 |  |  |
03-08-2007, 12:37 am
| #1 (permalink) |
| عضو نشط تاريخ التسجيل: Aug 2007
المشاركات: 179
|  أمن الدولة واقف عندك تعمل إيه ؟ أنا باتمشَّى ف حالي يا بيه ! هم الدنيا بيتربصبي وانا باتعان بالمشي عليه .. إسمك إيه ؟ والله مافاكر ..! إسمي مواطن إسمي مواطن مصر الصابر .. كده كتبوني ف كل دفاتر كفر اليُتمى .. مركز متاعيس الشرقية! أنا من ذات نفس المُديرية ! من مواليد الزمن الغابر جيل الثورة والإشتركية سمُّونا .. جيل الحُريّة إحنا الجيل العربي الثاير جيل الفكر الشرقي الكافر .. جيل السد .. ومكاسب شعب ما تنعد جيل التأميم والإصلاح جيل العامل والفلاح إحنا يا باشا إللي بننحط مطرح ما تقولوا وبالظبط ولا حدش فينا بينحاز ولا حدش بيفك الخط أنا عشت الأيام السودة كُنَّا نطفِّي النُور ف الأوضه وقت الغارة ونهيَّص من حارة لحارة طفُّو النور .. طفُّو النور وترُشِّنا بالميه .. الجارة قالوا أنا مولود بعد الهوجة .. ف عهد النصر ! فيه ناس قالوا ف عهد القهر.. قالوا انا جيت وف ديلي الفقر تلاقيك عارف كل القصة !! مش برضه سعادتك من مصر ؟؟! مش راح أطوِّل اُمي المرحومة فطمتني بعود صبَّار وانا كان عُمري يدوبك شهر ! من يومها وأنا برضع صبر ! من يومها يا سعادة الباشا وانا ريقي مبلوع بالصبر يغفر ذنبك يامه يا طاهره ويوسَّع حواليكي القبر عُمري ما قُولت لمأمور لأ ولا بَعرف غير قُوُل الحق وبصلّي .. وفحالي تملِّي .. ولا بأسمع أخبار اليوم شئ ماله لزوم لو حد إتكلم ف سياسة بأقعد مكتوم أو ألملم حالي وبأقوم من غير تعليق !! ليه بس يا باشا مجرجرني ف محضر تحقيق ؟؟ دا أنا واحد من ضمن الفُقرا لا بنكتب ضد ولا بنقرا وبندعى .. للريّس دايماً و بنهتف .. للسادة الوزرا وخدمت الجيش وأحلف لك : ولا ماوعى أعيش م الليلة.. مش حخرج تاني بالزمَّه .. وديني وأيماني غير بس أدوَّر ع اللقمة ورغيف العيش ده أنا طيّب حاضر ف لساني غير بيتي ما ليش وعيال بالكوم ركباني هموم كراريس ومدارس وهدوم والرزق بيجي بميت واسطة .. غير كده .. ما ألقيش وانا عايز أعيش نفسي أهرب من الدنيا بحالها أطفش .. ولا أجيش الدنيا يا باشا لأمثالنا غير صَحن الذُّل ما تدِّيش وانا راضي وصابر سيِّبني أروح .. أصل أنا مش قادر يجعل بيتك دايماً عامر. شكلك صعلوك وبتتآمر!؟ متمسكن والدمعه ف عينك شُغل النسوان مش حيفيدك لو فاض صبري ح كلبش إيدك عامل فيها البت البكر ؟؟ راسم عفَّه وطيبه وطُهر ؟؟ عُمرك شوفت نجوم الظهر ؟؟ إحنا مباحث أمن الدولة إمش إنجر وأي مُحاولة راح ألبِّس أهلك ميت بلّوه أتخن منَّك بيّبُوس إيدي يابني الشعب ده كُله عبيدي و أي مواطن كلب بيركع فتَّح عينك .. إفهم واسمع . بُص سعادتك .. أنا حَلّتها ! شُوف أوراقي .. آدي بطاقتي .. أنا عُمرى أساساُ ما داريتها ؟! والمسأله لو أمن الدوله .. واجب نتجاوب في ساعتها وتبقى بسيطه وبرضه في بيتها !! دي تبلَّها .. تشرب ميتها .! يا نهار أبيض !! المختومة بختم النسر ؟؟! حتى بطاقتي يا باشا لاغيتها ؟؟ ده أنا طول عُمري حويط ومحرَّس لا أتلم تحرِّي ولاأتبهدل ولا أبيِّت عندكو وأتجرس !! كُنت ف جيبي تملِّي شايلها زيّ هموم الدنيا .. حاملها أتحنجل .. وليلاتي أنقلها من فوق كتفي .. لتحت بطاطي وأخفي ف قلبي .. وواسي مراتي بأتصبَّر .. واهي ماشيه حياتي سارح ف الملكوت ومطاطي .. شكلك مش ولا بُد وواطي !. من فضلك .. بزيادة ألاطه وأسمع بقى منَّي على بلاطه ح احكيلك وضعي بإخلاص أنا راضع عزة ف أنشاص أنا كنت مُقاتل .. أنا دُفعة تسعه وستين طول عُمري .. شقيان مش عاطل وعبرت تلاته وسبعين .. لما سعدتك كُنت بشوُرت أنا شلت سلاحي وعبرت أمن الدولة بروحي حميته أمن الدولة بإيدي بنيته كُل الدولة حدود وتراب من دم الشُهدا أنا حنِّيته وانا شايل فوق كتفي سلاحي وبقايا رجال ..أشلاء ف شوال ربَّك قدَّرني .. ولمّيتُه وفّيت العهد إللي قطعته روَّحت زميلي لباب بيته ..! أمن الدولة !!؟؟ أمن الدولة تهين كرامتنا .. وتكرَّهنا في يوم ولادتنا ؟! أمن الدولة تدوس ف عيالها ؟؟ أمن الدولة إنك تغتالها ؟! مين أصلا جابك للسُلطة ؟ مين عمَلَك ظابط ف الشُرطة ؟! قولي برُتبك ليه مغرور ؟! وانت بكُل جلالة قدرك عبد وليك تلاتين مأمور ؟؟ ليه تفتيش .. ومباحث واقفه ؟! وستين بوكس وفرد مرور ؟! ومكرْدن كُل الميادين ومقفِّل شارع وإتنين وولاد مصر ـ براعم طالعه ـ طول السِّكه على الصفين ومطافي وشُرطه وإسعاف ربيتوا الرُعب في أجيالنا الكُل بيرجف ويخاف وتعطَّلوا ف مصالح ناس من غير تقدير أو إحساس إللي وراه طيارة .. تفوته ! والمسعوف .. ولا يفرق موته ! والمرضان .. مين يسمع صوته ! جاي تقولي انا أمن الدولة ؟؟ ممكن نفهم مع بعضينا معنى الأمن ؟؟ ممكن أشرح ؟! من غير ما أتكلبش وأتجرَّح ؟! أمن الدولة قانون ورقابة .. أمن الدولة قضاء ونيابة .. أمن الدولة نظام ع الكُل أمن الدولة تلف سعادتك وتجمِّل أرضها بالفُل عز بلدنا ف أمن الدولة .. ضل بلدنا ف أمن الدولة .. العدل أساس أمن الدولة أي كرامة .. لأي مواطن دايماً أولى لازم يبقى البيت منصان ولا فيش مصري يبات عريان ولا واحد يتعالج بره وغلابه .. ببرشام ودهان ولا واحد يتعشى بطارخ والتاني من الجوع مغصان ولا طفل متختخ ومكلبظ وعيال تانية تقولش عيدان وقصور باشوات طول سواحلنا وبقية الشعب ف قفصان ومدارس بتديرها أمريكا ومدارس تانيه بتنجان قبل ما تطلب أمن لدولة عزز للدولة الأركان إوجد هيبة لشأن الدولة وإرفع سيفها ف كل ميدان دولة تصون أولادها بخيرها مش تخلق منهُم خصيان دولة تفرَّحنا بموازينها من غير تميز لإبن فلان !! أمن الدولة يا رمز الدوله إنَّك تحترم الإنسان . هموم يوسف المنيلاوي التعديل الأخير تم بواسطة : يوسف المنيلاوي بتاريخ 05-10-2008 الساعة 05:45 pm. |
| Offline |  |
| مساحة اعلانية |
|
04-08-2007, 02:48 pm
| #2 (permalink) |
| عضو نشط  تاريخ التسجيل: Mar 2005 الدولة: الحمد لله في مصر
المشاركات: 3,501
| قصيدة رائعة رائعة وهمية ملهاش حل بجد قريتها كذا مرة.. واستمتعت فعلا بقرائتها.. أهلا وسهلا بحضرتك أ.يوسف معانا وبانتظار المزيد والمزيد من إبداعاتك
__________________ [عزيزي الزائر يتوجب عليك التسجيل للمشاهدة الرابط للتسجيل اضغط هنا] |
| Offline | |
|
06-08-2007, 12:42 pm
| #4 (permalink) |
| The poet  تاريخ التسجيل: Jul 2004
المشاركات: 1,852
| رائع رائع يا أستاذ يوسف ... هنيئا لنا وجودك معنا ... في انتظار المزيد
__________________ نـَقـــُـــولُ : " أرْوَاحُـنــَـــا لله خـَالِـصَــــــة ٌ " و أغـْـلـَـبُ الـنـَّـاس ِ لـلـزِّنـْـدِيـق ِ قــَـدْ سَـجَــدُوا ! نـَقــُــولُ : " يَـــا رَبـَّنـَــا ثـَبـِّــتْ عَـزَائِـمَـنـَــا " لـكِــــنْ فـَرَائِـصُـنـَـــا لـلـوَغــْــدِ تـَرْتـَعِــــدُ ! ! ! [عزيزي الزائر يتوجب عليك التسجيل للمشاهدة الرابط للتسجيل اضغط هنا] |
| Offline | |
|
07-08-2007, 11:03 pm
| #6 (permalink) | |
| عضو نشط تاريخ التسجيل: Aug 2007
المشاركات: 179
| شرفٌ لي .. اقتباس:
كم يُشرفُني أن أكون هنا بينكُم .. وكم أسعدني حفاوتكم وإهتمامكم الكريم .. لك شخصياً محبتي خالصة صادقة .. وإعلم أخي عبد الرحمن .. أن تُراب أرض الوطن يُحبُك محبتنا ويحتمي بك وبأمثالك من الشرفاء الأوفياء .. أروِّج لك ..وأحصد الشكر والثناء مِن كل مَن يصله منى بعضٌ من أبياتك في حُب هذا الوطن والدفاع عن كرامته .. أنت جميل يا عبد الرحمن .. حقاً جميل .. آمل أن يتسع مُنتداكم للقصائد المسموعة .. حيث أن العامي من النصوص يفقد الكثير من موسيقاه إذ لم يُلقى أو يُغنى بحرفة .. من كاتبه .. لك كل تقديري الذي لا أمنحه إلاَّ للشُرفاء .. أخوكم يوسف المنيلاوي القاهرة
__________________ .. ان الإصلاح الوحيد الجدير بالإستحسان هو الطوفان الثاني ..!! يوجين أونيل | |
| Offline | |
|
07-08-2007, 11:44 pm
| #7 (permalink) | |
| عضو نشط تاريخ التسجيل: Aug 2007
المشاركات: 179
| شكرا لك أخي أمير .. اقتباس:
بكم تكتمل النصوص .. ذائقتكم تسمو بالنص حقيقي سعيد جدا بوجودي هنا بينكُم جميعا .. شكرا لك مرورك الكريم أخوكم يوسف المنيلاوي
__________________ .. ان الإصلاح الوحيد الجدير بالإستحسان هو الطوفان الثاني ..!! يوجين أونيل | |
| Offline | |
|
08-08-2007, 07:29 am
| #8 (permalink) |
| عضو نشط  تاريخ التسجيل: Jul 2006
المشاركات: 738
|
استاذي العزيز يوسف: اثرت في كل كلمة من كلماتك التي وظفت كل لفائدة ترجى.. ان لم ابالغ ف قولي فقد ادمت يدي تصفيقا لك سيدي دمت مبدعا...
__________________  تلقي بي افكاري مرهقه.. بصحبة روحي ذكرى معلقة.. ومخطوطة سحرية ممزقة.. |
| Offline | |
|
08-08-2007, 01:27 pm
| #9 (permalink) | |
| عضو نشط تاريخ التسجيل: Mar 2005 الدولة: الحمد لله في مصر
المشاركات: 3,501
| اقتباس:
كان نفسي أقول لحضرتك كدة من أول ما قريتلك ياريت بجد لو ينفع حضرتك ترفعلنا المسموووع ياااااااااااااااه إيه السعادة دي :>:>:>:> .gif "(311)")
__________________ [عزيزي الزائر يتوجب عليك التسجيل للمشاهدة الرابط للتسجيل اضغط هنا] | |
| Offline | |
|
08-08-2007, 08:35 pm
| #10 (permalink) |
| عضو نشط  تاريخ التسجيل: Jun 2006
المشاركات: 752
| انت معلم والله يا عمنا معلم
__________________ وماذا سوفَ يحدثُ لو خلوتُ إلى اعتمالِ الوقتِ في ركضِ الحياةِ مزارِعًا أو بائعًا للفلِ أو شيخًا لمسجدِ حيِّنا الشعبيِّ ؟ أصرخُ "من يخلِّصُني سواكَ وما اعتراكَ الضعفُ مثلي" ثم أغرقُ في بحورِ العينِ لا كحلٌ لها غير التزامي فيَّ بالسهرِ الجميلِ وركعتينِ تخلصانِ الروحَ من نهدٍ تفجَّرَ ثورةً [عزيزي الزائر يتوجب عليك التسجيل للمشاهدة الرابط للتسجيل اضغط هنا][عزيزي الزائر يتوجب عليك التسجيل للمشاهدة الرابط للتسجيل اضغط هنا] |
| Offline | |
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رموز مضيئة .. عصمت سيف الدولة | handhala | المكتبة السياسية | 2 | 13-10-2008 01:50 am |
| هل الإسلام دين ودولة؟ | النورس | شئون عربية وإسلامية | 1 | 13-10-2008 01:50 am |
| أزمة الدولة والصحافة | بركات | مصر المحروسة | 0 | 18-09-2007 01:18 pm |
| الجزء الثانى لن ننساكم تحية الى شهداء المسرح المصري والعربي في خمسة سبتمبر | محمد صلاح موافى | أخبــار فـنــيـة | 0 | 06-09-2007 09:04 pm |
| الإسلام دين ودولة | محمد طلبة رضوان | شئون عربية وإسلامية | 0 | 18-08-2007 06:51 pm |
 | الأعلى - منتديات عبدالرحمن يوسف-منتديات أدبية شعر أدب ثقافة تعليم سياسة اخبار | الاتصال بنا - الأرشيف - الأعلى | |
