أهلا وسهلا بك إلى عبدالرحمن يوسف - شعر، أدب، ثقافة، تعليم، سياسة، أخبار.

صفحة 1 من 2 12 الأخيرةالأخيرة
النتائج 1 إلى 10 من 19
Like Tree9Likes

الموضوع: رز بشعريه

  1. #1
    عضو نشط
    تاريخ التسجيل
    Apr 2006
    الدولة
    بلد العجايب
    المشاركات
    12,357

    Thumbs down رز بشعريه

    المكونات المطلوبه: { لثلاث أفراد }
    1_نصف كيلو أرز.....2 _ربع شعريه.....3_ سمن بلدي ....4_ زيت مش بلدي

    5_ملح......6_ حلة طعام متوسطه الحجم.....7_شربة دجاج......8_ معلقه
    9_ كبريت وبوتجاز.........10_الشخص الذي سيطبخ

    طريقة التحضير :

    أشعل البوتجاز>الموقد < بالكبريت وضع الحله عليه ومعلقتين من السمن ثم مامعك من شعريه وأستمر في التقليب حتي تجد لون الشعريه اقترب من اللون البني
    وارجو الاتحرق الشعريه فذلك يحدث معي كثيرا
    بعدما تقلي الشعريه ضع ربع ما معك من أرز عليهم واستمر في التقليب
    بالطبع ستـنحرق الشعريه لآنني نسيت ان الارز من المفترض ان تضعه قبل الشعريه
    لكن لابأس انسوا كل ماقلته ولنبدأ من جديد وبطريقه جديده وجاده وبنفس المكونات





    كلاكيت تاني مره\'''



    طريقـــة التحضيــر:

    أشعل البوتجاز>الموقد <وضع الحله عليه
    و ضع معلقتين من السمن ثم نصف مامعك من أرز وقلب فيهم حتي يصفر لون الارز فضع ما معك من شعريه واستمر في التقليب حتي يقترب لونهما من اللون البني فضع بعد ذلك باقي الارز واستمر في التقليب لمدة 40 ثانيه ثم ضع الشربه عليهم وقلبهم مره واحده جيدا وضع الغطاء علي الحله وهدأ من سرعة النار
    وانتظر مابين 35 الي 40 دقيقه حتي تسمع انين الارز في الحله ثم أطفأ >الموقد < ولاترفع غطاء الحله وانتظر لمده 5 دقائق حتي يسوي البخار في الارز
    وأدعو أعز صديقين لك للأكل معك
    ولك ان تراهن انهم لن يأكلوا شئ لآنني نسيت أن اضع ملح
    .................................................. ........






    ..............................

    الموضوع ده يوضح مآساتي هنا في الغربه
    فأنا من الصعيد وعايش في مصر علي المعلبات
    معلبات
    محدش يجيب اسمها تاني
    فحاجه من الاتنين
    1 ياماحد يعزمني علي أكل بيتي معتبر
    ياما حد يعلمني الطبيخ

    علي العموم انا كلها كام يوم واخلص واروح
    المشكله في السنه الجايه
    مصر
    مت ن ث و ر

  2. #2
    عضو نشط
    تاريخ التسجيل
    Apr 2006
    الدولة
    بلد العجايب
    المشاركات
    12,357

    افتراضي شوربة تشيكن كورن

    المقادير:
    2 صدر دجاج
    علبة كورن (ذرة) مطحونة مع الكريمة (ودي مش مهم انك تجيبها لو مش معاك فكه
    بيضة واحدة (همه اللي قالولي كده والله
    3 ملاعق نشاء ذرة
    ملح وفلفل أسود
    ملعقة إيجي نموتو (الملح الصيني)

    الطريقة
    الطريق بقي من عندي انا هقولها

    تسلق الصدور في ماء مع القليل من الملح والفلفل الأسود وعند نضوج الدجاج نرفع الصدور من الشوربة
    الشوربه هتبقي في الحله
    وبالهنا والشفا






    الطريقه بقي بتاعة ال ..هي

    برضه تسلق الصدور في ماء مع القليل من الملح والفلفل الأسود وعند نضوج الدجاج نرفع الصدور من الشوربة.
    تصفى الشوربة ونضع فيها الذرة بالكريمة ثم نضع كوب من الماء وعليها ثلاث ملاعق من النشاء.
    تنسل صدور الدجاج إلى نسلات صغيرة ثم توضع في الشوربة ونضع ملعقة من إيجيي نموتو ونضع النشاء عليها بمقدار قليل قليل مع التحريك إلى أن يصبح سمكها متوسط وندعها تغلي قليلاً.
    عند التقديم نأخذ بياض البيضة فقط ونربها ثم نضعها فوق الشوربة مع التحريك ونتركها قليلاً ثم نقدمها وهي ساخنة وبالهناء والعافية
    مصر
    مت ن ث و ر

  3. #3
    عضو نشط
    تاريخ التسجيل
    Apr 2006
    الدولة
    بلد العجايب
    المشاركات
    12,357

    افتراضي

    حد بقي يوصف لي أي أكله تتعمل في رمضان متاخدتش وقت وتشبع وغير اعتياديه
    وحد ينقل الموضوع ده لشكاوي المأكولات
    مصر
    مت ن ث و ر

  4. #4
    عضو نشط
    تاريخ التسجيل
    Apr 2006
    الدولة
    بلد العجايب
    المشاركات
    12,357

    افتراضي


    كيفية عمل الشاي

    احضر ماء بارد وضعه في الهيتر واضغط زر on واثناء تسخين البتاع ده للماء احضر كوبك بسرعه وضع شاي فتله ليبتون في الكوب مع بعض السكر وانتظر حتي يغلي الماء ويفصل سخان الماء تلقائيا ثم ضع الماء الساخن عليهم واستمتع بطعم الشاي





    انتظر
    نسيت تقلب السكر
    مصر
    مت ن ث و ر

  5. #5
    عضو نشط
    تاريخ التسجيل
    Mar 2008
    المشاركات
    33,082

    افتراضي

    طريقة عمل طبق سلطة !! " بس جميل "
    المقادير لفرد !! انانى !! وهياكل لوحده!
    ..
    1 طماطم "لوبنت " 3 طماطم لو ولد !!!
    2 خيار أو 3
    ممكن إضافة جرجير أو بقدونس
    تقطع الخضراوات ويضاف اليها الخليط الآتى ..
    2 حبة توم مهروس
    1 ليمونة صغيرة
    نصف ملعقة ص نعناع ناشف مطحون
    من نصف الى واحد ملعقة ص سماء مطحون
    من اثنين ل3 ملاعق زيت زيتون كبيرة ..
    قليل من الملح وتقدم مع الخبز المحمر فى الزيت وبالهنا والشفا ..
    التعديل الأخير تم بواسطة ابتســــام ; 24-12-2011 الساعة 07:05 pm

  6. #6
    عضو نشط
    تاريخ التسجيل
    Mar 2008
    المشاركات
    33,082

    افتراضي

    يا مؤ افتكرت لك حتة أكلة وااااااو .. حزر فزر؟؟ !!!!!!!!!!!

    فتة عدس بس عمرك ما هتاكل أجمل منها ....هاااااااااااااا..... ايه رأيك ؟ يميم !!
    انا كنت من أعداء أى نوع من الفتة بس عرفت الخلطة السرية .. نخش على المقادير ..
    انت تعمل شوربة العدس بطريقتك .. مية وعدس وجزر وايه مممممممكن بطاطس 1 ..ملح فلفل كل ده على النار وبعدين فى اناء تانى تحمر بصل وبعدين تعمل خلطابيطة وبعدين كله فى الميكسر ..ماشى ؟ بعدين بقة تجيب فلفل أخضر حسب الرغبة ومعاه توم وشوزية ملح وبعدين تهرسهم وتحط عليهم ليمون وسيبهم على جنب ..ماشى ؟! تجيب بقة لحمة مفرومة حسب الرغبة وتحمر اللحمة بس من غير زيت وتحط عليها شوية قرفة صغانيين اووى اوى وملح وفلفل وممكن حبهان بسيط اووووووى ماشى؟ تيجيب بقة ايه العيش ممكن محمر وممكن عادى وتقطعه بالمقص الحجم اللى انت عايزه وبعدين تحطه على النار لحد ما تحس انه سخن وبعدين تحط الشوربة السخنة وشوية من الخلطابيطة التوم والفلفل والليمون وتسيبهم على النار شوية وبعدين تحط باقى الخلطابيطة وتطفى البوتجاز وتحط الأكل فى الطبق وترش المفروم من فوق .. جربها يا مؤ هتعجبك أعتقد .. وادعيلى .. كفاية مطبخ كدة سلام واشوفكم بالليل ان شاء الله

  7. #7
    عضو نشط
    تاريخ التسجيل
    Apr 2006
    الدولة
    بلد العجايب
    المشاركات
    12,357

    افتراضي

    اقتباس المشاركة الأصلية كتبت بواسطة ابتســــام مشاهدة المشاركة
    يا مؤ افتكرت لك حتة أكلة وااااااو .. حزر فزر؟؟ !!!!!!!!!!!

    فتة عدس بس عمرك ما هتاكل أجمل منها ....هاااااااااااااا..... ايه رأيك ؟ يميم !!
    انا كنت من أعداء أى نوع من الفتة
    أنا مازلت



    بس عرفت الخلطة السرية .. نخش على المقادير ..
    انت تعمل شوربة العدس بطريقتك ..
    ياسلام ع النصاحه ياناس
    هو انا لو اعرف اعمل حتي ميه سخنه كان ده بقي حالي
    لا شوفيلي طبخه مكونه من جزء واحد وتكون سريعه

    زي مثلا آزاي آكل تونه d:

    مصر
    مت ن ث و ر

  8. #8
    عضو نشط
    تاريخ التسجيل
    Apr 2006
    الدولة
    بلد العجايب
    المشاركات
    12,357

    Talking تقصدي ملعقه صغيره

    اقتباس المشاركة الأصلية كتبت بواسطة ابتســــام مشاهدة المشاركة
    طريقة عمل طبق سلطة !! " بس جميل "
    المقادير لفرد !! انانى !! وهياكل لوحده!
    ..
    1 طماطم "لوبنت " 3 طماطم لو ولد !!!
    2 خيار أو 3
    ممكن إضافة جرجير أو بقدونس
    تقطع الخضراوات ويضاف اليها الخليط الآتى ..
    2 حبة توم مهروس
    1 ليمونة صغيرة
    نصف ملعقة ص نعناع ناشف مطحون
    من نصف الى واحد ملعقة ص سماء مطحون
    من اثنين ل3 ملاعق زيت زيتون كبيرة ..
    قليل من الملح وتقدم مع الخبز المحمر فى الزيت وبالهنا والشفا ..
    مين ص نعناع ناشف ده؟

    عموما دي وصفه سهله اشكرك عليها
    بس هضطر استغني عن التوم


    والليمونه





    والبقدونس والجرجير
    d:
    مصر
    مت ن ث و ر

  9. #9
    عضو نشط
    تاريخ التسجيل
    Mar 2008
    المشاركات
    33,082

    افتراضي

    اقتباس المشاركة الأصلية كتبت بواسطة المؤلف مشاهدة المشاركة
    أنا مازلت




    ياسلام ع النصاحه ياناس
    هو انا لو اعرف اعمل حتي ميه سخنه كان ده بقي حالي
    لا شوفيلي طبخه مكونه من جزء واحد وتكون سريعه

    زي مثلا آزاي آكل تونه d:

    ياللا الهول !!
    بينى وبين هية صعبة فعلاً .. بس مش هينفع كدة يا مؤ .. دا إنت كدة كبيرك تطبخ آبل سيدر :d
    " عصير تفاح معلب + عود قرفة وتغليهم على النار "
    ملكش نصيب فى الفتة بقة ولا فى الإيمانسيه كمان!!..

  10. #10
    عضو نشط
    تاريخ التسجيل
    Mar 2008
    المشاركات
    33,082

    افتراضي

    اقتباس المشاركة الأصلية كتبت بواسطة المؤلف مشاهدة المشاركة
    مين ص نعناع ناشف ده؟

    عموما دي وصفه سهله اشكرك عليها
    بس هضطر استغني عن التوم


    والليمونه





    والبقدونس والجرجير
    d:
    أيون ص صغيرة ك كبيرة
    بص بقة إنت تشترى الطماطم والخيار وتروح تقعد جنب رئيسك المنتخب وتعملوا غديوة من الطبيعة رأساً إلى المشاهدين على الهوا وآهو بالمرة تعرف لنا حزمة الجرجير فيها كام عود:d
    حرام يا مؤ بوظت الوصفة خالص ..خلاص بقة مش هقولك وصفات تانى .. والعفو يا سيدى سلااااااااام
    التعديل الأخير تم بواسطة ابتســــام ; 24-12-2011 الساعة 11:28 pm
    المؤلف likes this.

 

 
صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

Back to Top