 |  |  |
| آخر 10 مشاركات |
Navigation
| |||||||
| نصوص أدبية ساخرة الساخرون في الأدب، ما أقلهم.. وما أجملهم..!! لماذا لا تكون منهم..؟! |
مساحة اعلانية
 | |
 |
| | LinkBack | أدوات الموضوع | إبحث في الموضوع | طرق مشاهدة الموضوع |
09-04-2006, 07:21 pm
| #11 (permalink) |
| عضو نشط تاريخ التسجيل: Sep 2005 الدولة: الولايات المتحدة الأسلامية المشاركات: 993    |  كنا في العشره الأواخر كنا معتكفين أنا و أتنين أصدقائي المهم بعد الفطار خرجت أنا و الأتنين أصحابي عشان نجيب بعد الأحتياجات المهم خرجنا كان في أدام الجامع محل بصيت علي المحل لقيت المحل ليه تلت أبواب هةه كان المغروض ليه بابين جابوا التالت منين مش عارف المهم كان فيه وحده وقفه متبرجه و كان من الواضح أن هدومها أتسرقت من المتروا يعني من الأخر مكنتش لبسه كويس خالص و اللي يغيظ أنها كانت لبسه سلسله مكتوب عليها لا أله ألا الله كان فيه واحد منا كان صريح شويتين. راح كلم البنت ده وقالها و ياريتوا مقالها : يا أنسه أنتي مسلمه صح ؟ ردت من تحت الدرص : أيوه قالها : طيب هوه ينفع أللي أنتي لبساه ده أحنا مجتمع أسلامي و في رمضان و العشره الأواخر و الشباب بيحاول يبعد عن المعاصي و بملابسك ده بتكوني فتنه ليهم ردت في صوت أشبه بصوت الفار المحبوس: قصدك أن أنا منحله. يا فرييييييييييييييد و لقينا الباب التالت بيتحرك أكتشفت أن الباب التالت ده كان فريد و فريد كان ما شاء الله 5 في 6 مفتول العضلات و قال في صوت أشبه بصوت الرعد : في حاجه جه صاحبنا الجرىء يتكلم عشان يفهمه الموقف و قبل ميكمل أول كلمه خدناه و طيرنا علي أقرب تاكسي جه يتكلم و يقول فيه أيه صرخنا فيه بأعلي صوتنا و قولنالوا: أكتم خالص و بيني بينك كده يا سحابه صاحبنا الجرىء ده موحود معانا في المنتدي و يبقي النمر المصري
__________________ There is no good and evil there is only power  |
| Offline |  |
| مساحة اعلانية | |||||
|
|
11-04-2006, 02:59 pm
| #12 (permalink) |
| عضو نشط  تاريخ التسجيل: Mar 2005 الدولة: الحمد لله في مصر المشاركات: 3,491 |  فراولة.. اليوم الي مش بتتحرجي فيه يبقى مش طبيعي؟؟ يبقى ياترى هتحكيلنا كم ترليون موقف كدة اليومين الجاية يلا يابنتي ما تتأخريش لا تنسيهم ولا حاجة.. زهرة الجبل موقف تووووووووووووحفة.. بس من حظ بباكي انه جه في نفس اللقطة الي جت فيها الكهربا عشان أول النور ما نور مع نفسه ظهر المستخبي.. بس قوليلي؟؟ هو أخوكي طلع الدولاب ازاي؟؟ فارس.. ههههههههههههههههههه موقف مالوش حل.. سلم على فريد ههههههههههههههههههههههههههههه
__________________ [عزيزي الزائر يتوجب عليك التسجيل للمشاهدة الرابط للتسجيل اضغط هنا] |
| Offline | |
|
11-04-2006, 03:23 pm
| #13 (permalink) |
| عضو نشط تاريخ التسجيل: Mar 2005 الدولة: الحمد لله في مصر المشاركات: 3,491 | موقف تاني، بس حصل من زمان  الموضوع ان في السنة الي أنا كنت فيها3ثانوي طلع قرار على الوافدين انهم ميدخلوش الجامعة علطول إلا لما ياخدو سنة معادلة أو ثانوية تانية بمعنى واضح والسنة دي اسمها (رابع ثانوي) وهي كانت موجودة من قبل على الي بيدرسوا في مدارس الأزهر عادي، بس الي كانو بيجو من برا كانو بيدخلو الجامعة علطول إلا في 4سنين سوداء مرت على الطلاب العائدون من الخارج من المدارس الشرعية الملتحقين بالأزهر لغاية مالغوها من الأزهر كله بعد كدة المهم والخطير في الموضوع اني رحت لأول مرة على الامتحانات (امتحانات ثانوية عامة) في بلد معرفش فيها حد، ومدرسة وبنات غريبة، وكللللللللل حاجة حوليا غريبة أيامها كانت أيام شنيعة جدًا والحمد لله.. وكنت بعيط كتير مرة عشان البنات بيقولو للمراقبين البنت دي مش مصرية ومرة بيقولوا اني مش معاهم، وكانو جميعا بلا استثناء بيبصولي باستغراب كإني جاي من كوكب تاني.. المهم بعد المقدمة الفرح دي هقول الموقف كان في مراقب عام أو "سيد المعهد" أو "شيخ المعهد" مش فاكرة المسمى بالزبط، بس ده كان بيراقب على اللجان كل يوم.. المهم إن الراجل ده كان بيسألني اسمي إيه، وعاملة ايه، وكان كل المراقبين عموما بيقعدو يكلمو معايا وحاسين بردو اني مختلفة بسبب اني كنت عيني في ورقتي ولو سمعت صوت جنبي بعيط في يوم من ذات الأيام (وكان وقتها صيف) الشباك كان مدخل شمس على الفصل، وأنا كنت جيبا معايا مروحة صغيرة كنت بفتحها بين كل فترة صغيرة لو اتحريت عشان أعرف أحل لأنو تقريبا مكنش في مكيفات في الفصل أو كانت بايظة/ مش فاكرة.. المهم المراقب العام ده على باب الفصل وبيكلم المراقبين علينا وانا بسمع الحوار: -ايه ده؟؟ الشمس داخلة كدة والبنت العيانة.. -فين حضرتك؟؟ -البنت العيانة دي ابعدوها عن الشمس حرام عليكم -حاضر يا فضيلة الشيخ -بسرعة ده غلط عليها أوي الي بيحصل ده، انقلو الديسك بتاعها من عند الشمس وأنا بئه كنت في نفسي عيني في ورقتي ومركزة وبقول في سري (الحمد لله الذي عافانا مما ابتلى به كثيرا من الناس) حتى مش عايزة أبص ورايا أشوف البنت العيانة دي لاحسن اشوف منظر يطيرلي حبة المعلومات الي عندي.. وإذ فجأة ألاقيلك 3رجال واقفين عند راسي وبيسحبوا الماصة.. طبعًا أنا اتصدمت وبصيت نحية الباب على المراقب ده وأنا مش فاهمة في ايه لقيته بيقول: -سلامتك يا بنتي احنا هنبعد ماصتك من الشمس بس عشان متتعبيش  طبعا الموضوع مكنش ناقص ههههههههههههههههههههههههههههههه فتحت في العياط وقلتله انا مش عيانة.. والفصل كلو بقى بيبص عليا نظرات مزيج من الدهشة والشفقة والفضول لقيت الراجل ده جي وواحد كمان معاه، وبكدة الدايرة كملت حواليا.. و.. لقيته ماسك المروحة الصغيرة كدة وبيقول.. أمال ايه دي؟؟؟ مش جهاز الربو؟؟ هههههههههههههههههههههههههههههه وانتهى الموقف بضحك المراقبين والمراقب وقالي: ابقي ادهاني بعد متخلصي امتحان خخخخخخخخخخخخخخخخخخخ أيام شنيعة بجد
__________________ [عزيزي الزائر يتوجب عليك التسجيل للمشاهدة الرابط للتسجيل اضغط هنا] |
| Offline | |
|
11-04-2006, 04:45 pm
| #14 (permalink) |
| عضو نشط  تاريخ التسجيل: Jul 2005 المشاركات: 1,032 | يلا انا كمان هشارك... انا بقا هقولكو موقف وهو مبيضحكش اوي بس انا بضحك عليه كل ما افتكره وهو محصلش معايا ولكن قدامي... مرة كنا راجعين من الكليةوالدنيا حر جدا في وقت الساعة 3 تقريبا وزحمة المواصلات وكنت انا وصحبتي راكبين تاكسي ...ومن الزحمة العربيات كلها واقفة والتاكسي اللي احنا فيه كمان واقف.. وبشكل تلقائي ببص كده من الشباك لقيت واحد واقف ف الشارع عالرصيف كده... لابس بدلة صوف في عز الحر والجاكيتة كبيرة جدا عليه وطويلة كمان( زي بتاعة المايسترو كده) وعمال بيفتح شنطة سمسونايت وتقريبا ناسي الارقام وبيحاول يفتحها وكل شوية يقول" توء" ويقلبها ويعدلها ويمسح وشه بكلينكس..ومكشر وحالتو صعبه وانا وصاحبتي مركزين جدا معاه... والحمدلله الشنطة اتفتحت ..طلعت فاضية ..والله فيها ورقة كده A4 واحدة وفاضية قام مكرمشها وراميها عالارض (وطبعا انا وصحبتي متنا من الضحك)وقام حاطط جوه الشنطة كيس حمص...اصلو كان واقف جنب بتاع التسالي ومشتري من عنده كيس حمص...وبعدين حط الشنطه على عجلة راكنة ف الشارع وقفل الشنطة ...وطبعا فضلنا نضحك بشكل هيستيري وسواق التاكسي بيقولنا خير...فيه ايه ؟! في حاجة كمان بس غريبة جدا...وحدة صحبتي جارتهم بتتكلم بالطريقة الفلاحي شوية فكل ما ابنها يعمل مشكلة او يغيظها تقوله ( يقطع امك  ) بزعيق وتكشير .. وقدام الاطفال كلهم ..فمرة ابنها الصغير ده بيلعب مع صحابه فاتخانقوا معاه وضربوه فقاعد بيعيط ( طبعا بيعمل عزف منفرد بالعياط على جنب وازعجهم ) فواحد من العيال قالو بنفس الطريقة : يقطع امك .. فقام الولد بطل عياط فجأة وراح جري نزل ف الولد ضرب بيقوله " الا امي...الا امي "للمزيد من المواقف..موقف اخر في اللينك ده بس ده حصل معايا [عزيزي الزائر يتوجب عليك التسجيل للمشاهدة الرابط للتسجيل اضغط هنا]
__________________ أسرتنا فريدة القيم وجودها .. عدم جحورها .. قمم لاءتها .. نعم والكل فيها سادة .. لكنهم خدم ! |
| Offline | |
|
12-04-2006, 12:02 pm
| #15 (permalink) | |
| عضو نشط  تاريخ التسجيل: Jul 2005 الدولة: kuwait المشاركات: 367 | موقف عالماشي الموقف ده حصل من زمان اوي مش فاكرة كان عندي كام سنة بالضبط بس لسة فاكراه . .. مرة كنا بنصلي صلاة العيد في المسجد .. وكان يومها زحمة اوي .. وكان في عيال كتير اوي فواحد منهم من اول ما دخل وهو عمال يلعب ويشد في الحاجات ويوقع الكتب من الرفوف ويرمي الجزم .. فأول ما بدأنا نصلي قعد يجري وبلعب في الدولاب الي فيه الكتب وطلعها كلها برة الرف ... المهم انه كان صغير اوي وقصير كمان بعدين مسك في الدرفة واتشعبط فيها وقعد يتمرجح ويتمرجح جامد ويصرخ زي مايكون طرزان  وانا ماسكة نفسي عشان حرام الصلاة .. وفجأة ماسمعناش غير درف اترزع وصوت مخنوف جوة لسة بيصرخ .. رفعت عيني ولا هو من كتر ما بيتمرجح اترمى جوة الدولاب واترزعت عليه الدرفة وهو جوة محبوس .. طبعا طول الصلاة صريخ متواصل وكلام غريب بيتقال جوة ... وكل الناس شايفاه المشكلة ان فيه كتير ضحكو في الصلاة من كتر منظره. العبيط...
__________________ اقتباس:
التعديل الأخير تم بواسطة : نوسة بتاريخ 12-04-2006 الساعة 12:16 pm. | |
| Offline | |
|
13-04-2006, 12:14 am
| #16 (permalink) |
| عضو نشط تاريخ التسجيل: Jul 2005 الدولة: الدوله الاسلاميه المشاركات: 356 | هو يمكن موقف يمكن ميضحكش اوى بس كل ما افتكر منظري ببقى عايز انط من الشباك في مره كنت خارج انا و اصحابي فكان معايا انا عربيه و صحبي التاني معاه عربيه , المهم ماشيين بسرعه شويه و جت عربيه قطعت الطريق و كل الحد عمل عزف منفرد بالفرامل وبعدها سمعت دشششش , ببص على صحبي لقيته بيشتم فقلت اكيد هو اللي اتخبط من اللي وراه , قمت نازل بسرعه امسك في خناق صاحب العربيه اللي وراه و امسكه من هدومه قدام مراته و ابنه الصغير و اصحابي ماسكيني و يقولولي خلاص فافتكرت انهم بيهدوني عشان مضربوش ( اوديكي فين يا صحه ) و الراجل عمال يكلمني بهدوء و انا متنرفز جداااا , في الاخر واحد بيقوللي هو عملك ايه قلتله ده خـ... وببص على عربية صاحبي ملقتش اي حاجه .وشي جاب الوان من الكسوووف و كان منظري وحش موووووت  وطبعا قعدت اعتذر للراجل ولما فهم راح ضحك ومشي . موقف تاني بيتحكيلي عني و انا صغير (مكونتش اوعى لسه ) كنت عند خالتي في الصعيد ووالدي و الرجاله نزلوا يصلوا في الجامع و خدوني معاهم , المهم فضلت قاعد جمب بابا لحد ما اقاموا ووقفت زيهم في الصف , و الامام ابتدى في الصلاه رحت خارج من الصف خالص ووقفت قدم في سوا الامام و عملت كاني بكبر و اقول (اوواااااا واتتا ) لا و منسجم مع نفسي جدا و تلات تربع اللي في الجامع بالامام ضحكوا
__________________  الفردوس فتحت أبوابها و الحـور قد تزينت فلا مجال للانتظـار.. التعديل الأخير تم بواسطة : ناقد الفن الجميل بتاريخ 13-04-2006 الساعة 12:16 am. |
| Offline | |
|
13-04-2006, 03:23 am
| #17 (permalink) |
| Moderator  تاريخ التسجيل: Sep 2005 المشاركات: 6,243 | سحابة وانتم ياجماعة الموقف الذي حصل لي يعد على المواقف المحرجة .. من سنتين تقريبا في الصيف كنت مع ماما في سوريا في العاصمة دمشق وبالتحديد في منطقة اسمها " الحميدية " في زيارة سياحية للمنطقة حيث فيها اثار وشواهد رائعة واسواق قديمة وازقة ضيقة جدا الحكاية تبتديء من هنا في الازقة ..حيث ان تبليط الشارع يكون بالحجارة ..وانا لي عادة قديمة لم استطع التخلص منها وهي ارتداء حذاء بكعب عالي " أجلّكم الله " ..المهم ركب كعب بين حجارتين حاولت اخرجه وانا واقفة لم اتمكن وامي تمشي بسرعة كعادتها دائما وقد سبقتني التفت لي وقالت : ولو يا مينا بسرعة شوي .. انا ابتسمت فقط ..حاولت أشد اكثر انخلع الكعب هنا خلاص توقف التفكير وانشل ..أيش اعمل ؟أيش أساوي ماني بدريانة ؟ المهم رجعت ماما وهي متوترة :أمشي انتي فاكرة اننا في حفلة المهم ماما عرفت وقعدت تلوم بطبعي ..ودخلنا على اول محل لبيع الاحذية وانا لازلت مصرة على الكعب العالي وطبعا ماما تقول للرجل اي شي ما بيهم لكن انا ...لا ...مصرة على طلبي !!!لانها ما تعرف السر ولم استطع ان اوضح لها لانها كان ممكن تتركني امشي حافية وسط الناس لانها تعصبت مني بشدة ,السر في الحكاية اني دايما البس العباءة الخليجية وتكون طويلة عادة وممكن اتكعبل واقع وانا لابسة واطي وانا غير متعودة ..لان ماما بصراحة لاتلبس لبس خليجي ولم تعرف السر المهم الرجل أمن الطلب وخرجنا وقررت ماما نرجع الفندق وبسرعة وطول الطريق صمت وتوتر وفي حكاية ثانية عن الاحذية "أجلكم الله مرة اخرى " تحفة ميــــــــــــنا
__________________ أنفاسي خطواتي نحو الممات .. و ربما تبقى لي ذكريات .. هكذا علمتني الحياة |
| Online | |
|
13-04-2006, 03:43 am
| #18 (permalink) |
| عضو نشط تاريخ التسجيل: Sep 2005 المشاركات: 550 | مواقف بجد مش ممكنه ....والله بتهون على الواحد اللي بيحصل له بما إن الموضوع ده بتاع سحابه .....  فأنا جيت عااااااااااااااااااااا........ موقف صغير بس أتحرجت فيه جدا..... كان فرح بنت خالتي...وأنا كنت لسه مخلصة ثانوية عامة ودخله الكليه بقى وشايفه نفسي حبتين المهم كنت واقفه فراحت ماما جت قالتلي تعالي أقعدي معانا أنت ليه واقفه كده ثم تعالي عشان تسلمي علي طنط....عشان مش شفتك من زمان وعايزه تبارك لك وكده... كانت ماما وطنط قعدين على ترابيزه وأقصدهم بالظبط ترابيزه مليانه شباب -أصحاب العريس علي قرايبه وقرايبنا- يعني أمة لا إله إلا الله كانت قعده... فرحت رايحه أسلم وأنا بقى رسمه نفسي على الأخر ...  فراحت طنط قالت لي خليكي أقعدي معانا فعدلت الكرسي ولسه هقعد راحت واحده كده طنط شدت الكرسي من ورايا.... بصيت لقيت نفسي تحت الترابيزه وسمعت صوت ضحك عالي... وابن خالي قعد يقول لي والله ما أنت قايمه إحنا اللي نزلينلك.... وهات ياضحك و تريقه....ناس معندهاش دم
__________________ إن لم أكن أخلصت في طاعتك فإني أطمع في رحمتك إنما يشفع لي...... أني عشت لا أشرك في وحدتك |
| Offline | |
|
18-04-2006, 05:29 pm
| #20 (permalink) |
| عضو نشط تاريخ التسجيل: Jul 2005 الدولة: الدوله الاسلاميه المشاركات: 356 | هو موقف صغنن افتكرته لما لقيت رد لايمان 1973 فيه كلمة شعبطه الموقف صغير اوى , باختصار كنت انا وواحد صاحبي كنا في اعدادي و كنا في المنيل و مكنش معانا فلوس نروح و مكناش قادرين نمشي و يادوبك معانا نص جنيه على قد اتوبيس . المهم جه الاتوبيس و الناس طبعا بظه منه و نصهم بره وكان اخر اتوبيس فجرينا عشان نلحق فصاحبي راح ناطط و دخل بقوة الدفع انا جيت انط عشان امسك في الحديده اللي جمب الباب مش لاقي اي حاجه و الاتوبيس بيجري وخلاص كنت هقع تحت الاتوبيس فمسكت في اي حاجه تيجي عليها ايدي , لقيت واحد بيقول " اللا اللا الاا اللا " ببص لقيتني ماسك في دقنه وفي وشه راح ماسكني جامد و ناطرني جوه ..قعدت اتاسفله قلتله لو مكنتش عملت كده كنت بالسلامه تحت العجل قعد يضحك عليه و اللي عالباب طبعا فطسوا من الضحك و انا في نص هدومي
__________________ الفردوس فتحت أبوابها و الحـور قد تزينت فلا مجال للانتظـار.. |
| Offline | |
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | إبحث في الموضوع |
| طرق مشاهدة الموضوع | |
العرض العادي
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| موسوعة العبدين الإسلامية أكثر من 575 برنامج وفلاش وخلفية وموسوعة أدخل وحمل وقول رأيك | s_k_mg | منتدى البرامج وشروحها | 0 | 10-07-2008 02:02 pm |
 | الأعلى - منتديات عبدالرحمن يوسف-منتديات أدبية شعر أدب ثقافة تعليم سياسة اخبار | الاتصال بنا - الأرشيف - الأعلى | |
