحت الباب لقتوة مش جوزها راحت مدخلها هوا كمان بس كان اخنف المهم شوية والباب خبط قالت جوزى جوزى اطلع استخبى بسرعة فوق الدولاب ..فتحت المرة دى لقت جوزها المهم قاعدين يتكلموا مع بعض وكدة فمراتوة بتقولة انتا مش هاتنزل قالها ( لما اللى فوق يأذن ) وشوية قالتيلو انتا مش هاتاكل قالها ( لما اللى فوق يؤمر ) شوية وقالتيلوة انتا مش هتنام قالها ( كلوة بأمر اللى فوق ) المهم صاحبنا اللى فوق الدولاب كان غبى راح طالعولوا من فوق الدولاب وقايلوا هوا كن حاجة انفوا انفوا ما عندك واحد تحت السنين وواحد فى الدوناب اناة بقى .

سامح جميل · 27-02-2006, 06:27 am

يع ايه النكت الرخمه دى ... دى نكت ذى الزفت ...
ياريت تقرفنا بنكتك كدا كتير...

ذات الأرقام · 27-02-2006, 01:30 pm

السلام عليكم ورحمة الله وبركاتة
حقيقى يا دراجون مفيش ارخم من كدة
لكن لى تصحيح بسيط عالنكتة الاخيرة
لما جوز الست جة قعدت معاة وقالتلة عاوزين بوتجاز جديد
قالها اللى فوق يبعت
قالتلة طب عاوزين تلاجة
قالها اللى فوق يبعت
قالتلة عاوزين مروحة
قالها اللى فوق يبعت
قام طلعلة اللى فوق الدولاب قالة هو كل حاجة اللى فوق اللى فوق عندك واحد تحت السرير وواحد فى الدولاب كمان
وعلى فكرة مكانش اخنف

النمر المصري · 10-03-2006, 11:51 am

يا ريت يعني للو تكرمت

متكتبش نكت تاني عشان الناس لما تكبر تعرف تخلف

ارجو انك تسمع كلامي

سحابة · 10-03-2006, 01:11 pm

اقتباس:

المشاركة الأصلية كتبت بواسطة dragon007

-شيطان يوسوس لصعيدي جاب معاه 4 شياطين هو يوسوس والباقي يفهموا الصعيدي.
-صعيدي حب واحدة، اتجوز اختها علشان يشوفها كل يوم.
-صعيدي عرف الموضة جلد، مشي عريان.
-صعيدي عمل عملية، نجحت، عملها تاني.
-صعيدي في الشرطة قبض على خروف، بياكل حشيش.
-صعيدي كبر دماغه، معرفش يخلع الجلابية.

لووووووووووووووووول
أي حاجة عن الصعايدة تبقى في الجون
تسلم يا دراجون

أوسكار · 10-03-2006, 02:56 pm

اقتباس:

لووووووووووووووووول
أي حاجة عن الصعايدة تبقى في الجون
تسلم يا دراجون

طيب حرسي على نفسك بقى هههههههه

dragon007 · 10-03-2006, 11:03 pm

كدة ! طيب خدوا دووول كمان انتوا اللي جبتوه لنفسوكوا و اللي عايز يخلف الله يكون في عونه

واحد صعيدي كسب 60 مليون دولار إشترى رونالدو
أيام الرسائل عن طريق الحمام الزاجل: واحد بعت طير لصديق له ولما وصل الطير بص الصديق على رجل الطير ما لقاش ورقة او رسالة فلما شاف صديقه يلي بعت له الطير من غير رسالة سالوا ايه قصة الطير يلي مافيش برجله رسالة بعتوا ليه ؟ قام قال له اصلي بعتلك مس كول

واحد و هو بيموت بص لمراته بصه كلها رومانسيه و قالها : انا لما اترفدت كنتي معايا ، و لما عييت وقفتي جنبي، ولما فلست برضوا كنتي معايا ، و دلوقتى لسا جنبي ، مسك ايدها بحنيه و قالها : مش عارف ليه حاسس انك نحس

مرة واحد كل لما يعدى من شارع يشوف واحد بيشرب سجارتين فساله : ليه كل لما اعدى من هنا اشوفك بتشرب سجارتين؟ قاله: اصل انا كان ليه واحد صاحبى متعودين انو احنا نشرب سجاير هنا وصاحبى ده سافر فانا بشربلى وبشربله.. بعدها بفترة صاحبنا ده عدا شافه بيشرب سجارة واحده فقاله انت بتشرب سجارة واحده ليه؟ قاله: اصل انا بطلت سجاير

بتقول لجوزها: تعالى ودينى المستشفى .. ماما هناك وعندها حالة تسمم ... راح جوزها رادد عليها : لازم عضت لسانها بالغلط

مرة 5 دخلوا كلية الهندسة اثنين طلعوا مهندسين وثلاثة مدينة نصر

واحدة بتقول لجوزها بعد ما نجح فى الانتخابات هاتلى هدية غسالة بقى عشان انت مش حتبقى فاضى

سواق تاكسى دخل ينام مراتة قفلت علية الباب ندهلها وقالها افتحى الباب واقفلية تانى

واحد حب يعمل فهلوى قال انا هاصطاد بالموسيقى راح الغابة اول يوم وقعد يعزف يعزف جت النمور جنه ونامت راح ماسكها وحطها فى الاقفاص تانى يوم عمل نفس الحكاية واصطاد غزلان ثالث يوم شاف اسد قال لازم اصطادة النهاردة راح قعد يعزف يعزف والاسد راح هاجم عليه المهم الاسد اكل صاحبنا دة فكان فيه اتنين نسانيس على الشجرة واحد قال للثانى مش قلت لك هايقع من الاسد الاطرش

عرسان في ليلة صباحيتهم إندق الباب عليهم قامت العروس زعلانة ومتنكدة أوي وتقول للعريس : أوم أفتح الباب ولا كمان ما تعرفش

لية الصعيدي الصغير أذكي من الصعيدي الكبير .؟ لأنة مابقالوش كتير صعيدي

أية هو المكتوب علي قاع زجاجة المياه الغازيه في الصعيد...؟؟؟؟ مكتوب : الفتح من الناحية الأخري

مره واحد بلديتنا طوبه جت في صدره بص وراه

واحد بلدياتنا عمل 2 إيميل، واحد دوت كوم للشتاء وواحد نص كوم للصيف

واحد بلدياتنا رجع من امريكا قاعد بيحكي لأبوه وأمه الحاجات الغريبة اللى شافها،، دانا شفت هناك واحد وقع من فوق عمارة طويييلة.. قعد ثلاث ايام لحد ما وصل الأرض
أمه سألته: طيب مات ؟؟
ابوه رد عليها: ثلاث أيام لا يأكل ولا يشرب .. أكيد يموت

بلدياتنا مبيعرفشى يعوم وقع فى البحر مات محروق

مرة واحد بلدياتنا عرف ان الجلد موضة مشى عريان

واحد بلديتنا كبر دماغه معرفش يخرجها من التيشرت

مرة واحد نذر لو ابنه نجح في الثانوية هيدبح خروف فبيسألوه عالنتيجة قالوهم الخروف نجح

مرة واحد بلديات نام بالمقلوب صحى رجلو معمصة

مرة واحد اسمه محمدين خبط فى عمود نور ، كل محمد راح فى سكه

مرة واحد صعيدى أتجوز واحدة عندها الأيدز ، جبلها البلهارسيا

مرة واحد مسطول ماشى فى الشارع شاف واحد صاحبة على الناصية التانية فبيقوله حاسب العمود يا رمضنننننننننننننن

مرة واحد مسطول ماشى فى الشارع شاف واحد صاحبة على الناصية التانية فبيقوله حاسب الحفرة يا رمضاااااااااااااا ا اا ان

! مرة واحد احول جة يعيط ، رجّع

مدرس رياضيات اتجوز مدرسة رياضيات انجبوا طفل متساوى الساقين

واحد مسطول رجع مع صاحبه البيت الفجر . مراته بصت من البلكونة: بقينا الفجر و لسه جاى , اطلع يا منيل". قال لها : اطلع فين ؟؟؟ انزلى شوفى جوزك مين فينا

عربية كحيانة صاحبها سابها قدام بيت مهجور...ليه؟؟ عاوزها تبقى عربية شبح

مرة واحد حاتط راسة فى بلاعة , صاحبه بيقول له بتعمل اية , فرد عليه : بفكر بعمق

مره واحد بلديات أخد 8986 قفا علي سهوه

مرة دكتور بيطرى بيقول لمراته حبيبتى انا بهيم فى حبك قالتله وانا مرفسلكش طلب ابدا

ثلاثة مساطيل قاعدين في سهرة
الأول : أنا عندي فلوس أشتري فيها أمريكا الشمالية
الثاني : وأنا عندي فلوس أشتري فيها أمريكا الشمالية و الجنوبية
الثالث : و مين قالكم إني رح أبيع

مره واحد عداه العيب اخد الي بعده

واحد خلقه ضاق اداه لأخوه الصغير

واحد سباك سايب رسالة على التليفون يقول اترك اسمك وعنوانك بعد سماع صوت السيفون

مرره في أمريكي و فرنسي و صيني حبو يجربوا صدى أصواتهم عند شلالات نياجرا........الأمريكي قال: هلوووووو ,الصدى قال: هلوووووووو الفرنسي قال :بونجووووور ,الصدى قال: بونجوور ووو ووور.. الصيني قال شنج لونج هنج.. الصدى قال: هـــــــــــــــاه بتئول اِيه؟

طلب مدرس من تلميذغني جدا ان يكتب موضوع تعبير عن عيلة فقيرة فقال التلميذ : كان في عيلة فقيرة الأب فقير و الأم فقيرة و الأولاد فقراء و الشغال فقير و السواق فقير و البستاني فقير كلهم فقراء

سأل أستاذ تلميذه: ما اسم الحيوان الذي يصحييك بصوته كل صباح؟ أجاب: بابا

واحدفاتح محل سمك ابنة مات فقال كان لسة صاحى وبيلعب

مره عشرة بلديتنا ماشيين ورا بعض وقعوا في حفرة واحدة

مرة واحد بلدياتنا نزل في محطة الرمل رجلة غرزت

واحد بلدياتنا رجع من السفر لقى الشقة مليانه صراصير.. غير قفل الباب

واحد بلدياتنا بنى جامع لقى الناس بتجيه كتير قـلـبه مـطـعـم

مرة قمبلة وقعت علي قهوة عملت بننننننننننننننننننننننننننننن

واحد خواف قوى خطيبته بتقوله نفسى أموت وسط أحضانك ...قالها روحى موتى وسك أهلك أنا مش ناقص مشاكل

واحد اتجوز واحدة اسمهانعمة باسها وش و دهر

مره واحد بيقول لصحبه انامراتى زى الملاك قاله يا بختك انا مراتى لسه عايشه

غبي أذانية محروقة قالولوا : ليش اذنك محروقة؟؟
قال: كنت اكوي قميصي ورن التليفون ورديت بالمكوى
قالوا : والثانية ليه محروقة؟؟
قال: الحمار أتصل مره ثانية

مره واحد ركب اوتوبيس شاف واحده قاعده راح بصلها فبصتله , ضحكلها ضحكتلو غمزلها غمزتلو راح شاورلها على المحطه , فنزلت ....راح قعد مكانها

مره اثنين بلدياتنا راحوا امريكا فلقوا أتوبيس بدورين فقال الاول للثانى .. نركب فوق يا ولد فقال له الثانى يا غبى فوق ما فيش سواق

مرة واحد عجلاتى قعد على قهوة طلب كاوتشينو

دبانة وقعت فى ازازة وسكى طلعت تقول اوعى النسر

مرة واحد بلدياتنا الباب افل على صباعه الباب ازرق

Game over مهندس كمبيوتر مات............ كتبوا على قبره

سالوا سائق: مين المطرب المفضل عندك ؟؟؟ قال : مايكل داتسون

واحد مشغول اتجوز واحدة مشغولة خلفوا ولد مش فاضلهم

مرة واحد دكتور احول فى مستشفى.. اجاله مريض احول.. قال الدكتور الاحول: "متخشوش على بالاثنين!".. قالو المريض الاحول:" انا مش جاى الك جاى للدكتور اللى جنبك

واحد جاب دش كبير اوي و حطة علي سطح البيت عندة,خاف علية لحد يسرقة فنزل الشارع وقال للناس محدش يطلع السطح علشان جاب كلب كبير قوي فوق.و بعدين اتنين اخدهم القضول قواحد قال للتاني تعرف تطلع؟قالوا اة اعرف...طلع و لما نزل كان خايف فصحبة قالة شوفت الكلب؟قالو لا بس شقت الطبق اللي بياكل قية

مرة مدرس رياضيات خلف ولدين و استنتج التالت

اتنين مساطيل حبوا يسرقوا عماره فقالوا لبعض احنا ناخد العمارة بعيد ونسرقها براحتنا ، فقلعوا الهدوم وقعدوا يزقوا فى العمارة يزقوا ، جه واحد من وراهم وسرق الهدوم ، فواحد منهم بص ورا ملقاش الهدوم فقال له كفاية كده احنا بعدنا أوى

واحدة اتجوزت واحد شخصيته مهزوزة . ركبت له أريل

اتنين سكرانين ماشيين في صحراء قاحلة ... قال الأول للتاني
تسمح لي بكلمة على انفراد

واحد بيقول لخطيبته: أنا مش غني ولا عندى مرسيدس ويخت زى محمود ، لكن أنا بحبك من كل قلبى. قالتله: وانا كمان بحبك بس احكيلى أكتر عن محمود

اثنين بلديتنا قاعدين بيمصوا قصب لما حبو يقوموا ملقيوش الشوم بتاعهم

قهوجى خلف ولد من غير وش

في واحد وشو مليان حبوب...... فتح إجزخانة

واحد بلديتنا اتعزم على حفلة تنكرية بعت اخوه

عشرة بلدياتنا أخذوا شقة و كل اسبوع يطردو واحد ليه ؟ يقلدو ستار أكاديمي!!

مرة ممثل كبير جاله دور برد , رفضه

مرة مذيعة عملت عملية في ظهرها...شالولها فقرة ..و حطوا برنامج

مرة واحد مسطول بيلعلب كورة اخد الكورة على صدرة طلعها من منخيرة

همبورجر وبيبسى و بطاطس بيجروا فى الشارع لية؟ عشان وجبات سريعة

واحده بلدياتنا قالت لجوزها قولى كلمه حلوه ، قال لها بسبوسه
قالت له يا اخى قولى كلمه تهزنى ، قال لها مرجيحه
قالت له قولى كلمه احس فيها انى مراتك
قال لها انتى طالق

واحد بلدياتنا جوز بنته ... تاني يوم لاقاها قاتله العريس
قال لها عملتي كده ليه يابتي
قالت له :الشرف غالي قوي يا بوي

مرة واحد بلدياتنا واقف في الشارع و بيتكلم في المحمول و عمال يزعق و يقول: بس دوري تاني ، دوري كويس
قام واحد معدي في الشارع جه قال له: في إيه
قام بلدياتنا قال له: طلبت رقم قامت طلعتلي ست عمالة تقول
(الرقم الذي طلبته غير موجود في الخدمة)

واحد بلدياتنا دخل بار، فجلس بجوار جيمس بوند، فقال له: عايزين نتعرف، اسمك
الكريم إيه؟
قال له: (بوند, جيمس بوند)..أند يو؟
رد عليه بلدياتنا و قال له: (دان, حمدان)

مرة دكتور اسنان اشترى عود قصب لقاه مسوس حشاه

جماعة صعايدة بينضفوا الحيطة بالمية... الكهرباء مسكت في واحد منهم قعدوا يشدوه و يضربوه عشان يبعد عن الحيطة.. وفي الاخر ودوه المستشفى وكانت نتيجة تقرير الطب الشرعى: سبب الوفاة.. ضرب أفضى الى موووووووت

كان فيه خمسة صعايدة سموا نفسهم الشجعان التلاتة

واحد ومراته متخانقين فبطلوا يكلموا بعض فكتب ورقة صحيني الساعه 6:30 علشان عندي شغل , وحط الورق على السرير ونام صحي الساعة 10:00 فلقى ورقه مكتوب عليها الساعه 6:30 يلا إصحى

مرة واحد قتل ابوة وأمة وخالة وبعدين قطع رجلة . فسألوة لية ؟ قال : عشان رجلى ما تجيش في القضية

حكم كوره أعد على قهوه ...طلب واحد صفر

مرة واحد بيشتكي من الديدان اللي ف بطنه... داخ عند كل الدكاترة... محدش عرف يعالجه... اخر حاجة قالوله فيه شيخ بيشفي من كل الامراض... راحله واشتكي له حالته... قال له... مشكلتك بسيطة جدا... تروح عند محل بيبيع بطيخ... وتشتري بطيخة حمرة وكبيرة... تقطع راسها وتقعد عليها... بيقوم رئيس الديدان بينزل ويلحس منها شوية... ف هيلاقيها حلوة... هيقول للديدان... شباب انزلوا... قام رايح صاحبنا واشتري اكبر بطيخة حمرا وقعد عليها... نزل رئيس الديدان ولحس منها شوية ولقاها حلوة... قال لهم... شباب طلعوها

واحد سباك نفسه اتسدت غرقت الشقة

واحد صعيدى راح لواحد بياع تيليفزيونات بيسأله عندك تيليفزيونات ملونة البياع قال له ايوه راح الصعيدى قايله ادينى واحد أخضر

مرة واحد وقف تاكسي و قاله : فاضي ياسطى ؟؟؟ قاله : ايوه فاضي.. قاله: طيب تعالى اقعد معايا عالقهوة شوية!!

مره واحد ابنه طلع من الأوائل عمل ايه ؟؟؟؟ شفروه

التلميذ : بحبك يا أبله و عاوز أجوزك... المدرسه: بس أنا مبحبش الأولاد الصغيرين... التلميذ: وأنا مش مستعجل على الأولاد

واحد رمى يمين الطلاق على مراته ما جاش فيها

mamdouhzein · 29-08-2008, 04:59 pm

شـكــ وبارك الله فيك ـــرا لك ... لك مني أجمل تحية .