الموضوع: فى عيد الحب

فى عيد الحب سيكتب كل العشاق
قصائد تقليدية
أحبكِ...أهواكِ...أعشقكِ
وكلاماً معسولاً
وقصائد غزليّة
وفى عيد الحب
سأكتب الى عينيكِ
لتأخذنى لبلادِ الحريّة
لأُتوج ملكاً
فى مملكة الحب الأبديّة
ويُصبحَ قلبى عصفوراً
لا يعرفُ إلا الطيران
فى سماءِ الأحلام الورديّة
سأكتب أن الحب بدونك
كأناسٍ بلا أوطان
كشوارع بلا عنوان
كحياةٍ بلا إنسان
كإنسان ضل طريقه
فى دروبٍ منسيّة
سأكتب أنى بدونك ينقصنى
أن أحيا حياة بشريّة
فى عيد الحب
فلنكتب أنا وأنت
قصةَ حب أسطوريّة
عنوانها
الحب فى بلاد الحريّة.

ربما كنت فى الماضى اعتقد ان الاحتفال بعيد الحب شئ تافه وان من يحتفلون به مجموعة من المتخلفين عقليا لكنى اكتشفت انى فى حاجة ماسة للاحتفال به رغم انى مازلت معترضا على الاحتفال به
لكن الاحساس بالحب قد يغير كل شئ فى حياة الانسان
فالحب يجعلنا نحس اننا مازلنا بشر

مفاجأة جامدة جدا
اول موضوع لى فى المنتدى يتم تثبيته
مش عارف ده لانها قصيدة جيدة المستوى ولا عشان المناسبة
على العموم شكرا لزرياب على هذه المفاجأة
وتحياتى للجميع
وعيد حب سعيد

السلام عليكم ورحمة الله وبركاته


لا تنزعج

فهناك موجة تثبيت على المنتدى حاليا

حتى اننى فوجئت اليوم بتثبيت احدى موضوعاتى على المنتدى (خواطرى) منتدى الخواطر والتأملات

لكن قصيدتك تلك حقا رائِعه وتستحق التثبيت


سؤال يلحّ علىّ

هو مين الحب ده ؟؟؟

انا اعرف عيد الأضحى عيد طلعة رجب

لكن الحب ده اول مره اسمع عنّه

تحياتى لك
وعوده جميله اشتقنا إليها

قصيدة جميلة يا مدحت، والف حمد لله على السلامة نورت المنتدى من جديد ... وكل حب وأنت طيب

هو مين الحب ده ؟؟؟

هايكون ايه يا إيمان واحد راجل طبعاً... بيقولو عليه جدع أوى

المشاركة الأصلية كتبت بواسطة ذات الارقام

السلام عليكم ورحمة الله وبركاته


لا تنزعج

فهناك موجة تثبيت على المنتدى حاليا

حتى اننى فوجئت اليوم بتثبيت احدى موضوعاتى على المنتدى (خواطرى) منتدى الخواطر والتأملات

لكن قصيدتك تلك حقا رائِعه وتستحق التثبيت


سؤال يلحّ علىّ

هو مين الحب ده ؟؟؟

انا اعرف عيد الأضحى عيد طلعة رجب

لكن الحب ده اول مره اسمع عنّه

تحياتى لك
وعوده جميله اشتقنا إليها

الحب ده
هو اللى خلانى احس انى لسه عايش وانى لسه بنى ادم
والله العظيم انا جت على فترة حسيت انى انا .... ولا بلاش
ولولا الحب كان زمانى اتجننت
وشكرا على ردك
الا بالمناسبة اخبار بنوتك الحلوة ايه

المشاركة الأصلية كتبت بواسطة سامح الصقر

قصيدة جميلة يا مدحت، والف حمد لله على السلامة نورت المنتدى من جديد ... وكل حب وأنت طيب

هايكون ايه يا إيمان واحد راجل طبعاً... بيقولو عليه جدع أوى

ابو زمل فى الكفاح
الا اخبار الكفاح ايه لسه مطحون ولا قررت تتجنن وتعمل زيي وتتمرد واللى يحصل يحصل
متشكر جدا على ردك الجميل
وكل حب وانت وكل الناس طيبين ومحبين
على فكرة الحب مش جدع بس ده جدع قوى قوى قوى
ده ممكن يخلى الحجر يبقى بشر

حروفك وكلامتك مميزه
تسلم ايديك وافكارك ومشاعرك
ربنا يديم عليك نعمة الحب

تحياتي

المشاركة الأصلية كتبت بواسطة ساحرة الكلمات

حروفك وكلامتك مميزه
تسلم ايديك وافكارك ومشاعرك
ربنا يديم عليك نعمة الحب

تحياتي

شكرا لكلماتك الرقيقة
واتمنى ان اقرأ ردودك دائما على كل اعمالى
تحياتى

السلام عليكم ورحمة الله وبركاته

المشاركة الأصلية كتبت بواسطة سامح الصقر

قصيدة جميلة يا مدحت، والف حمد لله على السلامة نورت المنتدى من جديد ... وكل حب وأنت طيب

هايكون ايه يا إيمان واحد راجل طبعاً... بيقولو عليه جدع أوى

واحد راجل !!!!!!!!!!

ماعرفهوش يا حضرة الظابط