 |  |  |
| آخر 10 مشاركات |
Navigation
| |||||||
| أشعار عامية نظم اللهجات في سلاسل من ذهب .. |
 |
| | LinkBack | أدوات الموضوع | طرق مشاهدة الموضوع |
25-05-2006, 01:47 pm
| #1 (permalink) |
| عضو نشط  تاريخ التسجيل: Mar 2006
المشاركات: 222
|  يا عم أمين مهداة إلى الشاعر أمين الديب يا عم أمين سيد الموجى ياعم أمين يا ( نكلاوى) مادام ناوى تفكرنا بزمن النكلة والمليم وتفتح خزنة الأيام يفوح منها عبير أحلام طفولتنا ولمتنا على الطبلية عشرين إيد بناكل من طبق واحد ونتقاسم رغيف واحد غموس واحد ونهمس فى نَفَس واحد- بقصد البركة - بسم الله ونشرب سلسبيل النيل من القلُة ونتحلى بنبوت الغفير وساعات بفتافيت باقى قمع السكر المصروف مع التموين ونتسلى بلعب البلى والنحلة وحدف الطوب على النخلة وبالفرجة على الأراجوز ولما نعوز ننام بننام متاعب يومنا منسية وكل حاجاتنا مقضية قضيتنا نعيش فى سلام وكنا حقيقى بنحقق بكل بساطة أحلامنا البسيطة قوى مع الأيام ولما الليل يلف بيوتنا بسكونه وعقد نجومه فوق سدر السما بياخد مشاعرنا معاه لبعيد كأن الليلة ليلة عيد وثومة تقول ولما نقول ( أعد ) بتعيد وصوت العندليب يفتح بيبان العشق للهايمين وآه من لسعة الأشواق يا عم أمين يا عاشق ( نكلا ) إحنا كمان بيعشق كل واحد مننا ( نكلاه ) ! وهل فيه أى شئ غير الوطن نسجد له بعد الله ؟ وهل تبقى الحياة من غير براح الريف يا صاحبى حياة ؟ يا عم أمين يا ديب يا أديب مفيش فيك عيب سوى إنك صرخت وناس كتير صامتين وكانت صرختك نغمة نشاز فى سمفونية ( كله على كله) و ( كله تمام ) بقيت واضح فى شارع زحمة كله غموض وصادق فى زمن أكاذيب بتلمس جرحنا بأشعارك الواخدانا لماجور العجين والزير وبير الساقية والمحرات وجرن الغلة والطنبور وشجر التوت وصوت الراديو بيذيع نشرة الأخبار وكل الموجودين فى القعدة فوق المصطبة ( سمع هس ) منتظرين خطاب هيقوله عبد الناصر المصرى الأصيل الحر خلاص ولى زمان القهر والعبودية والإقطاع والاستعمار ويتبقى سؤال محتار صحيح ولى يا عم أمين ؟ وهل كان الكلام دا جد والا هزار ؟! ولو كان جد يبقى العيب فى مين قوللى هل العيب فى اللى واقفين فى طابور العيش منسيهم وقوفهم حتى أساميهم ؟ فى رأيى أنا أكيد فيهم عشان بيرددوا دايما بدون تفكير ورا اللى يقول ( ولا الضالين ) ( آمين ) وسلام ياعم أمين !
__________________ التعديل الأخير تم بواسطة : سيد الموجى بتاريخ 07-07-2007 الساعة 01:44 pm. |
| Offline |  |
| مساحة اعلانية |
|
26-05-2006, 07:43 pm
| #2 (permalink) | |
| عضو نشط  تاريخ التسجيل: Sep 2005 الدولة: هناك حيث روحي
المشاركات: 9,324
| اقتباس:
يا سلام ياسلام يا سيد الموجي يا شاعر الزجل المبدع .. أين أنت ؟؟ راااااااائعة جدا ميـــــــــــــنا
__________________  You must not lose faith in humanity. Humanity is an ocean; if a few drops of the ocean are dirty, the ocean does not become dirty Mahatma Gandhi | |
| Offline | |
|
26-05-2006, 08:58 pm
| #3 (permalink) | |
| عضو نشط تاريخ التسجيل: Mar 2006
المشاركات: 222
| اقتباس:
تحياتى
__________________ | |
| Offline | |
|
26-05-2006, 09:04 pm
| #4 (permalink) | |
| عضو نشط تاريخ التسجيل: Oct 2005
المشاركات: 1,290
| اقتباس:
ماذا بك والله دمعت عيناي على كلامك الجمر هون عليك وهون علينا فنزيفك يا سيدي نزف الجميع فدمك في حروف قصيدتك قد ألهب الدرن بالله عليك خفف من غلوائك حتى نتحمل كلامك السهام التي تدخل القلوب فنقف أمامها خاذلين بأنفسنا اشكرك يا أخي من كل قلبي على هذه المقطوعة التي خرجت من قلبك فتلقاها قلبنا الصامت طب وطاب قلمك تحيتي لك
__________________ شر المنية ان تموت وكل أنوار الحياة بمقلتيك شر السكوت بأن يكون الصمت آيات ولا تتلى عليك شر العذاب بأن يكون السوط والجلاد مملوكا لديك كلمات : محمد كارم | |
| Offline | |
|
27-05-2006, 12:26 am
| #5 (permalink) | |
| عضو نشط تاريخ التسجيل: Mar 2006
المشاركات: 222
| اقتباس:
همنا واحد وأملنا واحد فى غد أجمل لأجيالنا القادمة قلوبنا مع الشاعر أمين الديب وأقلامنا أيضا إليك تحياتى
__________________ | |
| Offline | |
|
27-05-2006, 11:25 pm
| #6 (permalink) | ||
| عضو تاريخ التسجيل: Mar 2006
المشاركات: 87
| قصيدة جميلة يا سيد يا موجي يا جميل قصيدة موجعة كثيرا ولكن بها بعض الاخطاء في الوزن وانت سيد الاوزان كلها فهذا ما شجعني أن أنبهك لها اقتباس:
اقتباس:
أما باقي القصيدة فماشاء الله عليك يا شاعر يا عظيم تحياتي لك واحترامي وتقدير
__________________ أحسن الناس .......... أنفعهم للناس | ||
| Offline | |
|
03-06-2006, 08:03 pm
| #7 (permalink) | |
| عضو نشط تاريخ التسجيل: Mar 2006
المشاركات: 222
| اقتباس:
 الأخ الحبيب طيب مع خالص حبى وتقديرى اسمح لى أن أختلف معك بشأن تغيير كلمة ( زمن ) لتصبح ( زمان ) كل ما فى الأمر هوكيفية النطق لكل من الكلمتين فإذا استخدمنا الأولى ( زمن ) يجب أن نوضح المد بعد النون فى كلمة تفكرنااااا وفى حالة استخدام الثانية ( زمان ) يجب أن أن نتغاضى عن هذا المد للحفاظ على الوزن الشعرى لبحر الهزج الذى كتبت منه القصيدة ( مفاعيلن مفاعيل ) وعلى كل حال أحييك على غيرتك على الشعر الذى هو حينا المشترك وأؤكد لك أن كلا منا أنت وأنا على حق ولك منى كل الحب
__________________ | |
| Offline | |
|
04-05-2010, 09:30 pm
| #8 (permalink) |
| عضو غير نشط تاريخ التسجيل: Oct 2008
المشاركات: 2
| تحية للشاعر سيد الموجى وتحية لشاعرنا المبدع أمين الديب وهذه كلمات بسيطة أهديها له مشاركة منى أمين الديب عشت زمن عجيب راح كلب وحرس القطيع ديب صرخت لحد الصوت ما إنقطع والآخر رموك فى سجن كئيب والحر يا عمنا فى زمن الرقص بيحس إنه عايش لوحده غريب والجرح فى القلب غاير و منين نجيب لجرح القلب ياعم طبيب الكدب غطى الوشوش ماتلقى لو صدر حنين يضمه ولا حبيب والندل فى البلد عايش ومتهنى والحرقايد فى قلبه الوجع لهيب راح زمن العزة والنخوة ياعم و فضل زمن الخيانة والأكاذيب لكن على مدد الشوف أنا شايف شباب أبطال إرادة وعزم رهيب فى عنيهم شايف بشاير بتتفتح وتقول الصبر دانصر الله قريب |
| Offline | |
|
07-05-2010, 09:38 pm
| #9 (permalink) | |
| عضو نشط تاريخ التسجيل: Mar 2006
المشاركات: 222
| اقتباس:
ومنى لك جزيل الشكر والامتنان أيهاالحبيب / جميل حسن الشريف دمت بخير
__________________ | |
| Offline | |
|
« حِـلـم عـــــــــــــــــــــــــــــــــادِى ...!
|
قصيدة فلسطين للشاعر الغنائى/جمال عبد القادر »
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
العرض العادي
| |
 | الأعلى - منتديات عبدالرحمن يوسف-منتديات أدبية شعر أدب ثقافة تعليم سياسة اخبار | الاتصال بنا - الأرشيف - الأعلى | |
