موسوعة المواقف المضحكة والمحرجة..

شاعر البيداء · 01-05-2006, 03:26 am

اقتباس:

المشاركة الأصلية كتبت بواسطة غاوى حب

انا فاكر موقف مصيبة سودا
كنت رايح الشغل وركبت عربية الاسعاف من الموقف وانا قاعد فى العربيه جه واحد من منطقتى فقرى اسمه سيد فاروق (الله يمسيه بالخير ) وقعد جمبى
والعربيه مشيت وقعدنا نحكى انا وسيد ونجيب فى سيرة الناس السواق قال الاجره مع بعضكم
حطيت ايدى فى المنطلون اطلع الاجره الاخ سيد بقى فضل يحلف بكل ايمنات المسلمين انه هو اللى هايدفع
والله محد دافع غيرى والله ابداً والله مايحصل عيب مش ممكن طيب خلاص يا سيد ادفع
دفع سيد الاجره وبعد شوية السواق بيقول فى واحد مدفعش ميلت على سيد قولتله انت دفعت ياسيد قالى اه
دفعت ,.. وقعدت ساكت وكل شويه السواق عمال يقول فى واحد مدفعش اجره فى واحد مدفعش اجره
وانا اقوله ياسيد دفعت يقولى والله دفعت
اتاريه المعفن دفع لنفسه بس وحطنى فى موقف زباله زيه
فضلت اضحك على نفسى والعربيه بقت كلها بتضحك عليا والباشا فرحان وبيضحك هو كمان

صديقك ده تحفة

شاعر البيداء · 01-05-2006, 03:35 am

مرة راكب اتوبيس كان زحمة شوية وفي واحد جالس على كرسي وواحدة واقفة جنبي متبرجة وانا متضايق منها واللي زاد الطين بلة لقيتها معلقة صليب ، المهم اللي قاعد جنبي بيقول لي نادي الآنسة عشان تجلس ، قلت له سيبك منها دي نصرانية ، فكرر الطلب مني ثانية ظننته لم يسمع : فأعدت التعليل قلت له بقول لك نصرانية بصوت مرتفع قليلا سمعته ، فما كان منه سوى أن قام وناداها بنفسه ليجلسها ثم التفت لي قائلا : وإيه المشكلة أنا كمان نصراني.
اتحرجت قليلا ولكني رددت عليه : انتم حرين مع بعض ، كفاية كدة عشان بعد كدة دخلنا في مناظرة طويلة عن النصرانية والإسلام وتحريفهم لعقيدتهم وكاد ينتهي الأمر بخناقة لولا أن محطته جاءت قبلي فنزل من الأتوبيس.
هل ترون فيه ما يضحك؟

ToT · 01-05-2006, 03:41 am

اقتباس:

المشاركة الأصلية كتبت بواسطة شاعر البيداء

مرة راكب اتوبيس كان زحمة شوية وفي واحد جالس على كرسي وواحدة واقفة جنبي متبرجة وانا متضايق منها واللي زاد الطين بلة لقيتها معلقة صليب ، المهم اللي قاعد جنبي بيقول لي نادي الآنسة عشان تجلس ، قلت له سيبك منها دي نصرانية ، فكرر الطلب مني ثانية ظننته لم يسمع : فأعدت التعليل قلت له بقول لك نصرانية بصوت مرتفع قليلا سمعته ، فما كان منه سوى أن قام وناداها بنفسه ليجلسها ثم التفت لي قائلا : وإيه المشكلة أنا كمان نصراني.
اتحرجت قليلا ولكني رددت عليه : انتم حرين مع بعض ، كفاية كدة عشان بعد كدة دخلنا في مناظرة طويلة عن النصرانية والإسلام وتحريفهم لعقيدتهم وكاد ينتهي الأمر بخناقة لولا أن محطته جاءت قبلي فنزل من الأتوبيس.
هل ترون فيه ما يضحك؟

ساعات بتختار اوقات تحفة انت يا عمدة
هههههههههههههه
انا متخيلك وانت بتقوله سيبك منها دى نصرانية
مش ممكن

ذات الأرقام · 07-07-2006, 12:17 am

السلام عليكم ورحمة الله وبركاته

موضوع جميل يا سحابه

لم اره غير اليوم فقط

واستمتعت كثيرا بمواقف الاعضاء

واسمحولى انى احكيلكم موقف حصلى عام 2002 كان عمرى وقتها 29 سنه

كنت خارجه مع اولادى واختى فى يوم من ايام الصيف رايحين سينما
فى شارع صلاح سالم وهو شارع من الشوارع السريعه فى مصر ولو ان الاشارات بتقول ان السرعه لا تتعدى 60 كم لكن لا حياة لمن تنادى وانا اولهم

كنت سايقه وكانت سرعتى عاليه حوالى 95 كم وللاسف كان بجوارى احد اتوبيسات الشركات اتوبيس كبير حوالى 40 راكب كان بيحاول يعدينى ولزحمة الطريق وسرعة السيارات كسر علىّ فاصطدمت مؤخره الاتوبيس بمقدمة سيارتى فنكسر الاكصدام الامامى لسيارتى

غلى الدم فى عروقى ولا حقت سائق الاتوبيس حتى اوقفته

نزل السائق ليعتذر لى وانا فى قمة ثورتى عليه ونزل الركاب ايضا للاعتذار وبعض سائقى السيارات لتهدئة الموقف

من بين سائقى السيارات كان هناك شاب يبلغ من العمر حوالى 25 سنه
وقف هذا الشاب بجوارى وظل يدافع عنى ويسب فى سائق الاتوبيس وفى كل من يقودون السيارات دونما يشعرون بغيرهم فيصطدمون بمن يصطدمون ولا يبالوا ( وما اكثرهم فى مصر )

سائق الاتوبيس حاوره قائلا ( ما تخليك محضر خير يا باشا هو حضرتك معاها والا ايه )

رد الشاب

معاها
هو انا يعنى لازم ابقى معاها علشان ادافع عنها مش زىّ امى دى

ولكم ان تتخيلوا صدمتى وقتها

حقيقى كان هاين علىّ اترك سائق الاتوبيس واتعارك مع هذا الشاب

جائت على لسانى جمله فظيعه

سبحان من كتمنى واسكتنى عن النطق بها

حقيقى كنت عاوزه اقوله

امك امك مين يا عين امك بقى انا قد امك يا هِلف

لكن سبحان من امسك لسانى عن النطق بها

بعدها لم انطق واخدت الصدمه فى قلبى وانطفئت المناقشه واعتذر السائق مبررا انه رجل على قد حاله ولا يملك حتى قوت يومه وسامحينى يا مدام والشويه دول

اما انا

مشيت بصدمتى وللحق الى الان لا انسى شكل هذا الشاب اعتقد انى لو قابلته مره اخرى سأعرفه على الفور ولا لون السياره اللتى كان يقودها ولا نوعها وكانت اوبل فيكترا نبيتى اللون ( مش ابنى بقى )

وصلت لاختى ودخلنا السينما وانا يعتصرنى حزن اليم من وقع الكلمه ( مش زىّ امى دى)

حقيقى لا اذكر الفيلم اللى حضرناة ولا اى شىء اخر

وظللت طول الليل فى نكد قاتل

اقول لشقيقتى وكنت قد ارتديت الحجاب حديثا ( هو الحجاب مكبّر شكلى قوى كده )

يمكن الشاب ده كان يقصد يقول ( مش زىّ اختى دى ) لكنها زلة لسان

يمكن علشان كانت الدنيا ضلمه مش شافنى كويس

حقيقى قهرنى

حسين بيس · 07-07-2006, 12:24 am

اقتباس:

المشاركة الأصلية كتبت بواسطة ذات الارقام

السلام عليكم ورحمة الله وبركاته

موضوع جميل يا سحابه

لم اره غير اليوم فقط

واستمتعت كثيرا بمواقف الاعضاء

واسمحولى انى احكيلكم موقف حصلى عام 2002 كان عمرى وقتها 29 سنه

كنت خارجه مع اولادى واختى فى يوم من ايام الصيف رايحين سينما
فى شارع صلاح سالم وهو شارع من الشوارع السريعه فى مصر ولو ان الاشارات بتقول ان السرعه لا تتعدى 60 كم لكن لا حياة لمن تنادى وانا اولهم

كنت سايقه وكانت سرعتى عاليه حوالى 95 كم وللاسف كان بجوارى احد اتوبيسات الشركات اتوبيس كبير حوالى 40 راكب كان بيحاول يعدينى ولزحمة الطريق وسرعة السيارات كسر علىّ فاصطدمت مؤخره الاتوبيس بمقدمة سيارتى فنكسر الاكصدام الامامى لسيارتى

غلى الدم فى عروقى ولا حقت سائق الاتوبيس حتى اوقفته

نزل السائق ليعتذر لى وانا فى قمة ثورتى عليه ونزل الركاب ايضا للاعتذار وبعض سائقى السيارات لتهدئة الموقف

من بين سائقى السيارات كان هناك شاب يبلغ من العمر حوالى 25 سنه
وقف هذا الشاب بجوارى وظل يدافع عنى ويسب فى سائق الاتوبيس وفى كل من يقودون السيارات دونما يشعرون بغيرهم فيصطدمون بمن يصطدمون ولا يبالوا ( وما اكثرهم فى مصر )

سائق الاتوبيس حاوره قائلا ( ما تخليك محضر خير يا باشا هو حضرتك معاها والا ايه )

رد الشاب

معاها
هو انا يعنى لازم ابقى معاها علشان ادافع عنها مش زىّ امى دى

ولكم ان تتخيلوا صدمتى وقتها

حقيقى كان هاين علىّ اترك سائق الاتوبيس واتعارك مع هذا الشاب

جائت على لسانى جمله فظيعه

سبحان من كتمنى واسكتنى عن النطق بها

حقيقى كنت عاوزه اقوله

امك امك مين يا عين امك بقى انا قد امك يا هِلف

لكن سبحان من امسك لسانى عن النطق بها

بعدها لم انطق واخدت الصدمه فى قلبى وانطفئت المناقشه واعتذر السائق مبررا انه رجل على قد حاله ولا يملك حتى قوت يومه وسامحينى يا مدام والشويه دول

اما انا

مشيت بصدمتى وللحق الى الان لا انسى شكل هذا الشاب اعتقد انى لو قابلته مره اخرى سأعرفه على الفور ولا لون السياره اللتى كان يقودها ولا نوعها وكانت اوبل فيكترا نبيتى اللون ( مش ابنى بقى )

وصلت لاختى ودخلنا السينما وانا يعتصرنى حزن اليم من وقع الكلمه ( مش زىّ امى دى)

حقيقى لا اذكر الفيلم اللى حضرناة ولا اى شىء اخر

وظللت طول الليل فى نكد قاتل

اقول لشقيقتى وكنت قد ارتديت الحجاب حديثا ( هو الحجاب مكبّر شكلى قوى كده )

يمكن الشاب ده كان يقصد يقول ( مش زىّ اختى دى ) لكنها زلة لسان

يمكن علشان كانت الدنيا ضلمه مش شافنى كويس

حقيقى قهرنى

ولا يهمك يا ماما ايمان

أوسكار · 07-07-2006, 10:28 pm

اقتباس:

صديقك ده تحفة

بس مش أنا

جميل أوى الموضوع ياسحابة ..

المهم قاعدين انا وناصر وحسين وسامح على القهوة ..

فقاعدين نتكلم مع بعض فجه الراجل اللى بينزل مشاريب ..

فقالنا تشربوا إيه؟

ناصر : قال شاى

حسين : شاى

أنا : هات ياعم أنا كمان شاى

سامح : انتم كلكم شاى شاى ايه مفيش فلوس .. فقرا يعنى

هات ياعم انا كمان شاى

dragon007 · 09-07-2006, 01:45 pm

أنا فاكر بقة موقف قديم أوي حصلي كنت تقريبا في سنة أولي إعدادي
انا كنت في مدرسة إبتدائي خاصة من بتوع العيال الفرافير دول لحد سنة رابعة و بعدين في خامسة حولت علي مدرسة حكومي بتاعة عامة الشعب علشان عمتي هي كانت المديرة بتاعتها واسطة بالبلدي يعني
المهم خاصت خامسة إبتدائي و جبت مجموع مش عالي يخليني أعرف أنقل علي مدرسة جمب البيت خصوصا إن مدرسة عمتي دي كانت بعيدة عن بيتنا فبالتالي جيه الربط بتاع مدرستي علي مدرسة في نفس المنطقة و كانت مدرسة ما يعلم بيها إلا ربنا سمعتها زفت و كلها عيال صيع من اللي بيشيلوا الكاتر في جيوبهم و بيشربوا سجاير مع أنهم لسه عيال بس لزوم الصياعة
دخلت المدرسة و كان بس لمدة مؤقتة لحد ما بابا ينقلني مدرسة تانية أحسن عن طريق عمتي كوسة برضه
قضيت في المدرسة دي أسبوع شفت فيها كائنات غريبة و عيال كان اول مرة اشوفهم في حياتي خصوصا زي ما قلتلكم قبل كدة كنت طفل فرفور من مدرسة خاصة لمدرسة عمتو تخيلوا بقة الصدمة
و كان العيال بصراحة فظاع كل يوم خناقات و سب و ضرب و طبعا انا ماليش في الليلة دي خالص كنت لسة في مرحلة البراءة و كانوا بيجيبوا معاهم سردين و رنجة و فسيخ يفطروا بيهم تخيلوا مكانتش مدرسة كانت غرزة بالبلدي و سجاير في الحمامات و المدرسين بيضربوا من الطلاب و عيال شحطه و لسه فس 3 إعدادي دوول بقة فتوات المدرسة
الناظر بقة أو المدير مش فاكر بالضبط كان عامل زي المعلمين تجار المخدرات بالضبط
المهم نيجي للحادثة اللي حصلتلي في المدرسة دي بقة كان في حصة ألعاب أو تسمي العاب و كان في ماتش كورة أو بمعني أصح خناقة بالبواني و التلطيش علشان الكورة بين الفريقين و إحنا كنا قاعدين علي أطراف الملعب علي حاجة زي الرصيف و بنتفرج
فجأة لقينا واحد مش عارف مين بس شكله مدرس او حاجة بيجري و معاه خرزانة طويلة منظرها يوقع القلب في الرجل من غير حاجة و بيجري و هاتك يا ضرب في رجلين العيال اللي قاعدين علشان يرفعوها من ارض الملعب علشان الفريقين يعرفوا يلعبوا براحتهم !
المهم أخدت انا واحدة علي رجلي و مقلوكومشي بقة علي اللي حصلي بعدها رجلي إحمرت و إزرقت و ورمت بشكل مخيف و انا مش قادر أدوس عليها و عمال أعيط زي البنات و كانت حالتي كرب و قلت بيني و بين نفسي علي جثتي لو كملت في المدرسة دي حتي لو حسيب التعليم و أسرح بعربية بطاطا أكرملي
رجعت البيت و كحيتلهم و وريتهم رجاي أمي كانت حتروح فيها لما شافت الكدمة و راسها و ألف سيف تخرب بيتهم و تودي الراجل اللي ضربني في داهية
المشكلة إني ماكونتش أعرف مين اللي ضربني و معرفشي بيشتغل إيه أساسا كل اللي فاكره إنه كان بنظارة كبيرة عاملة زي نظارات البحر يدوبك كان فاضله النفاسه و تبقي نظارة بحر بجد
المهم بابا جيه معايا المدرسة تاني يوم و ناوي علي الشر و انا كمان كنت متنرفز أوي و واخد بقة معايا بابا مش أي حاجة محدش حيعرف يعملي حاجة و هو معايا بقة حماية
رحت و دخلنا للمدير و كان قاعد علي مكتبة و شكله راجل محترم عادي و راح بابا إشتكاله و وريته التعويرة و بابا كان متنرفز جدا و قعد يشتم في اللي ضربني و أنه معندوش قلب ولا عنده ضمير و أكيد معندوش عيال علشان لو كان عنده اكيد مش حيقدر يعمل كدة في عيل صغير و الراجل عمال يهدي في بابا و يقوله معلشي قولي بس هو مين و انا اوريلك حعكل فيه إيه و حجيبلك حقك و متزعلشي و حجازيه و كدة
طبعا بابا ميعرفشي هو مين ولا إسمه إيه ولا انا بس فبابا قاله انا معرفشي أسمه بس احمد بيقول إنه عارف شكله كويس و حيعرفة لو شافه فالمدير سألني هو بيشتغل مدرس إيه قلتله معرفشي قالي طب شكله إيه قلته لابس نظارة كبيرة سوداء قصدي طبعا نظارة شمس لأن اللي كان ضربني كان لابس نظارة شمس سوداء كبيرة
قالي طيب تعالوا معايا حاخودكم أوضة المدرسين و تشاورلي بس عليه و انا حجيبلك حقك
قلناله اوكي و قمنا معاه علشان نروح اوضة المدرسين اللي في المبني التاني
و قبل ما نمشي من المكتب راح فاتح المدير الدرج و طلع مفاتيحه و نظارة الشمس بتاعته علشان الجو شمس أوي في الحوش و نزل معانا و اول ما طلعنا بره المبني راح لابس نظارة الشمس و كانت الصدمة !!!!
بابا
بابا
بابااااااااااااااا
إيه !!!!؟
هو ده الراجل اللي ضربني !!!!!!

سامية أبو زيد · 09-07-2006, 06:11 pm

المهم حصل ايه بعد كده؟؟؟؟ كمل يا درج

انت فين يا هدهود؟؟

سامية أبو زيد · 10-07-2006, 06:49 am

من زمااان من نيف وعشرين سنة، كنت فى اولى علوم طبيعية و رياضية. وكنا ندرس رياضة بحتة ورياضة تطبيقية إلى جانب الكيمياء والطبيعة.

وكان الدكتور منير يعلمنا البحتة والقصبى يعلمنا التطبيقية. وكنت متفوقة فى الرياضة البحتة، ولذلك لم أكن اهتم بها.
وفى يوم حدد لنا الدكتور منير موعدا للامتحان قبيل نصف العام وكان موعده 18 ابريل، لا أدرى لماذا؟ أى فى الاسبوع التالى فى موعد المحاضرة وهى المحاضرة الأولى بالمناسبة وقبل أن أنسى..
وفى ذلك اليوم ... 18 ابريل طلبت منى اختى المساعدة فى تجفيف شعرها، فوقفت أساعدها، ونسيت أمر الامتحان تماما، مع العلم بأننى كنت أستثقل هذه المهمة بل أبغضها.
وكانت هدى "أختى" تسألنى هل عطلتك عن شيء؟ فأجيبها بمنتهى الثقة: لا ورايا بحتة ... ما باحضرهاش.
وذهبت فى موعدى الطبيعى أى منتصف المحاضرة الثانية، فقابلنى زملائى بدهشة متسائلين متى خرجت؟ فقلت لهم : أنا لسه جاية.
فقالوا: والامتحان؟!
فرددت: الامتحان يوم 18
فردت واحدة : النهاردة 18
فنظرت فى ساعتى، وجدت رقم 18 يخرج لى لسانه، وعقارب الساعة توشك أن تقرصنى بسبب التأخير.
فجريت نحو الكلية، وصعدت السلالم بسرعة لم يعهدها أحد فىّ من قبل، حتى وصلت لمكتب الدكتور منير وكان معه الدكتور القصبى بانتظار محاضرته.
فدخلت ووجهى تعلوه حمرة الركض لا الخجل، وبأنفاس متقطعة ويأس خائب، وقلت للدكتور: يا دكتور أنا ما امتحنتش.
فسألنى: ليه؟
فقلت له: نسيت
فكتم الدكتور القصبى ضحكته، وصبر على الدكتور منير وكرر سؤاله قائلا: بتقولى ما حضرتيش ليه؟
فقلت له نسيت.
وتزداد معاناة الدكتور القصبى فى كتم ضحكاته، ويزداد صبر الدكتور منير تماسكا أمامى وأمام زميله، فسألنى لمرة أخيرة بعد أن كاد يفقد صبره: طيب، انت جاية متأخرة ليه؟ ليه ما جيتيش فى ميعاد المحاضرة عادى زى كل يوم.
فكان ردى بمنتهى البراءة والتلقائية: لا.. ما هى دى محاضرة رياضة بحتة ما بحضرهاش.
وهنا انفجر الدكتور القصبى فى الضحك، ولم يستطع الدكتور منير(دكتور البحتة) إلا أن يضحك هو الآخر، وبعد أن هدأت ضحكاتهما قليلا قال: عموما الاسبوع الجاى فى امتحان للمتخلفين.
ومنذ ذلك اليوم وأنا أعذر من يتعلل بالنسيان.

سامية أبو زيد · 10-07-2006, 10:54 am

اقتباس:

المشاركة الأصلية كتبت بواسطة شاعر البيداء

مرة راكب اتوبيس كان زحمة شوية وفي واحد جالس على كرسي وواحدة واقفة جنبي متبرجة وانا متضايق منها واللي زاد الطين بلة لقيتها معلقة صليب ، المهم اللي قاعد جنبي بيقول لي نادي الآنسة عشان تجلس ، قلت له سيبك منها دي نصرانية ، فكرر الطلب مني ثانية ظننته لم يسمع : فأعدت التعليل قلت له بقول لك نصرانية بصوت مرتفع قليلا سمعته ، فما كان منه سوى أن قام وناداها بنفسه ليجلسها ثم التفت لي قائلا : وإيه المشكلة أنا كمان نصراني.
اتحرجت قليلا ولكني رددت عليه : انتم حرين مع بعض ، كفاية كدة عشان بعد كدة دخلنا في مناظرة طويلة عن النصرانية والإسلام وتحريفهم لعقيدتهم وكاد ينتهي الأمر بخناقة لولا أن محطته جاءت قبلي فنزل من الأتوبيس.
هل ترون فيه ما يضحك؟

الصدقة تجوز على المسلم وغير المسلم، وكذلك البر والرحمة واجبة على المسلم وغير المسلم.