 |  |  |
| آخر 10 مشاركات |
Navigation
| |||||||
| منتدى القصة القصة نسيج حياة.. تغزله أنت ونحياه نحن..! |
مساحة اعلانية
 | |
 |
| | LinkBack | أدوات الموضوع | إبحث في الموضوع | طرق مشاهدة الموضوع |
14-10-2006, 12:23 am
| #11 (permalink) | |
| عضو نشط  تاريخ التسجيل: Sep 2005 الدولة: mother earth المشاركات: 783 |  اقتباس:
شكراً على القراءة والمشاركة والإطراء.... خلاص احنا فيها ابقى اختاريلك شخصية فى الجزء التانى والأخير.
__________________ 1 + 1 = 1 هل لهذا العالم معنى يتجاوز حدود فهمى وأنا لا أعرف هذا المعنى؟!! | |
| Offline |  |
.gif "(304)")
| مساحة اعلانية | |||||
|
|
14-10-2006, 12:39 am
| #12 (permalink) |
| عضو نشط تاريخ التسجيل: Sep 2005 الدولة: mother earth المشاركات: 783 | الجزء الثانى والأخير الجزء الثانى (مُلك أوروبا المعاصر قائم على تلك الأعمدة فعش فى رغد كما أنت الآن إلى حين) [align=right] معاك سيجارة ياعسل؟! لأ .. لأ ...بلاش ياكاترين هو إيه اللى بلاش؟! بلاش ده بالذات نعم ياختى إنتى كمان .... مش كفاية السير (sir) اللى ضيعتيه منى ولطشته البت سوزانا ... حتبصيلى فــ ده كمان...!! مش مسألة بص يامغفلة...المسألة أكبر من كده بكتير طب بس اقعدى ساكته بقى عشان أهو جاى أهو.... ده جاك السفاح ولو إنتى فعــ.... مين جاك السفاح ده ؟ وبعدين انا دخلى إيه .... حتى لو كان حانوتى لندن مادام حيدفع يبقى خلاص وهو شكله معاه شلنات كتيرة. الله يخربيتك يامسروعة ..... يامُغفلة كل كتب التاريخ أجمعت إن يوم 30 سبتمبر سنة 1888 فى جثتين حيلاقوهم والاتنين ضحايا لجاك السفاح الأولى لكاترين أوديه اللى هى حضرتك والتانية لاليزابيث سترايد ...اللى هى بقت أنا ولغاية دلوقتى معرفش إزاى؟وليه؟ كاترين :  كل ده صحيح صدقينى ...انا كنت عامل بحث عن الحقبة دى أيام الكلية. كاترين : هى هى هىء .....إحياة القديس بارثيلمي إنتى زى العسل يابت ياليزا .......ماتبقى تشوفيلى حبة من اللى بتبلعيهم دول....أهو ينوبك ثواب فـ أختك الغلبانة بردو. مساء الخير مساء الخير ياعسل ..... معاكش سيجارة؟! آه طبعاً معايا.... بس مش هنا بلاش ياكاترين....انفدى بجلدك هو فى إيه بالظبط! لا.....متشغلش بالك بيها تعرفيها؟! آه ....صديقة. طب ماتخليها تيجى معانا أنا............لا لا ........مع نفسك إنتى فــ داهية.....إنشالة يقطعك 70حتة. خلاص براحتِك يالا بينا احنا ياحبوب. تسير كاترين جاهلة بمصيرها المحتوم ولكن ياترى ماذا سيكون مصير اليزابيث (عفواً سامر  )؟ أما حكاية ياجدع ......بتضحك على إيه إنت كمان مهى ناقصاك...... وعلى إيه.....خلاص وأهو .gif "(246)") ...... .gif "(300)") .gif "(268)") تانى.........عموماً اضحك اضحك.....إن شاء الله حيدوسك قطر ولما يدوسنى مين اللى حيعمل كل شوية نقطة نظام للأحداث ويرويها للجمهور بتأنى... مهو ساعتها حكون.......إيه ده؟ إيه ده؟ ...أنا برجع لطبيعتى تانى كراجل بس فــ نفس العصر باين.....عشان أنا مش شايف أى تغيير غير إن ....... غير إن مش دى لندن .........أيوة أكيد مش هى دى ....وإيه البرنيطة الغريبة دى كمان ........وإيه الأوضة الرهيبة دى ...الظاهر إنى فــ قصر......يوووووه أنا فين تانى؟ يادى الحوسة...!! إنت يازفت ياسلامة؟ إنت يا... حتغلط تانى حرجعك مطرح ماكنت إنت بتعمل فيا كده ليه بس؟وإيه اللى جابنى هنا؟ مش عارف السبب يعنى يابجح هو أنا لو اعرف كنت سألت دى أعمالك .....وإنت بتجنيها أعمال إيه بس ؟!...أنا عمرى ما أذيت حد فــ حياتى؟! ياوقح.....وبنتى المسكينة اللى أذيتها دى واللهِ ماجيت نحيتها ...دى هى اللى بترمـ. .. هى اللى إيه؟.......عموماً خلاص احنا ولاد النهاردة ..وأنا وافقت على جوازك منها زى ماطلبت. ياسلااااااااام وبسلامتك ماافتكرتنيش غير لما دمى نشف....... أنا عاوز اروح وخلاص مانيش عاوز حاجة؟ براحتك .... كل الطرق معايا ...يعنى بإشارة منى أعمل اللى تحبه بس إنت.... جتك صاروخ فـ معاميعك إنت وبنتك الهابلة...أنا مش عارف إيه اللى رمانى الرمية السو... إيه؟ بتقول إيه؟ أظن غويشتين وخاتم حيكونو كويسين طب اسيبك مع اختيارك المرة دى اختيار ايه بس؟ ومين اللى خلاك متحكم فيا كده؟ وفين صحابى اللى كنت معاهم؟ اختيارك مش ضرورى يبقى قرارك...... طب إيه اللى حصل لكاترين واشمعنى أنا سيبت لندن وبقيت هنا دلوقتى؟ ولا أنا لسه فــ بريطانيا أصلاً؟ اللى سجله التاريخ محدش يقدر يغيره طب ازاى يعنى؟منا لما كنت عامل اليزابيث ...نفدت وقتها بجلدى وماروحتش معاهم؟ مهو ده اللى حصل فعلاً....جاك قتل كاترين وبعدين جه قتلك...قصدى قتل اليزابيث ....يعنى مفيش حاجة اتغيرت ياحلو .......التاريخ زى ماهو طب وانت بتعمل فيا كده ليه ؟ ومين اللى إداك السلطة دى؟ ها ها ها ها ها بيضحك على إيه ده...........طب اشمعنى أنا هنا دلوقتى وماسيبتش جاك يكمل عليا؟ وده حيفيدنى فـ إيه .......أنا مش عاوز أموتك .....ممكن تعتبرنى بتلذذ فى تعذيبك زى بوسيدون كده لما عمل نفس الحكاية مع أوديسيوس....وبعدين إنت طلبت إنك تتجوز البنت خلاص....وأنا ميخلصنيش أشوف أبو نسب وهو بيتقطع (هامساً)....أبونسب.........والنعمة لوكنت شايفك دلوقتى أدامى لكنت لسعتك على قفاك وظرفتك كام شلوط تعرف بعديها إن الله حق. إيه؟ لا لا مفيش المهم.......أنا نجدتك دلوقتى وعليك الباقى..... باقى ايه بس؟أنا مش فاهم حاجة...!!! مُلك أوروبا المعاصر قائم على تلك الأعمدة فعش فى رغد كما أنت الآن إلى حين يعنى إيه؟مش فاهم حاجة؟ أحسن بردو إنك مش فاهم .....على العموم استنانى عبال ما اروح اجيب رباب وجاى....ياااه دى حتفرح أوى يا.........ياعم سلامة...استنى بس انشالة يارب تقوم من النوم الصبح تلاقى الناس كلها بقت حافية عشان تموت من الجوع إنت وبسلامتها ست قُبقاب . يوووووه........وإيه القصر اللى انا فيه ده كمان .....ياااااه وإيه اللبس الملكى ده ..........شكلى متريش أوى ... مرسول يامولاى يطلب الإذن بالدخول. إيه ده بسم الله الرحمن الرحيم ......إنت جيت منين ياعم انت تحت أمر الأمير كمان أمير......ياسلام مابدهاش ...نسوق فيها بقى خليه يدخل أمر مولاى السلام على الأمير أرنست أمير هانوفر وسليل الأمير ويليام والدوق إدوارد والملك العظيم جورج الثالث وأعظم أمراء بروسيا. ياااااااه كل ده......طب كويس بردو إنى عرفت اسمى قبل ماالعملية تسخن. معذرة سيدى. لأ مفيش حاجة...كمل فى إيه؟ حملتنى الملكة فيكتوريا ملكة بريطانيا العظمى وإيرلندا برسالة لعظمتكم. الملكة فيكتوريا.....احممممممممم هي فين الرسالة دى؟ ها هى يامولاى. طب كويس...تقدر تمشى دلوقتى أيأذن لى مولاى بالراحة؟!.....فالرحلة مُتعبة ولم أنل من ساعة مغادرتى أى قسط من الراحة. احنا حنهزر......امشى ياله ياه.......بقيت أمير بحاله ومبعوتلى رسالة من الملكة فيكتوريا مرة واحدة أما أشوف فيها إيه الرسالة دى كمان .... من الملكة فيكتوريا ملكة بريطانيا العظمى وإيرلندا إلى ابن عمنا الأمير أرنست نشكر لكم مباركتكم وتهانئكم لنا بمناسبة اعتلاءنا عرش بريطانيا العظمى ونحيطكم علماً أننا نقدر لكم تلكم المشاعر النبيلة [align=center]الملكة\'''فيكتوريا[/align] آه فهمت.........يعنى أنا بعتلها قبل كده رسالة بهنيها فيها ..فهى بتردهالى....صاحبة واجب واللهِ يافيكى الكلام ده أنا قريته قبل كده ده فى القرن التسعتاشر بردو.....يعنى رجعت كام وتلاتين سنة بس. (سامر....قصدى الأمير أرنست مصفقاً) تحت أمر مولاى إنت كبير الخدم...صح؟ تحت أمر مولاى. طب روح روش لنا القعدة كده....يعنى كام عنقود عنب على كام طبق تفاح على كام بنت ترقصلنا كده عنب؟!!. إشمعنى دى اللى مستغربلها يعنى .... آه صحيح عنده حق هو أنا فاكر نفسى فــ هيلاس المهم........روح اعمل زى مابطلب منك تعمل كل يوم أمر مولاى. الأمير أرنست مفكراً < اللى سجله التاريخ محدش يقدر يغيره > < يعنى مفيش حاجة اتغيرت ياحلو > <مُلك أوروبا المعاصر قائم على تلك الأعمدة فعش فى رغد كما أنت الآن إلى حين> فهمت يعنى أنا لو قدرت أغير فــ التاريخ حــقدر أهرب من العالم اللى أنا فيه دلوقتى أى نعم معرفش إيه حتكون النتايج........بس ده ميمنعنيش أبداً من إنى أجرب بدل المجهول ده. المجلس جاهز يامولاى مجلس إيه؟...انت جنس جبلتك إيه؟.....أنا قلتلك ياحيوان هات كام بت يرقصو هشك بشك. معذرة ولكنى لا أعرف أى بشك؟ لا لا متاخدش فــ بالك........مجلس إيه ده بقى؟ أعيان ونبلاء هانوفر .... فهذه هى عادتك يامولاى أن تجتمع بهم للبحث فى أمور المقاطعة. طب كويس ....جم فى وقتهم عشان فــ دماغى فكرة دلوقتى إنما إيه....قشطة شوقى: قلتلك ياعدلى بلاش إيه ده؟...ده صوت شوقى إنت فين يابنى ...روحتو فين بس كلكم وسيبتونى. يؤمرنى مولاى بحاجة تانية ؟! إيه.....آه .آه... روح قولهم الأمير جاى يا....... قولتلى اسمك إيه؟ بانسيمام. بانسى إيه ياخويا؟! هل نسيتنى يامولاى ...؟!!أنا جون بانسيمام...فأنا من حملتك على يدى هاتين عندما.... مش وقته خالص المشاعر دى...أنا مش ناقص عياط...امشى غور من هنا يابنسترام قولهم الأمير جاى حالاً. جون بانسيمام ..... مام يامولاى وليس ترام. امشى ياله. الإجتماع ده مش حيبقى زى أى مرة جمعتكم فيها قبل كده ......!! يعنى مش للطمأنينة على ريع أراضى الــ ريع إيه وهباب إيه؟......أنا جمعتكم عشان أنا اتخذت قرار وعاوز أخد رأيكم فيه؟ أنا قررت أأمم قناة السويس سويس إيه؟ يوووووه .....معلش أصل الأحداث فــ دماغى متلخبطة وداخلة على بعضها قصدى أعلن حقى الشرعى فى عرش بريطانيا العظمى وايرلندا وعدم أحقية بنت عمى فيكتوريا...وعليه فلازم تتنازل عن العرش و..... بس ده قرار خطير يامولاى ......وقد يحمل نتائج لا قبل لنا بها مهو أنا عارف ........مش خطير بس ده حيقلب التاريخ كله وده اللى أنا عاوزه ............أصل فيكتوريا حتخلف 9 وكلهم حيكونو النواة لكل الأسر الحاكمة فى كل أوروبا لغاية القرن ال 21 فلو ورثت أنا العرش فالتاريخ كله حيتغير النبلاء والأمراء: ماتفتحوليش بؤكم كده زى الهبل.......أنا نفسى مش عارف ليه بعمل كده ......بس أدينى بجرب....لعل وعسى اللى فــ بالى يكون صح. طب عدم أحقيتها فـ العرش بناءاً على إيه ؟! على إنها بنت سِفاح ....مهو إنت متعرفش إن أمها كانت بتعط بره وعمى ياولداه -الدوق إدوارد- كان قاعد فــ بيتهم لا حول له ولا قوة....... أمال تفسرو إزاى إن ولادها وبناتها أغلبهم اتصاب بالـ haemophilia أو مرض نزف الدم اللى لا عمى ولا حتى جوزها ألبرت كان عنده وده حيكون ليه نتايج وخيمة بعد كده زى بنتها الكساندرا اللى حتخلفها من ألبرت وحتتجوز قيصر روسيا وحيخلفو بعد كده طفل مصاب بالمرض وده حيبقى سبب مهم من سقوط روسيا القيصرية لإنه حيخلى آل رومانوف كلهم يقعو تحت تأثير الشيطان راسبوتين.. النبلاء والأمراء : صدقونى أنا كده بغير التاريخ للأحسن النبلاء والأمراء: : مهو إنتو مش حتفضلو فاتحينلى بؤكم كده.....أنا عارف إنى كلامى معظمه لسه محصلش بس أنا اخدت قرارى وخلاص النبلاء والأمراء: : يووووووووه أنا بعلن رفضى ياأمير أرنست رفض إيه ياخويا...!!! رفضى لقرار عظمتك.......مش بتقول إنك بتستشيرنا بستشيرك يعنى تقولى موافق عظمتك.....ونِعم القرار...!! كده يعنى. أنا.......!!! أنا النبيل هاينز ياأمير وأنا عمرى فى يوم من الأيام ماكنت من المهرجين أو من المنافقين أو....... آه هاينز بتاع الصلصة...ألا تكونيش صدقتى نفسك يابيضة......نبيل إيه ياله .... ده أنا ممكن أعلن مصادرتى لكل أملاكك دلوقتى وضمها ليا واقلعك بلبوصة حالاً وأخلى خدم القصر يزفوك فى طرقات هانوفر وكل بروسيا تتغنى بجنونك وهبلك من أول نافارا لغاية حدود الأطلنطى. بقول هو حضرتك إديت ميعاد تحرك الجيش امتى لو مطالبك الملكة ما نفذتهاش؟! ليه؟! علشان ابقى مستعد معك للقتال ...فكتفى سيكون ملاصق لكتفك ساعة النزال يامولاى. أيوة اتعدل كده. وإنتم؟! النبلاء والأمراء : موافقون ياأميرنا. تمام.....بكده نبدأ القرار الصعب بقى..... ماوافقتش.. (يقولها الأمير أرنست -سامر- ملقياً الرسالة أرضاً ) مهو ده اللى متوقع يامولاى......عشان كده بدأنا بتجهيز الجيش زى ما أمرتنا وهو الآن على أتم الإستعداد لإشارتك بالتقدم . بس.... بس إيه؟ لما طلبنا العون ويد المساعدة من أمراء ساكسونيا وبرلين وبافاريا....كلهم احم احمممممم.... كلهم إيه .. ماتنطق كلهم رفضو عظمتك. الكلاب..........مش مشكلة نعلن الحرب على بريطانيا لوحدنا بس. بس إيه تانى فى مشكلة تانية يامولاى. ايه هى؟ إزاى حنغزو بريطانيا بالجيش بتاعنا براً. .......... ...... .. سامر...يا سامر ...إنت يابنى آه..آآآآآآآآآه...........إيه فى إيه؟ طارق : مفيش....... راسك فجأة تقلت وقمت نايم يجى تلت ساعة ........واحنا من ساعتها عمالين نهز فيك إنك تصحى وإنت أبداً.......ده حتى شوقى قلق عليك بس احنا طمناه ماكانتش كوباية خروب وحباية حباية إيه عدلى : حباية اسمها lsd بتعمل دماغ رايقة واحنا متعودين ناخدها كل مرة ف أول القعدة مع البيرة وقلت احطهالك ومفيش مشكلة....بس الظاهر إن دماغك خفيفة أوى شوقى: أنا قلتلك ياعدلى وهو نايم ...كنت لازم تستأذنه قبل ماتحطها عدلى : جت سليمة ياراجل.....هو حصله إيه يعنى مهو زى الحصان أدامك أهو.....أله مين رباب وسلامة اللى كنت بتخطرف باساميهم وإنت نايم؟ طارق: آه صحيح....ده إنت كنت بتقول مش عاوز اتجوز رباب....إلا رباب. سامر مُقبلاً ومحيياً أصدقائه : تصدقو ده أحلى يوم قضيته فــ حياتى عدلى : ليه يعنى ؟ إيه اللى حصل؟ ده يدوب الراجل بدأ يقرا لطارق الفنجان بعد ماسعادتك نمت مع نفسك وسيبتنا . سامر :أحلى يوم عدلى : طب استنى بس اقعد شوية........إنت جيت فــ إيه وماشى فــ إيه؟ طب يقرالك الكف بس. سامر : صلى على النبى......ده أنا اتقرالى مية كف. عدلى : ازاى يعنى؟!! ...... إنت يابنى........طب استنى.........استنى حوصلك (تمت) [/align] ***************** *القصة إهداء للأستاذة هدى عبدالباسط ومنتديات الكرامة العربية (السبب الرئيسى لخروج القصة المتواضعة تلك للنور).**جميع شخصيات وأماكن وأحداث القصة حقيقية. ***جميع العبارات الأجنبية سواء الهندية أو الفرنسية أو العبرية أو الألمانية حقيقية وذات معنى. *****الترانيم والأغانى والمقاطع الموجودة فى منتصف القصة من وحى خيالى مثل : لكن لا تخبرنى أن أسرارك مخبأة بلندن فأنا أعلم ذلك فى كل مكان فسرك الصغير لم يعد كما كان أو حتماً هناك شمس ... ولكنها بعيدة المرام فعيناك المتعبة لاأرى فيها إلا سماء لندن الضبابية *****************
__________________ 1 + 1 = 1 هل لهذا العالم معنى يتجاوز حدود فهمى وأنا لا أعرف هذا المعنى؟!! التعديل الأخير تم بواسطة : forbidden بتاريخ 14-10-2006 الساعة 01:06 am. |
| Offline | |
|
15-10-2006, 06:00 pm
| #13 (permalink) |
| عضو نشط  تاريخ التسجيل: Jul 2006 المشاركات: 741 | اظن ان فعلا للعالم اللي حوالينا معاني تتجاوز حدود فهمنا لانه اكبر بكتير من مجرد سطه او ظاهر بواطنه عميقه جدا مع بساطتها ..لدرجة اني ساعات بفكر ان الناس مش سامعين صوتي بنفس النبره اللي انا سامعه صوتي بيها او مش شايفين الالوان زي ما انا شيفاها وبنفس الدرجه الموضوع كبييييييييييير وشكلي هبدا اخترف
__________________  تلقي بي افكاري مرهقه.. بصحبة روحي ذكرى معلقة.. ومخطوطة سحرية ممزقة.. |
| Offline | |
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | إبحث في الموضوع |
| طرق مشاهدة الموضوع | |
العرض العادي
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رباعيات صلاح جاهين | بلاد العرب اوطاني | أشعار عامية | 6 | 01-07-2008 08:29 am |
| كرسى الحلاق | سيد الموجى | أشعار عامية | 25 | 05-04-2008 09:10 pm |
| فضيحة وولفويتز .. وفضائح النظام الحاكم في مصر | أحمد يونس | مصر المحروسة | 6 | 26-08-2007 10:08 pm |
| بيتزا صيامي (الجزء الثاني ) | يوسف العصفور | منتدى القصة | 2 | 06-01-2005 09:14 pm |
| مشاركتي الاولى ( في الاخر دودة ) | يوسف العصفور | منتدى القصة | 2 | 27-12-2004 10:22 pm |
 | الأعلى - منتديات عبدالرحمن يوسف-منتديات أدبية شعر أدب ثقافة تعليم سياسة اخبار | الاتصال بنا - الأرشيف - الأعلى | |
